JOSUÉ 8:8 - Dios Rimashca Shimicunami

⁸ Chai puebloman yaicushpa ninata japichishpaca, Mandaj Dios mandashca shinallataj tucuita rupachinguichij. Riquichij, ñucapish chashnallatajmi mandani” nircami.

JOSUÉ 8:8 Iomraidhean Croise

2 SAMUEL 13:28

Absalonca paipajta rurajcunataca: “Amnón ña vinohuan macharishpa paipaj shungupi cushicuihuan cajtaca alli chaparanguichij. Ña paita ñuca huañuchichij nijpica huañuchinguichijlla. Ñuca mandashca cashcamanta ama manchanguichijchu. Tucui fuerzahuan c'ari c'ari canguichij” nishpami rogashpa mandashca carca.

DEUTERONOMIO 20:16

Ashtahuanpish Mandaj Dios cancunapaj Taita Dios cancunapaj cachun cushca cai llajtapi caj pueblocunapi causajcunataca, shujllatapish causajtaca amataj saquinguichijchu.

JOSUÉ 1:16

Josué shina nijpimi, paicunaca cashna nircacuna: –Can tucui imalla nishcataca rurashunllami. Can maiman ri nijpipish rishunllami.

JOSUÉ 1:9

Riqui, ñucaca cantaca c'ari c'ari cai, ama manchaichu nishpami mandani. Ama manchanguichu, shaicurishpa ama saquiringuichu. Ñuca canta Mandaj Diosca can maita rijpipish canhuanmi casha” nircami.

JOSUÉ 6:24

Chai q'uipaca israelcunaca, chai pueblotaca tucui chaipi imalla tiyajcunandijmi, tucuita rupachircacuna. Cullquita, curita, broncemanta, fierromanta rurashca ima charinacunallatami llujshichishpa Diospajlla cajcunata huaquichinapi huaquichingapaj aparcacuna.

JOSUÉ 8:13

Josueca soldadocunataca maillapi churajpi alli canapimi churarca. Tucui caishuj soldadocunataca janaj ladomanmi churarca. Paihuan cajcunataca Hai pueblomanta inti huashicun ladomanmi churarca. Josueca chai tutaca chaupi pugru pambacamami rirca.

JOSUÉ 8:2

Jericó pueblopi causajcunata jatun mandajtapish, chaipi causajcunatapish tucuitami chingachircanguichij. Chai shinallataj Hai pueblopi causajcunatapish jatun mandajtapish chingachinguichij. Cunanca paicuna ima charishcacunata, animalcunata quichushcacunataca cancuna japinguichijlla. Paicunahuan macanacungapajca pueblo huashapi soldadocunata churai” nircami.

JOSUÉ 8:22

Hai pueblota rupachij israelcunapish chaimanta rishpa, chai pueblomanta llujshishcacunataca miticushpa rij tucucuj israelcunandij tucushpami chaupipi churarcacuna. Chashna rurajpimi, Hai pueblomanta cajcunaca maiman mana ri tucujpi tucuicunata huañuchircacuna.

JOSUÉ 8:28

Hai pueblota Josué tucui rupachijpica, ushpa montonllami saquirirca. Chashnami chai puebloca tucui ñutuchishca shitashca saquirirca. Chaica cunancama chashnallatajmi.

JOSUÉ 8:7

Chai pueblomanta paicuna ña caruyajpica, cancunaca miticushcamanta llujshishcahuan chai pueblota llaquichingapaj yaicunguichijlla. Mandaj Diosca chai pueblotaca cancunapaj maquipimi churanga.

JOSUÉ 8:9

Josué chashna mandashpa cachajpi paicuna rishpaca Bet-el pueblohuan, Hai pueblohuan chaupipi miticushpa chapanamanmi rircacuna. Hai pueblomantaca inti huashicun ladomanmi miticurcacuna. Josueca chai tutaca carpa huasicuna maipi canllapitajmi israelcunahuan pacarirca.

JUECES 4:6

Chai Débora huarmimi, Cedespi causaj Neftalí aillupuramanta caj Abinoampaj churi Baracta cayanaman cachashpa cashna nirca: –Israelcunata Mandaj Diosca cantaca ¿manachu cashna mandarca?: Tabor urcuman rishpa cambaj gentecunata tandachi. Paicunataca Neftalipaj, Zabulonpaj aillucunamanta, 10.000 gentecunata canhuan cachun tandachi.