JOSUÉ 7:4 - Dios Rimashca Shimicunami

⁴ Hai pueblopi causajcunahuanca quimsa huaranga shina runacunallami macanacunaman huichiyarcacuna. Chai pueblopi causajcuna mishajpimi paicunaca callpashpa tigrarcacuna.

JOSUÉ 7:4 Iomraidhean Croise

SALMOS 89:43

Paipaj espadataca, filo illajtami rurashcangui. Pai macanacugrijpipish, mana fuerzata cushcanguichu.

ISAÍAS 30:17

Llaquichisha nishpa shujlla caticujpica, huaranga cancunami manchashpa miticushpa callpanguichij. Llaquichisha nishpa pichca caticujpicarin, tucui cancunami miticushpa callpanguichij. Lomapi shuj caspilla ricuricuj shina huaquincunalla saquiringacamami chashna callpanguichij. Mana cashpaca, lomapi shuj banderalla ricuricuj shina huaquincunalla saquiringacamami chashna callpanguichij ninmi.

ISAÍAS 59:2

Ashtahuanpish cancuna millaita rurashcamari, cancunahuan cancunapaj Taita Dioshuan ch'icanchishca. Cancunapaj juchacunamari cancuna mañashcata ama uyachun Taita Diospaj ñahuita tapan.

LEVÍTICO 26:17

Ñucapish cancunataca p'iña ñahuihuanmi ricusha. Cancunata p'iñajcunapaj ñaupajpimi chugrichishcacuna canguichij. Cancunata p'iñajcunami cancunataca mandanga. Pi mana caticujpipish miticushpami callpanguichij.

DEUTERONOMIO 28:25

Cancunata p'iñajcunapaj maquipimi Mandaj Diosca paicuna mishachun cancunataca churanga. Paicunahuan macanacungapaj shuj ñanllata llujshishpapish, canchis ñancunatami paicunata miticushpa callpanguichij. Cancunaca tucui cai pachapi causajcuna mancharinami tucunguichij.

DEUTERONOMIO 32:30

Paicunaca shujllamari huarangata manchachishpa catircacuna. Ishquillamari chunga huarangata callpachircacuna. Miticuna jatun Rumi shina ñucanchijta Mandaj Dios, paicunapaj maquipi churajpimari chashna rurarcacuna. Pai Diosllatajmi c'atuj shina paicunaman curca.

JOSUÉ 7:3

Paicuna tigrashpaca Josuemanca: “Hai pueblopi causajcunaca ashacunallami cashca. Ama tucuicunata cachashpa shaicuchichu. Ishqui huarangata, mana cashpaca quimsa huarangallata cachai. Paicunallataj jahualla mishangallacunami” nircacuna.