JOSUÉ 5:10 - Dios Rimashca Shimicunami

¹⁰ Israelcunaca Jericó c'uchulla pamba Gilgalpi carpa huasicunata shayachishpa tiyacushpami, chai quillapaj chunga chuscu punllapaj chishipi Pascuata rurashpa Diosta yuyarircacuna.

JOSUÉ 5:10 Iomraidhean Croise

2 SAMUEL 15:28

Imalla tucucushcata cancuna ñucaman huillaj cachangacama shitashca pambacunallapimi cagrini– nircami.

ÉXODO 12:11

Chai aichataca alli chumbillirishca, pargatetapish churarishca, tauna caspitapish maquipi aisashcami micuna canguichij. Mandaj Diospaj Pascua cashcamantaca utcami micuna canguichij.

ÉXODO 12:18

Huata callari quillapaj chunga chuscu punlla chishimanta callarishpaca, chai quillapaj ishqui chunga shuj punlla chishicamami chashna levadura illajlla tandata micuna canguichij.

ÉXODO 12:6

Chai animaltaca, cai quillapaj chunga chuscu punllacama alli cuidashpa chai chishi zuyuyacuita huañuchinguichij. Tucui tandanacushca israelcunami chai horasllataj huañuchina canguichij.

JEREMÍAS 39:5

Shina cajpipish, caldeo soldadocuna catishpaca, Jericó shuti pambapimi Sedequiastaca japircacuna. Chaipi japishpaca, Hamat llajtapi caj Ribla shuti pueblomanmi, Babilonia llajtata jatun mandaj Nabucodonosorpajman pusharcacuna. Chaiman chayachijpimi, paita ima shinalla llaquichinata mandarca.

EZEQUIEL 12:3

Chashna cashcamanta huañujlla aichayuj runalla, canca imalla apanacunata allichishpa, paicuna ricucujpi punllapacha llujshishpa ringui. Can maipi causacushcamantaca, shujtajpi causagringui. Chaita ricushpaca, chai mana cazujcunaca entendingapishchari.

LEVÍTICO 23:5

Huata callaripaj punta quilla chunga chuscu punlla tutayamuitaca Mandaj Diospaj Pascuami.

MIQUEAS 6:5

Ñuca agllashcacunalla, Moab llajtata jatun mandaj Balac imallata cunashcata alli yuyarichigari. Shinallataj Beor runapaj churi Balaam imallata cutichishcatapish alli yuyarichigari. Sitim pueblomanta Gilgal puebloman imapaj ch'imbashpa rishcatapish alli yuyarichigari. Mandaj Diosca cashcata ruraj cashcatami rijsinguichij” ninmi.

JOSUÉ 4:19

Israelcunaca punta quillapaj chunga punllapimi, chai Jordán yacumanta rishpaca, Gilgal shuti pambapi carpa huasicunata shayachishpa tiyarircacuna. Gilgalca Jericomantaca inti llujshin ladomanmi.

JOSUÉ 5:11

Chai cayandij punllami punta p'ucushca granocunatapish, levadura illajlla tandatapish, llullu trigo camchatapish micurcacuna.

JOSUÉ 9:6

Gilgalpi Josuepish israelcunapish causacun carpa huasicunaman chayashpaca: –Ñucanchijmi yallitaj caru llajtamanta shamunchij. Cunanca ñucanchijhuan shuj ruranata ari nihuaichij– nircacunami.

1 SAMUEL 7:16

Samuelca israelcunapurapi ima allichina tiyashcata allichingapajca Bet-el, Gilgal, Mizpa shuti pueblocunamanmi huatanta rij carca.