JOSUÉ 7:12 - Dios Rimashca Shimicunami

¹² Paicunapish chingachinapajlla cajcuna tucushcamantami, paicunata p'iñajcunahuanca mana ch'imbapura shayari tucuncuna. Cancunapaj chaupimanta chai chingarinapaj tucushcata mana anchuchijpica, ña mana ashtahuan cancunahuan cashachu.

JOSUÉ 7:12 Iomraidhean Croise

SALMOS 44:10

Ñucanchijtaca ñucanchijta p'iñajcunapaj ñaupajmanta manchashpa tigrachunmi saquishcangui. Ñucanchijta millajcuna ñucanchij charishcacunata paicunapaj apachunmi saquishcangui.

SALMOS 60:10

¿Ñucanchijta shitaj Taita Diostaj shina cangui? ¿Manachu ñucanchij soldadocunahuan llujshij cangui?

PROVERBIOS 28:1

Diosta mana manchaj runaca, pi mana catijpipish, miticunaman callpanllami. Ashtahuanpish cashcata ruraj runaca, león shina ima manchaita mana charinchu.

ISAÍAS 59:2

Ashtahuanpish cancuna millaita rurashcamari, cancunahuan cancunapaj Taita Dioshuan ch'icanchishca. Cancunapaj juchacunamari cancuna mañashcata ama uyachun Taita Diospaj ñahuita tapan.

JEREMÍAS 23:33

“Cantaca caipi causajcunapuramanta maijanpish, mana cashpaca shuj huillaj, mana cashpaca shuj curapish: ¿Mandaj Diosca imatataj huillaj cachan? nishpa tapujpica, cashna ningui: Mandaj Diosca caitami huillaj cachan: Ñucaca cancunataca shitagrinimi ninmi ningui.

JEREMÍAS 6:8

Jerusalenpi causajcunalla, alli tucuichigari. Chashna alli tucujpica, mana p'iñarishpa cancunamanta anchurishachu. Cai llajtapish mana chaquishca, shitashca pamba saquiringachu” ninmi.

OSEAS 9:12

Paicunapaj huahuacuna jatunyajpipish, paicunapuramantaca anchuchishami. Paicunamanta ñuca anchurijpica, ¡aij imachari tucungacuna!

HABACUC 1:13

Canca ima jucha illaj cashpami, millaitaca manataj ricunachingui. Ima millaita manataj ricui tucunguichu. ¿Ima nishpataj llaquichicujtaca ricucunguillari? Canta mana manchaj runaca, paita yalli cashcata ruraj runata juchachishpa llaquichicunmari. ¿Ima nishpataj chaitaca ricucunguillari?

NÚMEROS 14:39

Israelcunaman tucui caicunata Moisés huillajpica, tucui israelcunami yallitaj llaquilla tucurcacuna.

NÚMEROS 14:42

Ama huichiyaichijchu. Mandaj Diosca ña mana cancunapaj chaupipichu. Cancunata p'iñajcunapaj maquipi huañungapajllaca ama huichiyaichijchu.

NÚMEROS 14:43

Amalecitacuna, cananeocunami cancunapaj ñaupajpi. Cancunaca paicunapaj espadapimi urmanguichij. Cancunallataj Mandaj Diosta mana catishun nishcamanta Mandaj Diosca ña mana cancunapaj chaupipichu– nircami.

NÚMEROS 14:45

Chaipimi chai urcupi causaj amalecitacunapish, cananeocunapish uriyamushpa israelcunahuan macanacushpa chugrichishpa mishashpaca, Horma shuti pueblocama catircacuna.

DEUTERONOMIO 7:26

Millananacunataca cancunapaj huasicunamanca ama apanguichijchu. Ashtahuanpish chaicunataca millashpa p'iñashpa tucuitami chingachina canguichij. Tucuita chingachinacunata mana chingachishpaca, cancunami tucui chingachishca tucunguichij.

JOSUÉ 6:18

Chaimanta cai pueblopi tucui chingachinapaj cajcunata japishpa mapayarinamantaca huaquichirichij. Chaicunaca chingachinapaj cashcamanta ama japinguichijchu, ama tuparinguichijllapishchu. Chaicunapi tuparishpa mapayajpica israelcunapaj carpa huasicunapish ñataj chingachinapaj tucunman.

JUECES 16:20

cashna nishpa caparirca: –¡Sansón, filisteocunaca canta japinaman shamunmari!– nishpa caparijpi Sansón rijcharishpaca, cunanpish ñaupaman shinallataj jahualla quishpirishallami yuyarca. Ashtahuanpish paimanta Mandaj Dios anchurishcataca mana yacharcachu.

JUECES 2:14

Chaimantami Mandaj Diosca israelcunahuanca nina sindirij shina p'iñarishpa, shuhuacuna shamushpa tucui imalla charishcacunata quichuchun shuhuacunapaj maquipi churarca. Chai muyundij llajtacunapi causaj paicunata p'iñajcunapaj maquipipish churajpimi, paicunata p'iñajcunahuanca mana ch'imbapura shayari tucurcacuna.

JUECES 2:4

Mandaj Diospaj ángel chashna rimajpica, tucui israelcunami sinchita caparishpa huacarcacuna.

1 SAMUEL 14:38

Chaimi Saulca: –Cunanca soldadocunata mandajcuna tucuicuna caiman tandanacumuichij. Maijan ima juchata rurashcamantataj caica tucunchij. Tapuichij, ricuichij.