JOSUÉ 8:2 - Dios Rimashca Shimicunami

² Jericó pueblopi causajcunata jatun mandajtapish, chaipi causajcunatapish tucuitami chingachircanguichij. Chai shinallataj Hai pueblopi causajcunatapish jatun mandajtapish chingachinguichij. Cunanca paicuna ima charishcacunata, animalcunata quichushcacunataca cancuna japinguichijlla. Paicunahuan macanacungapajca pueblo huashapi soldadocunata churai” nircami.

JOSUÉ 8:2 Iomraidhean Croise

2 CRÓNICAS 13:13

Chashna nijpipish Jeroboamca, shuj mirga soldadocunatami huashamanta rishpa, paicunahuan macanacuchun cacharca. Ashtahuan achca soldadocunahuanmi, Judá soldadocunahuan macanacungapaj ñaupaj ladota shamurca. Huashatapishmi shamurcacuna.

2 CRÓNICAS 20:22

Paicuna Mandaj Diosta alabashpa cantai callarijpica, Mandaj Diosca Judá llajtapi causajcunahuan macanacunaman shamushca Amón runacunatapish, Moab runacunatapish, Seir urcumanta shamushcacunatapishmi paicunapurallataj chapanacushpa huañuchinacuchun churarca. Chaimantami paicunapurallataj caishuj chaishuj huañuchinacurcacuna.

SALMOS 39:6

Alli ricujpica, runapaj causaica llandu shinallami. Imata chai yuyai rurashcapish yangallami. Charinacunataca montonanllami. Pi japina cashcatapish mana yachanchu.

PROVERBIOS 13:22

Allita rurashpa causaj runaca, imalla charishcacunataca huahuacunapajpish saquincunami. Ashtahuanpish juchasapacuna charishcacunaca, cashcata rurajcunapajmi huaquichishca tiyacun.

PROVERBIOS 28:20

Shunguta churaipaj alli runaca, achca allicunatami japinga. Ashtahuanpish utca charij tucuna yuyailla purijtaca imatapish juchachinllacunami.

JEREMÍAS 17:11

Pitapish quichushpalla jahuanpi jahuanpi charijyajcunaca, manapish pai churashca lulunta yutu ugllacuj shinami. Q'uipataca, upa runacuna cashcallami ricuringacuna. Sinchiraj runacuna cashpami, tucui charishcacunata shitashpa ringacuna.

JEREMÍAS 51:12

Babilonia pueblo muyundij jatun pircapi banderata shayachichigari. Ama llujshichun, alli cuidaj soldadocunata churaichij. Alli allichirishca chapaichigari. Mandaj Diosmari pai munashca shina llaquichinata yuyarirca. Babiloniapi causajcunata chashna llaquichisha nishcataca pajtachingatajmi.

DEUTERONOMIO 2:35

Paicunapaj huagracunata, chai pueblocunapi imallata ñucanchij japishcacunallatami ñucanchijpaj cachun japircanchij.

DEUTERONOMIO 20:14

Huarmicunallata, huahuacunallata, animalcunallata, chaipi tucui imalla japishcacunallata cancunapaj cachun japinguichij. Cancunata p'iñajcunata Mandaj Dios cancunapaj Taita Dios cancunapaj maquipi churajpi, paicunata mishashcamanta japishcacunataca micunguichijlla.

DEUTERONOMIO 3:2

Ashtahuanpish Mandaj Diosca ñucataca: Paitaca ama manchaichu, ñucami jatun mandajtaca paipaj tucui gentecunandij, paipaj llajtandij cambaj maquipi ña churarcani. Paicunataca Hesbonpi causaj amorreocunata jatun mandaj Sehonta ima shina rurashca shinallataj ruraichij nircami.

JOSUÉ 10:1

Jerusalenta jatun mandaj Adonisedecca, Jericota shinallataj Hai pueblopi causajcunatapish jatun mandajndij chingachishpa Josué japishcatami uyarca. Gabaón pueblopi causajcunapish israelcunahuan mana macanacungapaj ari ninacushpa israelcunapurapi causacushcatapishmi uyarca.

JOSUÉ 10:28

Josueca chai punllallatajmi, Maceda pueblota japishpa, tucui chaipi causajcunatapish espadacunahuan huañuchishpa paicunapaj jatun mandajtapish huañuchirca. Chaipi caj causaiyujcunataca shujllatapish mana saquishpami tucuita chingachirca. Maceda pueblota jatun mandajtapish Jericota jatun mandajta shinallatajmi rurarca.

JOSUÉ 11:14

Israelcunaca chai pueblopi imalla tiyajcunatapish, animalcunatapish paicunapaj cachunmi japirca. Gentecunataca causaiyujtaca shujllatapish mana saquishpami espadacunahuan tucuicunata huañuchircacuna.

JOSUÉ 6:21

Ña yaicushpaca c'aricunatapish, huarmicunatapish, q'uipa huiñaicunatapish, yuyajcunatapish, huagracunatapish, ovejacunatapish, burrocunatapish tucuitami espadacunahuan huañuchircacuna. Chashnami tucuita chingachircacuna.

JOSUÉ 8:12

Chaipi cashpami Josueca, Hai pueblomanta inti huashicun ladoman caj Bet-el pueblo ladomanca, 5.000 shina soldadocunataca pacalla chapachun churarca.

JOSUÉ 8:14

Israelcuna Hai puebloman chayagricujta ricushpaca, chai pueblopi causajcunata mandajca paipaj soldadocunata pushashcahuanmi israelcunahuan macanacungapaj utca llujshirca. Paicunaca israelcunapaj soldadocuna Hai pueblo huashaman pacalla chapacushcataca mana yacharcacunachu. Chaimantami Arabá pueblo ch'imbapuracama rircacuna.

JOSUÉ 8:19

Josué chashna rurajpica, pacallapi chapacujcunaca callpashpa Hai puebloman yaicushpami, chai pueblota rupachircacuna.

JOSUÉ 8:24

Hai pueblopi causajcuna israelcunata llaquichingapaj shitashca pambacama catishpa rijcunataca, chaillapitajmi tucuicunata huañuchircacuna. Chashnami macanacunaman rijcunaca tucuicuna espadapi tucuringacama huañurcacuna. Chai q'uipaca israelcunaca chai pueblomanta mana llujshijcunatami tigrashpa tucuicunata huañuchircacuna.

JOSUÉ 8:3

Chaimi Josueca Hai pueblopi causajcunahuan macanacungapaj huichiyangapajca 30.000 c'ari c'ari runacunata agllashpa, Hai puebloman tuta cachashpa,

JOSUÉ 8:7

Chai pueblomanta paicuna ña caruyajpica, cancunaca miticushcamanta llujshishcahuan chai pueblota llaquichingapaj yaicunguichijlla. Mandaj Diosca chai pueblotaca cancunapaj maquipimi churanga.

JOSUÉ 8:8

Chai puebloman yaicushpa ninata japichishpaca, Mandaj Dios mandashca shinallataj tucuita rupachinguichij. Riquichij, ñucapish chashnallatajmi mandani” nircami.

JOSUÉ 8:9

Josué chashna mandashpa cachajpi paicuna rishpaca Bet-el pueblohuan, Hai pueblohuan chaupipi miticushpa chapanamanmi rircacuna. Hai pueblomantaca inti huashicun ladomanmi miticurcacuna. Josueca chai tutaca carpa huasicuna maipi canllapitajmi israelcunahuan pacarirca.

JOSUÉ 9:3

Gabaón llajtapi causaj heveocunapish Jericopi causajcunata, Hai pueblopi causajcunata Josué ima shinalla chingachishcatami yachaj chayarcacuna. Chaimantami Josuehuanca mana macanacushun nishpa,