JOSUÉ 8:7 - Dios Rimashca Shimicunami

⁷ Chai pueblomanta paicuna ña caruyajpica, cancunaca miticushcamanta llujshishcahuan chai pueblota llaquichingapaj yaicunguichijlla. Mandaj Diosca chai pueblotaca cancunapaj maquipimi churanga.

JOSUÉ 8:7 Iomraidhean Croise

2 REYES 5:1

Naamanca, Siria llajtata jatun mandajpaj soldadocunata mandajmi carca. Siria llajtataca Mandaj Diosca Naamanmantami quishpichirca. Chaimi Siria llajtata jatun mandaj c'uyashca alli nishca carca. Naamanca yallitaj c'ari c'ari runami carca. Chashna cashpapish lepra ungüihuanmi carca.

JOSUÉ 8:1

Mandaj Diosca Josuetaca: “Josué, ama manchaichu. Chai llajtapi causajcunataca ña mana mishashunchu nishpa ama yuyaichu. Hai pueblota jatun mandajtaca chai pueblondij, pai mandacun gentecunandij, tucui paipaj llajtandijmi cambaj maquipi churani. Chaimanta tucui macanacuj runacunata pushashpa Hai puebloman huichiyashpa macanacugri.

JOSUÉ 8:6

Pacatucugricuj shina ñucanchij callpajpica paicunaca: Sarun shinallatajmi ñucanchij callpachinchij yuyashpami, chai pueblomanta caruyangacama ñucanchijta catingacuna.

JOSUÉ 8:8

Chai puebloman yaicushpa ninata japichishpaca, Mandaj Dios mandashca shinallataj tucuita rupachinguichij. Riquichij, ñucapish chashnallatajmi mandani” nircami.

1 SAMUEL 23:4

Chaimi Davidca, cutinllataj Mandaj Diosta tapujpi Mandaj Diosca: –Jatari, Keila puebloman uriyai. Ñucami filisteocunataca cambaj maquipi churasha– nijpimi,