JOSUÉ 6:2 - Dios Rimashca Shimicunami

² Shina cajpipish Mandaj Diosca, Josuetaca cashnami nirca: “Jericopi causajcunataca paicunapaj jatun mandajtapish, paipaj soldadocunatapish cambaj maquipimi churani.

JOSUÉ 6:2 Iomraidhean Croise

2 SAMUEL 5:19

Chaimi Davidca Mandaj Diostaca: –¿Filisteocunahuanca macanacugrishachu? ¿Paicunataca ñuca maquipi churanguichu?– nishpa tapujpi Mandaj Diosca Davidtaca: –Rilla, filisteocunahuanca macanacugrilla. Paicunataca cambaj maquipi churashatajmi– nirca.

NEHEMÍAS 9:24

Chashnami Israelcunaca chai llajtaman yaicushpa chai llajtataca paicunapaj cachun japircacuna. Chai llajtapi causaj cananeocunataca paicunapaj ñaupajpimi cumurichircangui. Paicunataca paicunata mandajcunandij israelcuna munashcata rurachunmi, paicunapaj maquipi churashcangui.

DANIEL 2:21

Huatacunatapish, punllacunatapish paimi shujtajyachin. Jatun mandajcunatapish paimi churan. Paimi anchuchin. Jatun yachajcunamanpish paimi yachaisapa canata cun. Alli yuyaiyujcunamanpish paimi yachaita cun.

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

DANIEL 4:17

Chaitaca jucha illaj cuidajcunami chashna tucuchun nishpa parlanacushpa chashna rurashca. Cai pachapi causajcunaca runacuna mandacun jahuapica jahua pacha Taita Dios mandacushcata yachachunmi chashna rurashca. Mandaj cachunca Taita Diosca pita pai churasha nishcata churaj cashcata yachachun, mandaj canapica tucuicunamanta yalli manataj jatun tucujta churaj cashcata yachachunmi chashna rurashca nircami.

DANIEL 4:35

Quiquinpaj ñaupajpica, cai pachapi causajcunaca tucuicuna ima mana canchu. Paica jahua pacha soldadocunatapish, cai pachapi causajcunatapish pai munashca shinami ruran. Paipaj maqui imata ruracujtaca pi mana jarcai tucunchu. ¿Imatataj ruracungui? ninallatapish, pi mana ni tucunchu” nircanimi.

DANIEL 5:18

Jatun mandajlla, jahua pacha Taita Diosmari cambaj yaya Nabucodonosormanca mandanatapish, jatun canatapish, alli nishca canatapish, tucuita mandaj canatapish curca.

DEUTERONOMIO 7:24

Paicunapaj jatun mandajcunatapish, paimi cancunapaj maquipi churanga. Cai pachapi paicunapaj shuticunataca cancunami p'ichanguichij. Tucui paicunata chingachingacama cancunahuanca pi mana ch'imbapurai tucungachu.

JOSUÉ 12:9

Tucui cai pueblocunata jatun mandajcunatami israelcunaca huañuchircacuna: Bet-el pueblo c'uchullapi caj Jericota jatun mandajta, Haita jatun mandajta,

JOSUÉ 2:24

Josuemanca: “Mandaj Diosca tucui chai llajtatami ñucanchijman cushpa ñucanchij maquipi churashca. Tucui chai llajtapi causajcunami ñucanchijta manchashpa manchaihuan huañucuncuna” nircacuna.

JOSUÉ 2:9

–Ñucaca cai llajtataca, cancunata Mandaj Dios cancunaman cushca canatami crini. Cancunata uyashpaca, tucui ñucanchijmi achca manchaihuan canchij. Cancunata manchashcamantaca, tucui cai llajtapi causajcunamari jatun manchaihuan huañucuncuna.

JOSUÉ 20:1

Mandaj Diosca Josuetaca cashnami mandarca:

JOSUÉ 6:1

Jericopi causajcunaca israelcunata manchashcamantami, chai puebloman yaicuna pungucunataca allitaj huichcarishcacuna carca. Chaimantami chai pueblopi causajcunaca pi mana yaicui tucurcacuna, mana llujshi tucurcacuna.

JOSUÉ 6:3

Chaimanta cancunapaj soldadocunaca, sujta punllacama punllanta shuj cutin chai pueblo pirca huashata muyuchun.

JOSUÉ 8:1

Mandaj Diosca Josuetaca: “Josué, ama manchaichu. Chai llajtapi causajcunataca ña mana mishashunchu nishpa ama yuyaichu. Hai pueblota jatun mandajtaca chai pueblondij, pai mandacun gentecunandij, tucui paipaj llajtandijmi cambaj maquipi churani. Chaimanta tucui macanacuj runacunata pushashpa Hai puebloman huichiyashpa macanacugri.

JUECES 11:21

Sehontapish, tucui paipaj cajcunatapish israelcunata Mandaj Dios israelcunapaj maquipi churajpimi, chai llajtapi causaj amorreocunata mishashpa allpacunataca paicuna japircacuna.

JUECES 11:24

Cambaj Quemos dios canman imata cushcaca ¿manachu ña cambaj? Chashnallataj Mandaj Dios ñucanchij ñaupajpi quichushpa ñucanchijman cushcaca ña ñucanchijpajmi.