JOSUÉ 8:1 - Dios Rimashca Shimicunami

¹ Mandaj Diosca Josuetaca: “Josué, ama manchaichu. Chai llajtapi causajcunataca ña mana mishashunchu nishpa ama yuyaichu. Hai pueblota jatun mandajtaca chai pueblondij, pai mandacun gentecunandij, tucui paipaj llajtandijmi cambaj maquipi churani. Chaimanta tucui macanacuj runacunata pushashpa Hai puebloman huichiyashpa macanacugri.

JOSUÉ 8:1 Iomraidhean Croise

SALMOS 27:1

Mandaj Diosca ñucata achijyachij luzmi, ñucata quishpichijmi. Pitataj manchashari. Mandaj Diosca muyundijta pircashca shinami ñuca causaita huaquichin. Pita mana manchanichu.

SALMOS 44:3

Cai allpataca mana paicunapaj espadahuan macanacushpachu japishcacuna. Paicunapaj rigrapish mana mishachircachu. Ashtahuanpish quiquinpaj alli lado rigrahuan, quiquinpaj sumaj achij nicujhuanmi mishachishcangui. Paicunapi cushicuj cashcamantami chashna rurashcangui.

SALMOS 46:11

Tucuita Mandaj Diosca ñucanchijhuanmi. Paica ñucanchij paca tucuna Jacobpaj Taita Diosmi. Selah

ISAÍAS 12:2

Taita Diosmi ñucata Quishpichij. Paillapimi shunguta churani, pita mana manchanichu. Paica ñucapaj muyundij pirca shinami. Ñuca cantanaca Mandaj Diosmari. Paimari ñucata quishpichijca cashca” ninguimi.

ISAÍAS 43:2

Yacuta ch'imbacujpipish ñucami canhuan casha. Jatun yacucunata ch'imbacushpapish, mana millpuringuichu. Nina jahuata pasashpapish, mana rupanguichu. Lunyacuj ninapish, canpica mana japiringachu.

JEREMÍAS 46:27

Jacobopaj huahuacunalla, ama manchaichijchu. Cancunaca ñucata servijcunami canguichij. Israelcunalla, cancunaca ama manchaihuan caichijchu. Ñucamari cancunataca carupi cajpipish quishpichisha. Cancunapaj huahuacunataca, prezu causacun llajtacunamanta tigrachimushami. Chashna tigrachimujpica Jacobopaj huahuacunaca samaringacunami, achca allicunatapishmi charingacuna. Paicunataca pi mana manchachingachu.

JEREMÍAS 49:3

Hesbón pueblopi causajcuna, huacaichigari. Hai pueblotaca, ñamari tucuchishcacuna. Rabá pueblopi causajcunalla, cancunapaj Milcom diostaca paipaj curacunandij, paipaj mandajcunandij ñamari prezu apashcacuna. Jatunta caparishpa, yupashpa yupashpa huacaichigari. Cañamazuta churarishpa, huacaihuan pirca jahuata muyuichigari.

DANIEL 2:21

Huatacunatapish, punllacunatapish paimi shujtajyachin. Jatun mandajcunatapish paimi churan. Paimi anchuchin. Jatun yachajcunamanpish paimi yachaisapa canata cun. Alli yuyaiyujcunamanpish paimi yachaita cun.

DANIEL 4:25

Cantaca gentecunapuramanta anchuchishpa animalcunahuan churajpimi paicunahuan causangui. Huagracunata shinami q'uihuacunapi michinga. Jahua pacha garhuami armachinga. Runacuna mandacun jahuapica jahua pacha Taita Dios mandacushcata yachangacama, mandaj cachunca Taita Dios pita pai churasha nishcata churaj cashcata yachangacamami canchis huatacama chashna puringui.

DANIEL 4:35

Quiquinpaj ñaupajpica, cai pachapi causajcunaca tucuicuna ima mana canchu. Paica jahua pacha soldadocunatapish, cai pachapi causajcunatapish pai munashca shinami ruran. Paipaj maqui imata ruracujtaca pi mana jarcai tucunchu. ¿Imatataj ruracungui? ninallatapish, pi mana ni tucunchu” nircanimi.

Mateo 8:26

Chaimi Jesusca: –¿Ima nishpataj mancharinguichij? Cancunaca ashallata crijcunami canguichij– nishpa jatarishpaca, huairatapish, yacutapish casilla tucui nishpa sinchita rimajpica chashna tucurcallami.

DEUTERONOMIO 1:21

Riquichij, chai llajtataca Mandaj Dios cancunapaj Taita Diosmi cancunaman curca. Cancunapaj ñaupa yayacunapaj Mandaj Taita Dios ima shina nishca shinallataj chaiman huichiyashpa cancunapaj cachun japigrichijlla. Ama manchanguichijchu, ama shaicuringuichijchu nircanimi.

DEUTERONOMIO 31:8

Mandaj Diosmi cantaca ñaupanga. Paica canhuanmi canga. Cantaca mana saquingachu, canmantaca mana anchuringachu. Ama manchanguichu, ña mana valishachu ama ninguichu” nircami.

DEUTERONOMIO 7:18

Paicunataca ama manchanguichijchu. Ashtahuanpish Mandaj Dios ñucanchij Taita Dios faraontapish, Egiptopi tucui causajcunatapish imata rurashcataca alli yuyarichij.

DEUTERONOMIO 7:21

Paicunataca ama manchaichijchu. Mandaj Dios cancunapaj Taita Diosca cancunapaj chaupipimi. Paica manchana jatun Taita Diosmi.

JOSUÉ 1:9

Riqui, ñucaca cantaca c'ari c'ari cai, ama manchaichu nishpami mandani. Ama manchanguichu, shaicurishpa ama saquiringuichu. Ñuca canta Mandaj Diosca can maita rijpipish canhuanmi casha” nircami.

JOSUÉ 10:7

Chaimi Josueca, Gilgalmantaca macanacunata alli yachaj soldadocunata, c'ari c'ari tucui runacunatapish pushashpa huichiyarca.

JOSUÉ 10:8

Mandaj Diosca Josuetaca: “Paicunataca ama manchaichu, ñucami tucui paicunataca cambaj maquipi churarcani. Cantaca pi mana mishai tucungacunachu” nircami.

JOSUÉ 2:24

Josuemanca: “Mandaj Diosca tucui chai llajtatami ñucanchijman cushpa ñucanchij maquipi churashca. Tucui chai llajtapi causajcunami ñucanchijta manchashpa manchaihuan huañucuncuna” nircacuna.

JOSUÉ 6:2

Shina cajpipish Mandaj Diosca, Josuetaca cashnami nirca: “Jericopi causajcunataca paicunapaj jatun mandajtapish, paipaj soldadocunatapish cambaj maquipimi churani.

JOSUÉ 7:9

Cai Canaán llajtapi causajcunapish, tucui llajtapi causajcunapish yachashpaca, tucuicuna tandanacushpa muyunchishpamari ñucanchijtaca chingachingacuna. Cambaj jatun shuti ama yanganchishca cachunca ¿imatataj ruranguiyari?– nircami.