JOSUÉ 9:6 - Dios Rimashca Shimicunami

⁶ Gilgalpi Josuepish israelcunapish causacun carpa huasicunaman chayashpaca: –Ñucanchijmi yallitaj caru llajtamanta shamunchij. Cunanca ñucanchijhuan shuj ruranata ari nihuaichij– nircacunami.

JOSUÉ 9:6 Iomraidhean Croise

1 REYES 8:41

Chashnallataj manapish Israel cajcuna cambaj shutita uyashpa caru llajtamanta shamushpaca,

2 REYES 20:14

Profeta Isaías jatun mandaj Ezequiasta ricunaman shamushpaca: –¿Chai runacunaca maimantataj shamushcacuna, imatataj nincunari?– nijpi Ezequiasca: –Caru Babilonia llajtamantami shamushcacuna– nircami.

JOSUÉ 10:43

Chai q'uipaca Josueca tucui israelcunandijmi Gilgalpi caj paicunapaj carpa huasicunaman tigrarcacuna.

JOSUÉ 10:6

Gabaonpi causajcunaca, chai mandajcuna paicunahuan macanacunaman shamujpimi, Gilgalpi Josueman cashna huillanaman cacharcacuna: “Urcupi causaj mandajcunami tucuicuna tandanacushpa, ñucanchijhuan macanacungapaj shamushcacuna. Ñucanchij cancunapajta rurajcunata llaquichichunca ama saquihuaichijchu. Ñucanchijta mitsashpa ayudanaman utca shamupaichigari” nishpami cacharcacuna.

JOSUÉ 4:19

Israelcunaca punta quillapaj chunga punllapimi, chai Jordán yacumanta rishpaca, Gilgal shuti pambapi carpa huasicunata shayachishpa tiyarircacuna. Gilgalca Jericomantaca inti llujshin ladomanmi.

JOSUÉ 5:10

Israelcunaca Jericó c'uchulla pamba Gilgalpi carpa huasicunata shayachishpa tiyacushpami, chai quillapaj chunga chuscu punllapaj chishipi Pascuata rurashpa Diosta yuyarircacuna.

JOSUÉ 9:5

Shinallataj churanacunatapish, pargatecunatapish llachapashca paya payata churashpami rircacuna. Ñanpi micuna tandatapish chaquishpa p'ulasyashcatami aparcacuna.

JOSUÉ 9:9

Chaimi paicunaca: –Cambajta ruraj ñucanchijca yallitaj caru llajtamantami shamurcanchij. Cancunata Mandaj Diosca tucuita rurai tucuj jatun cashcata, Egiptopi imallata rurashcatami yacharcanchij.