JOSUÉ 5:2 - Dios Rimashca Shimicunami

² Israelcuna chaipi cajpimi, Mandaj Diosca Josuetaca cashna mandarca: “Rumimanta filojlla cuchillacunata rurashpa, cai punllapi causaj israelcunata circuncisionta ruragri” nirca.

JOSUÉ 5:2 Iomraidhean Croise

ÉXODO 4:25

Chaipimi Moisespaj huarmi Seforaca rumimanta rurashca filojlla cuchillota japishpa, paipaj churi charishca aicha mirga carata p'itishpa, Moisespaj chaquipi tupachishpaca: “Cunantajca ñuca quiquin yahuar cusami cangui” nirca.

Romanos 2:29

Ashtahuanpish shungumantataj judiomi, judiotajca, circuncisiontapish shungupimi rurachishca. Chaitaca Espiritumi ruran, mana quillcashca Mandashcachu ruran. Chashna cajtaca mana runacunachu alli nin, ashtahuanpish Taita Diosmi alli nin.

Romanos 4:11

Abrahamtaca circuncisionta manaraj rurashca cajpimi, Diosca justificashpa chasquirca. Chai q'uipami crijpi justificashcata ricuchij sello shina cachun, Diosca circuncisionta rurachun nijpi Abrahamca chasquirca. Chashnami Abrahamca, circuncisionta mana rurashca crijcunapajpish yaya tucurca. Paicunapish crijllapi justificashpa chasquina cashcata ricuchingapajmi, Diosca chashna rurarca.

DEUTERONOMIO 10:16

Circunsicionta ruraj shina shungumanta mapa yuyaita p'itichij. Ama ashtahuan ch'ahuancunallataj caichijchu.

DEUTERONOMIO 30:6

Mandaj Dios cancunapaj Taita Diosmi, cancunatapish cancunapaj huahua huahuacunatapish shungupi circuncisionta ruranga. Mandaj Dios cancunapaj Taita Diosta tucui shunguhuan, tucui almahuan paillata c'uyashpa causachunmi chashna ruranga.

Colosenses 2:11

Cancunaca paipimi circuncisionta rurashcacuna canguichij. Chai circuncisionca mana runacunapaj maquihuan rurashcachu. Ashtahuanpish Cristollatajmi circuncisionta rurarca. Chaimantami cancunapaj juchata ruranamantaca anchuchishcacuna canguichij.

JOSUÉ 5:3

Chaimi Josueca, filojlla cuchillocunata rurashpa, Aralot lomapi tucui israelcunata circuncisionta rurarca.