JOSUÉ 9:8 - Dios Rimashca Shimicunami

⁸ Heveocunaca Josuetaca: –Ñucanchijca cancunapajta rurajcunami cashun ninchij– nijpimi Josueca: –Cancunaca ¿picunataj canguichij? ¿Maimantataj shamunguichij?– nirca.

JOSUÉ 9:8 Iomraidhean Croise

2 REYES 10:5

Chaimi Acabpaj mayordomopish, chai pueblota mandajpish, cunaj yuyajcunapish, Acabpaj churicunata cuidajcunapish Jehuman cashna nichun cacharcacuna: “Ñucanchijca cambajta rurajcunami canchij. Tucui can imata mandashcata rurashunllami. Ñucanchijca jatun mandaj cachunca pita mana agllashunchu. Canpi ima shinami alli chaita rurailla” nichunmi cacharcacuna.

DEUTERONOMIO 20:11

Chai pueblopi causajcuna chaita ari nishpa, pueblo pungucunata pascashpa cancunata yaicuchishpaca paicunaca impuestota pagashpa, cancunapajta rurashpa causangallacunami.

JOSUÉ 10:6

Gabaonpi causajcunaca, chai mandajcuna paicunahuan macanacunaman shamujpimi, Gilgalpi Josueman cashna huillanaman cacharcacuna: “Urcupi causaj mandajcunami tucuicuna tandanacushpa, ñucanchijhuan macanacungapaj shamushcacuna. Ñucanchij cancunapajta rurajcunata llaquichichunca ama saquihuaichijchu. Ñucanchijta mitsashpa ayudanaman utca shamupaichigari” nishpami cacharcacuna.

JOSUÉ 9:11

Chaimantami ñucanchij llajtapi causaj cunaj yuyajcunapish, chaipi causajcunapish cashna nircacuna: Ñanpi micunapaj micunata apashpa, paicunata tupanaman richij. Paicunapajman chayashpaca: Ñucanchijca cancunapajta rurajcunami cashun ninchij. Ñucanchijhuan shuj ruranata ari nihuaichij ninguichij nishpami cacharcacuna.

JOSUÉ 9:23

Chaimanta cunan cancunaca tucui cancunapaj causaipi ñucanchijpajta rurajcuna cachun Dios llaquichishcacunami canguichij. Yantacunata p'itishpa, yacuta ñucanchij Diospaj huasiman ashtashpami causanguichij– nircami.

JOSUÉ 9:25

Cunanca cancunapaj maquipimi canchij. Cancunapaj ima shina ashtahuan alli canata rurapaichijlla– nircacunami.

JOSUÉ 9:27

Chai punllallatajmi Josueca, chai runacunataca tucui israelcunapaj, Mandaj Diospaj huasipaj yantata, yacuta ashtajcuna cachun churarca. Mandaj Dios maipipish paita yuyarinapaj cachun agllashpa ricuchijpica, chaipi paipaj altarman yantata yacuta ashtajcunami tucurcacuna. Gabaonitacunaca, cunan punllacamami chaillatataj rurashpa causancuna.