Juan 1:14 - Dios Rimashca Shimicunami

¹⁴ Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Mushuj Testamento Diospaj Shimi

¹⁴ Rimashca Shimi aichayuj tucushpami, ñucanchijpurapi causarca. Paitaca, Diospaj shujlla Churi cashpa, Yaya shinallataj tucuita yalli sumaj cajtami ricurcanchij. Paica mana cʼuyaipajta cʼuyajpish, cashcatataj huillajpishmi carca.

Juan 1:14 Iomraidhean Croise

SALMOS 2:7

Mandaj Dios ñucaman ima nishcatami huillagrini: “Paica ñuca huahuami cangui, cunanmi canmanca causaita cuni.

SALMOS 45:2

Tucui c'aricunata yalli sumajmi cangui. Quiquinpaj shimimantaca sumaj shimicunami talliricun. Chaimantami Taita Diosca quiquintaca huiñaipaj alli nishca.

SALMOS 85:9

Paita manchajcunata quishpichinaca ña c'uchuyamushcatajmi. Ñucanchij llajtapi, pai sumaj cashcahuan causanamari c'uchuyamucun.

ISAÍAS 40:5

Chaipimi Mandaj Dios sumaj achij nicuj cashcaca ricuringa. Chaitaca tucui gentecunami tandanacushpa ricungacuna”. Mandaj Diosca, paipaj shimihuantajmi chashna nishca.

ISAÍAS 53:2

Chaquishca allpapi yura sapimanta retoñaj shinami paipaj ñaupajpica huiñanga. Paica alli ñahui mana cangachu. Paica sumaj ricunanqui ñahuica mana canchu. Ñucanchij catingapaj munana ñahuillatapish mana charircachu.

ISAÍAS 7:14

Chaimanta Jatun Diosllatajmi, cancunamanca shuj ricuchinata ricuchigrin: C'arita manaraj rijsij shuj huarmimi chichunga. Paica shuj c'ari huahuatami huachanga. Chai huahuataca Emanuel shutitami shutichinga.

EZEQUIEL 37:27

Ñucapajlla carpa huasipish paicunapaj chaupipimi canga. Ñucaca paicunapaj Taita Diosmi casha, paicunaca ñuca agllashcacunami canga.

Mateo 1:16

Jacobpaj huahuaca Josemi carca. Chai Josemi Mariapaj cusa carca. Chai Mariapimi Cristo shuti Jesusca huacharirca.

Lucas 2:11

Cunanmari Davidpaj pueblopica, shuj Quishpichij huacharishca. Paica Mandaj Cristomi.

Lucas 2:7

Pozana huasicunapi junda cajpimi, Mariaca punta c'ari huahuataca huagracuna shayana ucullapi huacharca. Chai huahuataca maitushpami ujsha jahuapi sirichirca.

Lucas 9:32

Pedropish, paihuan cajcunapish dorminaihuan cashpapish mana dormishpami, Jesusca sumaj achij nicuj cashcata, paihuan parlanacucuj ishqui runacunatapish ricuracurcallacuna.

Juan 1:1

Taita Dios imatapish manaraj rurajpimi Rimashca Shutica ña tiyarca. Rimashca Shutica Taita Dioshuanmi carca. Rimashca Shutica Taita Diosllatajmi carca.

Juan 11:40

Jesusca: –Can crishpaca Taita Diosca tucuita rurai tucuj cashcata ricunguimi nishpa ¿manachu nircani?– nircami.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Juan 14:9

Chaimi Jesusca: –Unitami cancunahuan carcani. Felipe ¿manarajchu ñucataca rijsingui? Pipish ñucata rijsijca, ñuca Yayatapish ñami rijsin. ¿Ima nishpataj canca: “Yayata ñucanchijman ricuchi” ningui?

Juan 17:22

Ima shinami ñucanchij shujlla canchij, chashnallataj paicunapish shujlla cachunmi, can ñucaman cushca rurai tucunataca paicunamanpish curcani.

Juan 17:24

Ñuca Yayitu, can cushca ñucata catijcunaca, can ñucaman cushca rurai tucunata ricuchun, ñuca maipimi cani paicunapish chaipi cachunmi munani. Canca cai pachata manaraj rurashpami ñucataca c'uyarcangui.

Juan 18:37

Chaimi Pilatoca: –Shinashpaca canca ¿jatun Mandajchu cangui?– nijpi, Jesusca: –Canllatajmari ñucataca jatun Mandaj ningui. Ñucaca chaipajllatajmi cai pachaman shamushpa huacharircani. Mana llullata huillangapajmi shamurcani. Ñuca huillashcataca mana llullapaj cajcunallami uyancuna– nirca.

Juan 2:11

Jesusca Galileapi caj Caná pueblopimi, milagrota ruranataca callarirca. Paica tucuita rurai tucuj cashcata chaipi ricuchijpimi, paipaj yachacujcunaca paita crircacuna.

Juan 3:16

Taita Diosca, cai pachapi causajcunataca yallitaj c'uyashpami, paipaj shujlla Churita cacharca. Pipish paita crijca ama chingarishpa, ashtahuanpish huiñai causaita charichunmi cacharca.

Juan 3:18

Taita Diospaj Churita crijtaca, jatun llaquiman rina nishcaca mana cangachu. Ashtahuanpish paipaj shujlla Churita mana crijtami jatun llaquiman rinatajmi can nishca.

Juan 6:51

Jahua pachamanta shamuj causaiyuj tandaca ñucami cani. Maijanpish cai tandata micujca huiñaitami causanga. Ñuca carana tandaca, ñuca aichami. Chaitaca cai pachapi causajcuna huiñai causaita charichunmi, ñucallataj curisha– nircami.

Juan 8:32

Chashna cashpami, mana llullataca rijsinguichij. Chai mana llullami huatashca shinamanta cacharichinga– nijpimi,

Hechos 13:33

Chashna cusha nishcataca ñucanchij ñaupa yayacunapaj huahua huahua ñucanchijmanmi Jesusta causachishpa pai cusha nishcataca Taita Diosca pajtachishca. Q'uipa Salmopipish: “Canca ñuca Churimi cangui. Cunanmi canmanca causaita cuni” nishpa quillcashcami tiyacun.

Romanos 8:3

Ñucanchijca juchayuj aichapi cajpi mandashca imata mana rurai tucujpimi, Diosca paipaj Churitaca, juchayujcuna shina aichayujta rurashpa cacharca. Ñucanchij juchata anchuchingapajmi, paipaj aichallapitaj juchataca chingachirca.

Romanos 9:5

Paicunaca callari yayacunapaj huahua huahuacunami. Aichamantaca paicunapurapimi Cristoca shamurca. Paica tucui ima tiyajcunapaj jahuapi caj Diosmi. Paitaca, huiñai huiñaita alli nishca cachun. Chaica chashnatajmi.

1 Corintios 15:47

Punta runaca allpamantami carca, allpallatajmi. Q'uipa runaca jahua pachamantami, paica Mandaj Jesusmi.

2 Corintios 12:9

Chashna mañajpipish, paica: “Ñuca mana c'uyaipajta c'uyashcahuan cushicui. Irquilla cajpimi ñuca poderca ashtahuan alli jundanga” nircami. Chaimanta ñucaca Cristopaj poder ñucapi causachunca, tucui munaihuanmi ashtahuanpish irquilla cashpaca jatun tucusha.

Gálatas 4:4

Ashtahuanpish cachana punlla pajtajpica, Diosca paipaj churitami cacharca. Paica Mandashca ucupimi, shuj huarmimanta huacharirca.

Efesios 3:8

Ñucaca tucui jucha illajcunamanta ashtahuan uchillami cani. Chashna cajpipish mana judiocunaman Cristopaj mana yupaipaj achcata charishca alli huillaita huillachunmi, cai mana c'uyaipajta c'uyaj canataca ñucaman curca.

Colosenses 1:19

Dios pai ima shina cashcaca, Cristopi junda causachunmi munarca.

Colosenses 2:3

Yachaisapa canahuan, yuyaisapa canahuan charij canaca Cristopimi pacashca tiyacun.

Colosenses 2:9

Dios tucui ima shina cashcaca, Cristopaj cuerpopimi causan.

1 Timoteo 3:16

Ñucanchij crishcaca pi mana yachashca, yallitaj jatunmari. Chaitaca mana chashnachu nishpa, pi mana ni tucunchu: Taita Diosca, aichayuj tucushpami ricurishca. Espiritupish cashcata rurajmi nircami. Angelcunaca ricurcacunami. Mana judiocunamanpish paimantaca huillarcacunami. Cai pachapica, crircacunami. Sumaj jahua pachapica chasquishcami carca.

Hebreos 1:3

Diosca achij nicuj sumaj cashcata, pai ima shina cashcatapish paipaj Churimi ricuchicun. Paipaj poderyuj rimaihuanmi, tucui ima tiyajtapish charicun. Paillapitaj ñucanchij juchacunata chuyayachishpami, jahua pachapi Jatun Mandajpaj alli ladopi tiyarirca.

Hebreos 1:5

Diosca angelcunataca ni maijan angelta: “Canca ñuca Churimi cangui. Ñucaca cambaj yayami tucurcani” ninataca manataj nircachu. Shinallataj: Angelcunataca ni maijan angelta: “Ñucaca paipaj Yayami casha. Paica ñuca churimi canga” ninatapish manataj nircachu.

Hebreos 10:5

Chaimantami Cristoca cai pachaman shamushpaca, Diostaca cashna nirca: “Sacrificiota, ofrendataca mana munarcanguichu. Chaipaj randica, ñucatami aichayujta rurarcangui.

Hebreos 2:11

Jucha illajta rurajpish, jucha illajta rurashcacunapish tucuicunami shuj Yayapajlla. Chaimantami Jesusca ñucanchijtaca huauquicuna ninataca mana pinganachin.

Hebreos 5:5

Chashnallatajmi Cristopish paipaj quiquin munaimanta ñucaca curacunata jatun pushaj curami cani nishpa mana jatun tucushca. Ashtahuanpish Diosmari: “Canca ñuca Churimi cangui. Ñucaca cambaj yayami tucurcani” nirca.

1 Juan 4:14

Cai pachapi causajcunata Quishpichij cachun, Yayaca paipaj Churita cachashcatami ricurcanchij. Chaitami ñucanchijca huillacunchij.

1 Juan 4:9

Diosca paipaj shujlla Churimanta ñucanchij quishpirichunmi cai pachaman cacharca. Chashnami pai c'uyaj cashcataca ricuchirca.

2 Juan 1:7

Cai pachapica, achca umajcunami ricurishca. Paicunaca Jesucristoca aichayuj tucushpami shamurca nishpaca, mana huillancunachu. Chashna nijcunaca umajcunami, Cristota p'iñajcunami.

Apocalipsis 19:13

Paica yahuarpi tinishca churanata churashcami carca. Paipaj Shutica: Diospaj Rimaimi carca.

Apocalipsis 21:3

Cielomanta cashna nishpa sinchita caparijtami uyarcani: “Diospaj carpa huasica cunanca tucui gentecunahuanmi. Paicunahuanmi causanga paicunaca Diospaj huahuacunami canga. Paicunapaj Diostaj cashcamantaca, paitajmi paicunahuan canga.