Juan 1:13 - Dios Rimashca Shimicunami

¹³ Taita Diospaj huahua tucungapajca mana huahuacuna huacharij shina aicha munaimanta, c'arita munashcamantachu huacharirca. Ashtahuanpish Taita Diospaj munaimantami huacharirca.

Mushuj Testamento Diospaj Shimi

¹³ Diospaj huahua tucungapajca mana yahuarmanta, mana aicha munaimanta, mana cʼaripaj munaimanta huacharishcachu, ashtahuanpish Taita Diospaj munaimantamari Diospaj huahua tucun.

Juan 1:13 Iomraidhean Croise

GÉNESIS 25:22

Rebecapaj huijsapica huahuacuna macanacujpimi Rebecaca: “Chashna cajpica, imapajtaj ñucaca causasha” yuyashpami Mandaj Diosta tapugrirca.

GÉNESIS 25:28

Esaú japimushca animalcunata micuj cashpami Isaacca Esautaca yallitaj c'uyarca. Rebecaca, Jacobtami yallitaj c'uyarca.

GÉNESIS 27:33

Chaipimi Isaacca chujchushpa jatunta mancharishpaca: –Can manaraj chayamujpimari, animalta japishpa sumaj micunata rurashpa maijantajshi ñucapajman shamushpa carajpi chaita micushpa ñucaca paitaca alli cashca cachun nircani. Paimi alli cashca cachun nishca canga– nirca.

GÉNESIS 27:4

Chai aichataca, ñuca ima shina munaj cashca shinata rurashpa ñucaman carahuai. Ñuca manaraj huañushpa canta alli cashca cachun ningapaj chashna rurahuai– nircami.

SALMOS 110:3

Quiquinpaj cajcunaca quiquin mandacui punllapica, paicuna quiquinllatajmi quiquinman curingacuna. Quiquin jucha illaj sumaj cashcapimi curingacuna. Pacari shullahuan cada tutamanta mushujyaj shinami punllanta mushujllataj canguilla.

Mateo 3:9

Cancunapaj ucu yuyaillapi: “Ñucanchijca Abrahamtami yayata charinchij nishpa” ama nirichijchu. Cashnami nini: Taita Diosca, cai rumicunatapish, Abrahampaj huahua huahuacuna cachun rurai tucunmi.

Juan 3:3

Chaimi Jesusca: –Pipish mana cutin huacharijca, Taita Dios mandacujpica mana ricungacunachu. Chashnatajmi canga– nircami.

1 Corintios 3:6

Ñucaca tarpurcanimi, Apolosca yacutami churarca, ashtahuanpish huiñachijca Diosmari.

Filipenses 2:13

Allita ruranatapish, allita munanatapish Diosmi pai munashcamanta cancunapica rurachicun.

Tito 3:5

ñucanchijtaca quishpichirca. Mana ñucanchij ima allicunata rurashcamantachu quishpichirca. Ashtahuanpish ñucanchijta pai llaquishcamantami, paipaj Jucha illaj Espirituhuan maillashpa cutin huacharishcata rurashpa mushujyachirca.

Santiago 1:18

Pai munashcamantami mana llulla shimimanta pai rurashcacunapaj punta p'ucushca grano shina cachun, ñucanchijtaca mushujyachirca.

1 Pedro 1:23

Cancunaca huañujlla yayamantaca, mana cutin huacharishcanguichijchu. Ashtahuanpish huiñaita causaj, mana tucurij Diospaj Shimita uyashcamantaca, mana huañuj yayamantami huacharishcanguichij.

1 Pedro 1:3

Ñucanchijta Mandaj Jesucristopaj Dios Yayataca, alli nishca cachun. Paica, ñucanchijta jatunta llaquij cashcamantami huañushcacunapaj chaupimanta Jesucristota causachishpa, huiñaita causagrina yuyailla cachun, ñucanchijtaca cutin huacharichirca.

1 Pedro 2:2

Ashtahuanpish cunanlla huacharishca huahuacuna shina, imahuan mana chagrushca Diospajlla lecheta munaichij. Chashna cashpami quishpichishcapica huiñanguichij.

1 Juan 3:9

Maijanpish Diosmanta huacharishca cajca, Diospaj mushuj causaita charishcamanta juchallishpallaca mana causai tucunchu. Diosmanta huacharishcataj cashcamantami juchallishpallaca mana causai tucun.

1 Juan 4:7

C'uyashcacuna, Dios c'uyaita cushcamanta caishuj chaishuj c'uyanacushunchij. Maijanpish c'uyajca Diosmanta huacharishcami, Diostapish rijsinmi.

1 Juan 5:1

Jesustaca Cristo cashcata maijanpish crijca, Diosmanta huacharishcami. Diosta maijanpish c'uyajca, paipaj huahuacunatapish c'uyanmi.

1 Juan 5:18

Diosmanta maijanpish huacharishca cajca, juchata mana rurashpa catij cashcataca yachanchijmi. Paitaca Diospaj huahua cajpimi huaquichin. Diabloca paipica mana tuparinchu.

1 Juan 5:4

Diosmanta maijanpish huacharishca cajca, cai pachapi millaita ruranataca mishanmi. Cai pachapi millaita ruranataca, Jesusta crishcami mishachin.