JOSUÉ 7:20 - Dios Rimashca Shimicunami

²⁰ Chaimi Acanca Josuemanca: –Mana pacai tucunichu. Israelcunata Mandaj Diosta p'iñachishpami juchallishcani. Cashnamari rurarcani:

JOSUÉ 7:20 Iomraidhean Croise

GÉNESIS 42:21

Chaipimi paicunaca caishuj chaishuj: –Ñucanchij huauquita llaquichishpaca juchayujtajmi tucushcanchij. Paica llaquijlla ñahuimari ñucanchijtaca ama chashna rurahuaichijchu nirca. Ashtahuanpish ñucanchijca mana uyarcanchijchu. Chaimari tucui cai llaquicunaca ñucanchij jahuaman shamushca– nircacuna.

JOB 33:27

Taita Diosca runacunataca ricuracunmi. Shuj runa: Ñucaca juchatami rurashcani, allita ruranapaj randica, mana allitami rurashcani. Shina cashpapish, ima allita mana japishcanichu nijpica,

JOB 7:20

Runacunata chaparacuj Dioslla, ñuca juchata rurashca cashpapish cantaca ¿imatataj rurashcaniyari? ¿Ima nishpataj ñucataca cambaj puntajlla caspicunahuan shitanguiyari? Ñucapajllatajmari shuj quipi shina tucushcani.

SALMOS 38:18

Chaimanta cunanca millaita ñuca rurashcataca quiquinmanmi huillasha. Juchallishcamantaca llaquirishami.

ÉXODO 10:16

Chaimi faraonca Moisesta, Aaronta utca cayaj cachashpaca: –Ñucaca mana allita rurashpami, cancunata Mandaj Diostapish, cancunatapish p'iñachishpa juchallishcani.

ÉXODO 9:27

Chaimi faraonca Moisesta Aaronta cayanaman cachashpaca: –Cunantajca juchallishcanimi. Mandaj Diosca cashcata rurajmi. Ashtahuanpish ñucapish, ñuca mandacun gentecunamari Diosta mana manchajcuna cashcanchij.

NÚMEROS 22:34

Chaimi Balaamca, Mandaj Diospaj angeltaca: –Ñucaca juchallishcanimari. Cai ñanpi quiquin ñuca ñaupajpi jarcacushcataca mana yachashcanichu. Ashtahuanpish cunanca ñuca chaiman rina quiquinpi mana alli cajpica tigrashalla– nirca.

Mateo 26:9

Chaitaca, achca cullquipi c'atushpa, huajchacunaman cushpachari alli canman carca– nircacuna.

Mateo 27:4

cashna nishpa tigrachigrirca: –Ima millaita mana ruraj runata huañuchichun entregashpaca ñucaca juchallishcanimari– nijpi, paicunaca: –¿Ñucanchijpajca imataj cangapish? ¡Chaitaca can ricui!– nijpimi,

JOSUÉ 7:19

Chaipimi Josueca Acán runataca: –Ñuca huahualla, israelcunata Mandaj Diostaca sumajmari cangui, allimari cangui nishpa, can imallata mana allita rurashcataca ama pacashpa huillai– nirca.

JOSUÉ 7:21

Jericó pueblo runacunata quichushcacunapimari Babilonia llajtapi rurashca sumaj churanatapish, 200 siclo cullquitapish, pichca chunga siclota pizaj mirga curitapish ricushpa chaicunata achcata munashpa pacalla japishpa apamurcani. Chaicunataca ñuca carpa huasi ucupimi pambashpa churarcani. Cullquitapish chaicuna ucullapitajmi churarcani– nirca.

1 SAMUEL 15:24

Chaimi Saulca Samuelmanca: –Juchallishcanimari. Mandaj Dios mandashcacunata, can imalla nishcacunatamari mana cazushcani. Ñuca soldadocunata manchashcamantami, paicuna rurashun nishcata rurachun saquircani. Cunanca ñuca juchallishcata perdonashpa,

1 SAMUEL 15:30

Saulca: –Ñucaca juchallishcanimari. Shina cajpipish, israelcunata cunaj yuyajcunapaj ñaupajpipish, tucui israelcunapaj ñaupajpipish jatun mandaj cashca shinallatataj ñucataca alli nishpa, canta Mandaj Diosta adorangapaj ñucahuan tigrashunlla– nircami.