JOSUÉ 7:8 - Dios Rimashca Shimicunami

⁸ ¡Aij, Jatun Dioslla! Israelcunaca paicunata p'iñajcuna mishajpimari callpashpa tigramushcacuna. ¿Cunanca imatataj nishari?

JOSUÉ 7:8 Iomraidhean Croise

ESDRAS 9:10

Cunanca ñucanchij Dioslla, tucui caicunamantaca ¿imatataj ni tucushunri? Ashtahuanpish ñucanchijmari can mandashcacunata saquishcanchij.

SALMOS 44:10

Ñucanchijtaca ñucanchijta p'iñajcunapaj ñaupajmanta manchashpa tigrachunmi saquishcangui. Ñucanchijta millajcuna ñucanchij charishcacunata paicunapaj apachunmi saquishcangui.

SALMOS 89:43

Paipaj espadataca, filo illajtami rurashcangui. Pai macanacugrijpipish, mana fuerzata cushcanguichu.

HABACUC 2:1

Chapachun ñucata churashcapimi shayacusha, torre jahuapica shayacushallami. Ñucata imata rimajta uyaracushallami, ñuca ima mañashcata cutichijta chaparacushami.

JOSUÉ 7:7

Chaipimi Josueca: –¡Aij, Mandaj Jatun Dioslla! ¿Imapajtaj Jordán yacutaca ch'imbachircanguiyari? Amorreocuna ñucanchijta chingachichun, paicunapaj maquipi churangapajllamari ch'imbachishcangui. Jordán yacuta mana ch'imbashca cashpachari alli canchijman carca.

JOSUÉ 7:9

Cai Canaán llajtapi causajcunapish, tucui llajtapi causajcunapish yachashpaca, tucuicuna tandanacushpa muyunchishpamari ñucanchijtaca chingachingacuna. Cambaj jatun shuti ama yanganchishca cachunca ¿imatataj ruranguiyari?– nircami.

1 SAMUEL 4:3

Israelcuna carpa huasicunaman tigrajpimi, israelcunata cunaj yuyajcunaca: “¿Ima nishpashi Mandaj Diosca cunanca filisteocuna ñucanchijta mishachun saquin? Cunanca Mandaj Dios ñucanchijhuan ari ninacushca quillcata huaquichina arcata Silo pueblomanta apamugrishunchij. Chai arca ñucanchij chaupipi cashpami ñucanchijta p'iñajcunapaj maquimantaca quishpichinga” nircacunami.