JOSUÉ 6:12 - Dios Rimashca Shimicunami

¹² Cayandij tutamantaca Josueca utcatami jatarirca. Curacunapish Mandaj Diospaj arcatami aparcacuna.

JOSUÉ 6:12 Iomraidhean Croise

GÉNESIS 22:3

Abrahamca, cayandij tutamanta utcata jatarishpami burrota parejashpa paipajta ruraj ishqui runacunatapish, paipaj churi Isaactapish tandachirca. Chai q'uipaca Taita Diosman cunata tucui rupachingapaj yantata p'itishpami Taita Dios mandashca shinallataj chai urcuman rirca.

DEUTERONOMIO 31:25

Mandaj Dioshuan ari ninacushca quillcata huaquichina arcata apaj levita curacunatami cashna mandarca:

JOSUÉ 3:1

Cayandij tutamanta utca jatarishpami, Josueca Sitim pambamanta tucui israelcunandij Jordán yacu c'uchuman rircacuna. Chai yacuta manaraj ch'imbashpami chaillapi samarircacuna.

JOSUÉ 6:11

Chai punllaca Josueca Mandaj Diospaj arcahuan chai pueblota shuj muyuillata muyushpami, paicunapaj carpa huasicunallamantaj tigrashpa tutaca chaipi pacarircacuna.

JOSUÉ 6:13

Carnerocunapaj gachu bocinacunahuan caj curacunapish Mandaj Diospaj arcata apacujcunata ñaupashcami, chai bocinacunapi tocanatapish, purinatapish mana samarishpa ñaupashpa rircacuna. Macanacungapaj allichirishca runacunaca chai tocaj curacunata ñaupashpami rircacuna. Macanacungapaj allichirishca caj shuj mirgaca Mandaj Diospaj arca huashata cuidashpami rircacuna. Bocinacunapi tocashcapish mana pararishpami uyaricurcalla.

JUECES 20:19

Chaimi israelcunaca cayandij tutamantaca Gabaapi causajcunahuan macanacugringapaj utca jatarircacuna.