JOSUÉ 7:21 - Dios Rimashca Shimicunami

²¹ Jericó pueblo runacunata quichushcacunapimari Babilonia llajtapi rurashca sumaj churanatapish, 200 siclo cullquitapish, pichca chunga siclota pizaj mirga curitapish ricushpa chaicunata achcata munashpa pacalla japishpa apamurcani. Chaicunataca ñuca carpa huasi ucupimi pambashpa churarcani. Cullquitapish chaicuna ucullapitajmi churarcani– nirca.

JOSUÉ 7:21 Iomraidhean Croise

GÉNESIS 10:10

Nimrod mandacun llajtacunaca ashtahuan alli llajtacuna Sinarpi caj Babel, Erec, Acad, Calne shuti jatun pueblocunami carca.

GÉNESIS 3:6

Chai yurapi p'ucushca granoca micunapaj alli cashcata, paipaj ñahuipica sumaj cashcata, chai yuramanta micushpaca yachaj tucunapaj alli cashcata ricushpami chai yurapi p'ucushcata japishpa micurca. Paipaj cusamanpish carajpimi, paipish paipaj huarmi shinallataj micurca.

GÉNESIS 34:27

Jacobpaj churicunaca paicunapaj panita llaquichishpa pingaichishcamantami, chai pueblopi caj huañushcacunapaj jahuata saru saru purishpa, tucui chaipi causajcuna imalla charishcacunata apashpa rircacuna.

GÉNESIS 6:2

Taita Diospaj churicunaca chaicunapaj ushushicunaca sumaj cajta ricushpami tucuimanta yalli sumaj cajcunata agllashpa paicunapaj huarmi cachun japirca.

2 SAMUEL 11:2

Shuj punlla ña chishiyacujpimi Davidca, paipaj camamanta jatarishpa, pai mandashpa tiyana huasi jahuata pambajllata rurashcapi puricushpa, shuj huarmi armacujta ricurca. Chai huarmica sumajmi carca.

2 REYES 7:8

Lepra ungüihuan cajcuna carpa huasicunaman chayashpaca shuj carpa huasiman yaicushpami micurcacuna ubyarcacuna. Chaimantaca cullquitapish, curitapish, churanacunatapish japishpami pacagrircacuna. Cutin tigrashpa shujtaj carpa huasiman yaicushpapish, chaimantapish chashnallataj apashpami pacagrircacuna.

JOB 31:1

Ñuca ñahuicunahuanca ima mana allita ama ricungapajmi, ari ninacurcanchij. Shina cajpica c'arita mana rijsij huarmitaca, mana ricunachu cani.

SALMOS 119:37

Yangacunallapi ñuca ñahuita churanamanta anchuchihuayari. Quiquinpaj ñanpi puringapaj causaita cuhuayari.

ÉXODO 20:17

Shujtajpaj huasita, paipaj huarmita cashpa, paipajta rurajta cashpa, pai huiñachishcata cashpa, paipaj huagrata cashpa, paipaj burrota cashpa, paipaj shujtaj ima charishcacunatapish ama munangui” nishpami mandarca.

PROVERBIOS 1:19

Utca charijyasha nijcunataca, chaillataj causaita quichunllami.

PROVERBIOS 23:31

Vasopi achij nicuj pucajlla vino tiyacujpipish, cambaj ñahuitaca ama chaipi churanguichu. Cungataca mishquijllami millpuringa.

PROVERBIOS 28:22

Mitsa runaca utca charijyanallatami munan. Chashna cashpapish huajcha tucunataca mana yachanchu.

PROVERBIOS 4:23

Tucuimanta yallica cambaj shunguta huaquichingui. Shungupi yuyashcami causaipica ricurin.

ISAÍAS 28:15

Cancunaca cashnami nircanguichij: “Ñucanchijca huañuihuanmi shuj yuyailla tucurcanchij. Seolhuanpish ñami ari ninacurcanchij. Chaimanta yallitaj jatun yacu shina shamushpapish ñucanchijtaca mana llaquichingachu. Llullashcami ñucanchijtaca pacanga. Umashcami ñucanchijta huaquichinga” nicunguichijmi.

ISAÍAS 29:15

Paicuna mana allita ruranata yuyarinacushcata Mandaj Diosmanta pacangapaj rijcunalla ¡aij imachari tucungacuna! Paicunaca amsapi millaita rurashpami: “¿Pitaj ñucanchijtaca ricungari? ¿pitaj ñucanchijtaca yachangari?” nincuna.

HABACUC 2:9

Shujtajcuna charishcacunata munashcamanta shuhuashpa huasipi jundachijca, ¡aij imachari tucunga! Paica jatun llaquimanta miticungapajmi paipaj huasitaca tazinta shina pi mana ricunallapi jahuaman churarca.

Lucas 12:15

cashnami nirca: Pajta ñataj mitsa tucushpa ashtahuan charisha ninguichijman. Achcata charishcacunaca mana causaita cunchu– nirca.

Lucas 12:2

Ima mana pacalla cangachu, tucuimi ricuchishca canga. Ima pacalla cajpish mana yachashcaca mana cangachu.

Efesios 5:3

Ashtahuanpish cancunapurapica, apanacushpa causajcuna, tucui laya mapacuna, quiquinpajlla ashtahuan charij canata munajcunaca amataj uyarichunllapish. Jucha illajcuna cashcamantaca chai shinataj causaichij.

Efesios 5:5

Maijanpish apanacushpa causaj, mapapi caj, mitsa cajpish, rurashcalla diosta catijllatajmi. Paicunaca Cristopish, Diospish mandanapica, ima japinata mana charishcataca yachanguichijmi.

DEUTERONOMIO 7:25

Paicunapaj dioscunatapish ninahuan rupachinguichij. Chai dioscunapaj jahuata churashca cullquitapish, curitapish ama munanguichijchu, cancunapaj cachun ama japinguichijchu. Mandaj Dios cancunapaj Taita Diospajca chaicunaca millananami. Chaicunaca cancunapaj ñitcanami canga.

Colosenses 3:5

Chaimanta cancunapi tiyaj cai pachapaj yuyaicunataca: Apanacushpa causanata, mapa causaita, mana alli ruraicunata, millai munaicunata, quiquinpajlla ashtahuan charij canatapish huañuchichij. Chaicunaca rurashcalla Diosta adorashca shinallatajmi.

Hebreos 13:5

Cancunaca quiquinpajlla ashtahuan charij canataca ama munaichijchu. Cunan imata charishcacunallahuan cushi caichij. Chashnacunatami Diosca: “Cantaca manataj shitashachu, manataj cungarishachu” nin.

Santiago 1:15

Chai millai yuyaicunata chichushca q'uipami, juchaca huacharin. Chai juchapi catijpica, huañuitami cun.

JOSUÉ 7:20

Chaimi Acanca Josuemanca: –Mana pacai tucunichu. Israelcunata Mandaj Diosta p'iñachishpami juchallishcani. Cashnamari rurarcani:

JOSUÉ 7:22

Shina nincami Josueca, maijancunata Acanpaj carpa huasiman cacharca. Paicuna rishpaca Acanpaj carpa huasipica tucui chaicunatami pambashpa pacashcata japircacuna. Cullquitapish chaicuna ucupi cajtami japircacuna.

2 Pedro 2:15

Paicunaca Beorpaj churi Balaampaj rurashcata catishpami alli ñanmantaca anchurishcacuna. Balaamca millaita rurashcamanta cullquita japinata munaj cashcamantami,