JOSUÉ 6:4 - Dios Rimashca Shimicunami

⁴ Canchis curacunaca carneropaj canchis gachu bocinacunahuan ñuca arcata apajcunata ñaupachuncuna. Canchis punllapica, canchis cutin chai pueblota muyunguichij. Curacunaca chai gachucunapi tocashpa ñaupachuncuna.

JOSUÉ 6:4 Iomraidhean Croise

GÉNESIS 2:3

Taita Diosca pai imalla rurana cashcata tucuchishpa canchis punllapica samarishcamantami, chai punllataca paipajlla ch'icanchishca samana punlla cachun alli nirca.

1 REYES 18:43

Chaipimi paipajta rurajtaca: –Huichiyashpa mama cuchata ricugri– nijpi chai runa huichiyashpa ricushpaca: –Ima mana ricurinchu– nijpi Eliasca: –Canchis cutincama cutin cutin ricumugri– nishpa mandarca.

2 REYES 5:10

Chaimi Eliseoca Naamanman cashna nichun cacharca: “Jordán yacuman rishpa canchis cutin armagri. Chashna armashpaca cambaj aicha alli tucujpi lepramantaca chuya tucunguillami” nichunmi paipaj huillajta cacharca.

2 REYES 5:14

Chaimi Naamanca Jordanman uriyashpa Diospaj runa nishca shinallataj chai yacupi canchis cutin pambarirca. Paipaj aichaca uchilla huahuapaj aicha shina tucushpami chuya saquirirca.

2 CRÓNICAS 13:12

Jalachij israelcuna, ñucanchijtaca Taita Diosmari mandacun. Shinallataj cancunahuan ñucanchij macanacugrichunca, pai Diospajta ruraj curacunamari trompetacunapi sinchita tocangapaj ñucanchijhuan shayacun. Chashna cashcamantaca, ama cancunapaj yayacunata Mandaj Taita Dioshuanca macanacunaman shamuichijchu. Paitaca mana mishai tucunguichijchu” nircami.

2 CRÓNICAS 20:17

Cunanpica mana cancuna macanacunachu canguichij, ashtahuanpish casijlla shayanguichijlla. Chashnami ñucataj cancunata quishpichijta ricunguichij. Judá llajtapi causajcunapish, Jerusalenpi causajcunapish ama manchaichijchu, ama huashayaichijchu. Cayataj tupanaman llujshichij. Mandaj Dios ñucatajmi cancunahuan casha ninmi” nircami.

2 CRÓNICAS 20:19

Chashnallataj Coatpaj huahua huahuapura levitacunahuan, Corepaj huahua huahuapura levitacunahuan jatarishpami, israelcunata Mandaj Taita Diostaca, cunga pajtashcata caparishpa alabarcacuna.

2 CRÓNICAS 20:21

Chaipi tandanacushcacunahuan parlanacushca q'uipami, macanacunacunahuan allichirishca soldadocuna llujshicujpica, shujtajcunataca sumaj ricunacunahuan rurashca churanacunata churarishpa cantashpa, Mandaj Diosta alabachun churarca. Paicunataca: “Mandaj Diosta jatunyachichij, paica huiñaita c'uyajmari” nishpami cantachun nirca.

JOB 42:8

Chashna mana allita rurashcamanta, cunanca canchis c'ari bizicunata, canchis carnerocunata apashpa, cancunamanta ñucaman cushpa tucui rupachichun ñucata servij Jobman cugrichij. Ñucata servij Jobmi cancunamantaca ñucata mañanga. Pai mañashcatami ñucaca uyasha. Pai mañajllapimi cancunataca mana ñucamanta ima allicunata huillashca cajpipish, mana jatunta llaquichisha. Cancunaca manamari ñucata servij Job shina carcanguichijchu” nircami.

ISAÍAS 27:13

Chai punllapica cashnapishmi canga. Jatun trompetapi tocajpica Asiria llajtata urata janajta cachashcacunami shamungacuna. Llajtamanta Egiptoman llujshichishpa cachashcacunapish tandanacumungacunami. Paicunaca Diospajlla urcu Jerusalenpimi Mandaj Diosta adorangacuna.

LEVÍTICO 14:16

Paipaj lluqui maquipi charicuj aceitepi paipaj alli lado dedota shutujyachishpa, Mandaj Diospaj ñaupajpi paipaj dedohuan canchis cutin tsirapachun.

LEVÍTICO 4:6

Chai curallataj paipaj dedota chai yahuarpi shutujyachishpa, Mandaj Diospajlla ch'icanchishca ucuta jarcachishca linso ñaupajpi canchis cutin tsirapachun.

ZACARÍAS 4:2

Chai angelca ñucataca: “¿Imatataj ricungui?” nishpami tapurca. Shina nijpica ñucaca cashnami nircani: “Curi candelerotami ricuni. Chai candelero jahuapica, aceiteta churanatapishmi ricuni. Shinallataj chai jahuapica, canchis lamparacuna tiyacujtapishmi ricuni. Chai lamparacunaca canchis tubocunatami charin.

ZACARÍAS 4:6

Chaimantami chai angelca, ñucamanca cashna nirca: “Zorobabelmanmi Mandaj Diosca cashna nin: Mana soldadocunallahuanchu, mana c'ari c'ari macanacushpallachu mishangui. Ashtahuanpish ñuca Espirituhuanmari mishangui.

NÚMEROS 23:1

Chaipimi Balaamca, Balactaca: –Canchis altarcunata caipi shayachi. Canchis bizicunatapish, canchis carnerocunatapish huañuchishpa allichichi– nirca.

JOSUÉ 6:13

Carnerocunapaj gachu bocinacunahuan caj curacunapish Mandaj Diospaj arcata apacujcunata ñaupashcami, chai bocinacunapi tocanatapish, purinatapish mana samarishpa ñaupashpa rircacuna. Macanacungapaj allichirishca runacunaca chai tocaj curacunata ñaupashpami rircacuna. Macanacungapaj allichirishca caj shuj mirgaca Mandaj Diospaj arca huashata cuidashpami rircacuna. Bocinacunapi tocashcapish mana pararishpami uyaricurcalla.

JOSUÉ 6:3

Chaimanta cancunapaj soldadocunaca, sujta punllacama punllanta shuj cutin chai pueblo pirca huashata muyuchun.

JOSUÉ 6:5

Carneropaj gachu bocinacunapi sinchita tocashca uyarijpica, tucui cancuna sinchita caparinguichij. Chashna rurajpica, chai pueblo muyundij pircacunaca urmangallami. Ña urmajpica, tucui cancuna ricushca derechota chai pueblopi causajcunata llaquichingapaj yaicunguichij” nirca.

Apocalipsis 1:20

Ñuca alli lado maquipi canchis lucerocunata charicujta, canchis curi candelerocunata can ricushpa mana entendi tucushcapish cashnami: Canchis luzerocunaca, canchis llajtacunapi caj tandanacushca crijcunapaj angelcunami. Canchis candelerocunata ricushcaca, canchis pueblocunapi tandanacushca crijcunami.

Apocalipsis 1:4

Ñucaca Juanmi cani. Asia llajtapi caj canchis pueblopi tandanacushca crijcunamanmi quillcani: Diosca cunanpish, sarunpish shamunapaj cajpish paillatajmi. Paipaj jatun tiyarina ñaupajpi caj canchis espiritupaj mana c'uyaipajta c'uyashcapish sumaj causaita cushcapish cancunahuan cachun.

Apocalipsis 10:3

Paica león huacarij shinami sinchita caparirca. Chashna caparijpi pai caparishca shinallataj tigra uyarishpaca, canchis c'ulun nishcacunahuanmi sinchita uyarirca.

Apocalipsis 15:1

Cielopica mana ricushca shujtaj jatun mancharinatami ricurcani: Chaipica, tucuri canchis llaquicunatami canchis angelcuna charicurcacuna. Chaicunahuanmi, Dios jatunta p'iñarishpa llaquichinaca tucurirca.

Apocalipsis 15:7

Chai causacuj chuscucunamanta shujmi, canchis angelcunamanca huiñai huiñaita causacuj Dios p'iñarishpa jatunta llaquichinahuan junda canchis curi copacunata curca.

Apocalipsis 16:1

Chaipica, Diospaj huasimanta chai canchis angelcunataca: “Richij, Dios p'iñarishpa llaquichinahuan junda caj canchij copacunamanta llaquicunata allpa pachapi talligrichij” nishpa, sinchita caparijtami uyarcani.

Apocalipsis 5:1

Chai jatun tiyarinapi tiyacujpaj alli maquipica, ucupish, jahuapish quillcashca shuj librotami ricurcani. Chai libroca canchis sellohuan sellashcami carca.

Apocalipsis 5:6

Jatun tiyarinapaj chaupipi, causaiyuj chuscucunapaj chaupipi, ancianocunapaj chaupipica shuj Oveja shayacujtami ñucaca ricurcani. Chai Ovejaca huañuchishca caj Ovejallatajmi carca. Chaica canchis gachuta, canchis ñahui luluncunatami charirca. Chai canchis ñahui luluncunaca tucui cai pachaman cachashca Diospaj canchis Espiritucunami.

Apocalipsis 8:2

Chai q'uipaca, Diospaj ñaupajpi canchis angelcuna shayacujtami ricurcani. Paicunamanca canchis trompetacunatami curca.

Apocalipsis 8:6

Chai canchis angelcunaca, paicuna charicun canchis trompetacunapimi tocanalla tucurcacuna.