JOSUÉ 6:1 - Dios Rimashca Shimicunami

¹ Jericopi causajcunaca israelcunata manchashcamantami, chai puebloman yaicuna pungucunataca allitaj huichcarishcacuna carca. Chaimantami chai pueblopi causajcunaca pi mana yaicui tucurcacuna, mana llujshi tucurcacuna.

JOSUÉ 6:1 Iomraidhean Croise

2 SAMUEL 10:5

Chaita Davidman yachaj chayachijpica, paicunaca yallitaj pingaihuan cana cashcata yachashpami jatun mandajca maijancunata tupanaman cachashpaca: “Cutinllataj barbas huiñangacama Jericopi saquirichij. Barbas huiñajpica tigramunguichijllami” ninaman cacharca.

2 REYES 17:4

Ashtahuanpish Asiria llajtata jatun mandajca shujtajcunahuan huashalla yuyarinacushpa Oseas parlanacucujtami yacharca. Oseasca Egiptota So shuti jatun mandajpajmanmi paipaj randi parlanacujcunata cachashca carca. Shinallataj Asiria llajtata jatun mandajman ñaupa huatacunaman tributota cucushca shinapish ña mana curcachu. Chaimi jatun mandaj Salmanasarca Oseasta prezu japishpa carcelpi churarca.

2 REYES 2:4

Eliasca cutinmi Eliseotaca: –Ñucataca Mandaj Diosca Jericomanmi cacharca. Cunanca canca caillapi saquiri– nijpi Eliseoca: –Mandaj Diosca causajmi. Canpish causacunguimi. Canmantaca manataj saquirishachu– nijpica Jericomanmi ishquindijllataj rircacuna.

SALMOS 127:1

Mandaj Dios mana huasichijpica, huasichijcunaca yangallami trabajancuna. Mandaj Dios pueblota mana cuidacujpica, cuidajcunaca yangallami mana dormishpa cuidancuna.

JOSUÉ 16:7

Janoamantaca Atarot, Naarat pueblocunata uri rishpami Jericohuan tupanacushpa, Jordán yacuman llujshin.

JOSUÉ 18:21

Benjamín aillupaj huahua huahuacunapaj familiacunapaj pueblocunaca caicunami: Jericó, Bet-hogla, Casis pugru pamba,

JOSUÉ 2:1

Nunpaj churi Josueca, Sitim pambamantami ishqui runacunata Jericota purij shinalla ricushpa tigramuchun cachangapaj cashna nirca: “Jericó ima shinalla cashcata purij shinalla ricushpa tigramugrichij” nijpimi chai runacuna rishpa Jericoman chayashpaca, huainayashcahuan causaj Rahab shuti huarmipaj huasiman chayarcacuna. Chaipimi chai tutaca pacarircacuna.

JOSUÉ 2:24

Josuemanca: “Mandaj Diosca tucui chai llajtatami ñucanchijman cushpa ñucanchij maquipi churashca. Tucui chai llajtapi causajcunami ñucanchijta manchashpa manchaihuan huañucuncuna” nircacuna.

JOSUÉ 2:7

Jatun mandaj cachashca soldadocunaca, Jordanman rina ñanta jatun yacuta maitami ch'imbanallacamami chai runacunata catishpa rircacuna. Paicuna chaimanta rijpimi, chai pueblomanta llujshina pungutaca huichcarcacuna.

JOSUÉ 5:15

Mandaj Diospaj soldadocunata mandajca Josuetaca: –Can shayacun allpaca, Diospajlla ch'icanchishcami. Chaimanta cambaj pargateta llujshichi– nijpimi Josueca pai nishca shina rurarca.

JOSUÉ 6:2

Shina cajpipish Mandaj Diosca, Josuetaca cashnami nirca: “Jericopi causajcunataca paicunapaj jatun mandajtapish, paipaj soldadocunatapish cambaj maquipimi churani.