JOSUÉ 8:12 - Dios Rimashca Shimicunami

¹² Chaipi cashpami Josueca, Hai pueblomanta inti huashicun ladoman caj Bet-el pueblo ladomanca, 5.000 shina soldadocunataca pacalla chapachun churarca.

JOSUÉ 8:12 Iomraidhean Croise

GÉNESIS 12:8

Chaimanta rishpaca Bet-elmanta inti llujshin ladoman caj shuj urcuman rishpami, paipaj carpa huasita chaipi shayachishpa tiyarirca. Pai tiyacunmantaca Bet-elca inti huashicun ladomanmi carca. Hai puebloca inti llujshin ladomanmi carca. Chaipipish Mandaj Diospaj shuj altarta rurashpami, Mandaj Diospaj shutipi mañarca.

GÉNESIS 28:19

Ñaupamanca chai puebloca, Luz shuti cashca cajpipish, Jacobca chaitaca, Bet-el shutitami shutichirca.

JOSUÉ 8:11

Josuehuan rij macanacuj runacunaca Hai puebloman huichiyashpa chaiman c'uchuyashpaca, chai pueblo ch'imbanijmanmi tandanacurcacuna. Chaica Haimanta janaj ladomanmi carca. Paicuna maipi tiyacunmanta Hai pueblomanta chaupipica, pugru pambami tiyarca.

JOSUÉ 8:13

Josueca soldadocunataca maillapi churajpi alli canapimi churarca. Tucui caishuj soldadocunataca janaj ladomanmi churarca. Paihuan cajcunataca Hai pueblomanta inti huashicun ladomanmi churarca. Josueca chai tutaca chaupi pugru pambacamami rirca.

JUECES 1:22

Josepaj aillupish Bet-elpi causajcunahuan macanacungapajmi huichiyarcacuna. Mandaj Diosca paicunahuanmi carca.

1 SAMUEL 15:5

Saulca amalecitacunapaj puebloman shamushpaca, chai c'uchulla pugru pambapimi, pacalla chapajcunata churarca.