JOSUÉ 6:6 - Dios Rimashca Shimicunami

⁶ Chaimi Nunpaj churi Josueca, curacunata cayashpaca: “Cancunaca Dioshuan ari ninacushca quillcata huaquichina arcata apaichij. Cancunapuramanta canchis curacunaca carneropaj gachu bocinacunata apashpa, chai arcata apashcacunata ñaupashpa ringuichij” nirca.

JOSUÉ 6:6 Iomraidhean Croise

ÉXODO 25:14

Chai caspicunataca arcata huandushpa apanapaj churashca argollacunapi churangui.

Hechos 9:1

Sauloca Mandaj Jesusta caticujcunata p'iñashpa, huañuchishpa manchachinataca mana saquircachu. Chaimi curacunata jatun mandaj curapajman shamushpa,

JOSUÉ 24:11

Shinallataj Jordán jatun yacuta cancuna ch'imbashpaca, Jericomanmi chayamurcanguichij. Jericopi causaj amorreocuna, ferezeocuna, cananeocuna, heteocuna, gergeseocuna, heveocuna, jebuseocunaca cancunahuanmi macanacurcacuna. Paicunataca ñucami cancunapaj maquipi churarcani ninmi.

JOSUÉ 3:3

cashna nishpa mandarcacuna: “Levita curacunami Mandaj Dioshuan ari ninacushca quillcata huaquichina arcata apashpa ñaupangacuna. Chaita ricushpaca tucuicuna paicunata catishpa ringuichij.

JOSUÉ 3:6

Chai q'uipaca curacunatami Josueca: “Dioshuan ari ninacushca quillcata huaquichina arcata apashpa, israelcunata ñaupashpa richij” nijpi curacunaca chai arcata apashpa israelcunata ñaupashpa rircacuna.

JOSUÉ 6:13

Carnerocunapaj gachu bocinacunahuan caj curacunapish Mandaj Diospaj arcata apacujcunata ñaupashcami, chai bocinacunapi tocanatapish, purinatapish mana samarishpa ñaupashpa rircacuna. Macanacungapaj allichirishca runacunaca chai tocaj curacunata ñaupashpami rircacuna. Macanacungapaj allichirishca caj shuj mirgaca Mandaj Diospaj arca huashata cuidashpami rircacuna. Bocinacunapi tocashcapish mana pararishpami uyaricurcalla.

JOSUÉ 6:5

Carneropaj gachu bocinacunapi sinchita tocashca uyarijpica, tucui cancuna sinchita caparinguichij. Chashna rurajpica, chai pueblo muyundij pircacunaca urmangallami. Ña urmajpica, tucui cancuna ricushca derechota chai pueblopi causajcunata llaquichingapaj yaicunguichij” nirca.

JOSUÉ 6:7

Israelcunatapish cashnami nirca: “Cancunaca pueblo muyundijta muyuichij. Macanacungapaj allichirishca runacunaca Mandaj Diospaj arcata ñaupashpa richij” nircami.

JOSUÉ 6:8

Josué chashna nincami, canchis curacunaca carnerocunapaj canchis gachu bocinacunata apashca, Diospaj arcata apacujcunapaj ñaupajman tucushpa, chai bocinacunapi tocashpa rircacuna. Dioshuan ari ninacushca quillcata huaquichina arcata apacujcunaca catishpami rircacuna.

1 SAMUEL 4:3

Israelcuna carpa huasicunaman tigrajpimi, israelcunata cunaj yuyajcunaca: “¿Ima nishpashi Mandaj Diosca cunanca filisteocuna ñucanchijta mishachun saquin? Cunanca Mandaj Dios ñucanchijhuan ari ninacushca quillcata huaquichina arcata Silo pueblomanta apamugrishunchij. Chai arca ñucanchij chaupipi cashpami ñucanchijta p'iñajcunapaj maquimantaca quishpichinga” nircacunami.