JOSUÉ 5:1 - Dios Rimashca Shimicunami

¹ Jordán jatun yacumanta inti huashicun ladoman causaj amorreocunata jatun mandajcunapish, mama cucha c'uchuman causaj cananeocunata jatun mandajcunapish, Jordán jatun yacuta israelcuna tucui ch'imbangacama Mandaj Dios chaquichishpa ch'imbachishcatami yachaj chayarcacuna. Chaimi yallitaj manchashpa israelcunahuan, macanacunataca manataj yuyarcacuna.

JOSUÉ 5:1 Iomraidhean Croise

GÉNESIS 12:6

Abramca tucui chai llajtata rishpami, Siquempi caj More shuti pambapi caj encina yura c'uchuman chayarca. Chai llajtapica cananeocunami causarca.

GÉNESIS 48:22

Canmanca cambaj huauquicunapajta yallitami cuni. Chai llajtataca amorreocunapajtami ñuca espadahuan, ñuca arcohuan macanacushpa mishashpa quichurcani– nircami.

2 SAMUEL 21:2

Chaimi jatun mandajca gabaonitacunata cayashpa paicunahuan parlanacurca. (Gabaonitacunaca mana israelcunapurachu carca. Paicunaca amorreocunapuramanta shuj mirga saquirishcacunami carca. Paicunahuanmi israelcunaca paicunata mana llaquichinata ari nishcacuna carca. Chashna ari nishca cajpipish Saulca Israelpurapi, Judapurapi paicuna ama cachun nishpa mana ricunachishpami paicunataca huañuchina tucurca).

1 REYES 10:5

paipaj mezapi micunacunatapish, paipajta rurajcuna causana ucucunatapish, paipajta rurajcuna ima shina cashcatapish, paicuna churarishca ima shina cashcatapish, paipaj micunata pasachijcuna ima shina cashcatapish, Mandaj Diospaj huasipi Diosman cushpa ima shina tucui rupachij cashcatapish ricushpaca yallitajmi mancharirca.

ESDRAS 9:1

Tucui chaicunata tucuchishca q'uipami mandajcuna ñucapajman shamushpaca: “Israelcunapish, curacunapish, levitacunapish, cai llajtapi causaj cananeocunamanta, heteocunamanta, ferezeocunamanta, jebuseocunamanta, amonitacunamanta, moabitacunamanta, egipciocunamanta, amorreocunamanta mana anchurishpami, paicunapaj millanana ruraicunapi urmashcacuna.

SALMOS 135:11

Amorreocunata jatun mandaj Sehontapish, Basanta jatun mandaj Ogtapish huañuchircami. Canaanpi caj tucui jatun mandajcunatapish huañuchircami.

ÉXODO 23:28

Heveocunata, cananeocunata, heteocunata cambaj ñaupajmanta llujshichishpa cachachunca avispa chuspicunatami canta ñaupachishpa cachasha.

ISAÍAS 41:5

Mama cucha c'uchupi caj llajtacunaca ricurcacunami, mancharircacunami. Tucui cai pachapi tiyaj llajtacunapi causajcunami mancharircacuna. Tucuicunami tandanacushpa shamurcacuna.

EZEQUIEL 16:3

Cashna ningui: Mandaj Jatun Diosca Jerusalentaca cashnami nin: Can huacharishpa causanaca Canaán llajtami, cambaj yayaca amorreopurami carca. Cambaj mamaca heteocunapurami carca.

EZEQUIEL 21:7

Can chashna huacacujpica ¿ima nishpataj huacacungui? nishpa tapujpica: Tucuicunami huañunga, tucuicunapaj maquicunami p'aquiringa, tucuicunami huacanga, tucuicunapaj cunguri mucucunami yacu shina chujchunga nishpa huillashcata uyashpamari huacacuni. Chai llaquica ñallamari chayamunga, chaica pajtangatajmi ninmari Mandaj Jatun Diosca ningui” nircami.

DANIEL 5:6

quillu quillu ñahui tucushpami, paipaj yuyaicuna musparirca. Chashna irquiyashpami cintura tullucunapish, sanpi tullucunapish caishuj chaishuj huajtaricurca.

AMÓS 2:9

Ashtahuanpish ñucamari, amorreocunataca paicunapaj ñaupajmanta chingachircani. Paicunataca, cedro yura shina jatun cajpipish, encina yura shina sinchi cajpipish ñucami chingachircani. Paicunapaj muyucunatapish, sapicunatapish chingachircanimi.

NÚMEROS 13:29

Neguev pueblopica amaleccunami causaj cashca. Urcupi caj llajtacunapica heteocuna, jebuseocuna, amorreocunami causaj cashca. Mama cucha c'uchu llajtacunapi, Jordán yacu uripi caj llajtacunapica cananeocunami causaj cashca– nircami.

JOSUÉ 17:12

Manasespaj huahuacunaca, chai pueblocunapi causajcunataca mana llujshichishpa cachai tucurcacunachu. Chaimantami cananeocunaca chai llajtacunamanta manataj llujshishpa chaipi causarcallacuna.

JOSUÉ 17:18

Chai llajtapi causaj cananeocunataca, fierro carrocunayuj c'ari c'aricuna cajpipish cancunaca chai llajtamanta llujshichishpa cachanguichijmi. Chashna llujshichishpa cachashpami, chai urcucunataca sachata urmachishpa, cancuna causanapaj japinguichij. Maillata chai urcucuna cajtaca tucuitami japinguichij– nirca.

JOSUÉ 24:15

Mandaj Diospajta rurashpa causana mana alli yuyachijpica, cunanllataj maijan diospajta rurasha nishpapish alli yuyaringuichij. Cancunapaj ñaupa yayacuna, Éufrates jatun yacu uripi caj llajtapi causacushpa shujtaj dioscunapajta rurashca shina rurasha nishpapish, mana cashpaca cunan cancuna causacun cai llajtapi causaj amorreocunapaj dioscunapajta rurashun nishpapish alli yuyaringuichij. Ashtahuanpish ñucapish, ñuca huasi familiapish Mandaj Diospajtami rurashun– nircami.

JOSUÉ 3:16

Chaimi janajmanta shamucuj yacuca Saretán pueblo c'uchupi caj Adam shuti pueblomanta carupi jarcarirca. Israelcuna ch'imbacushcamanta uriman ricuj yacupish, Arabá shuti pambapi caj Cachisapa Cuchacamami chaquirca. Chai yacu chashna chaquijpimi, tucui israelcuna Jericó pueblo derechota ch'imbarcacuna.

JOSUÉ 3:17

Tucui israelcuna ch'imbangacamami curacunaca, Dioshuan ari ninacushca quillcata huaquichina arcahuan, Jordán yacu chaquirishca chaupipi imata mana manchashpa shayacurcallacuna. Israelcunaca tucuicunami chaquishca allpata ch'imbarcacuna.

Apocalipsis 18:10

Chai llaquita manchashcamantaca caruman shayarishpami: “¡Aij, aij, tucuita mandaj jatun Babilonia pueblolla! Canta jatunta llaquichinaca cungaillapimari japishca” ningacunami.

JUECES 1:1

Israelcunaca paicunata pushaj Josué huañushca q'uipami, Mandaj Diostaca: “Cananeocunahuanca ¿maijan aillutaj punta macanacugrina canchij?” nishpa tapurcacuna.

JUECES 11:23

Shina cajpica, israelcunata Mandaj Dios, amorreocunata quichushpa paipaj israelcunaman cushcataca ¿canchu cunan quichusha ningui imamí?

JUECES 3:3

Filisteocunata pichca jatun mandajcuna, tucui cananeocuna, sidoniocuna, Lívano urcupi causaj heveocunapishmi carca. Paicunaca Baal-hermón urcumantaca, Hamatman rinacamami causarcacuna.

JUECES 4:2

Chaimantami Mandaj Diosca, Canaán llajtata jatun mandaj Jabinpaj maquipi churarca. Pai mandashpa tiyanaca Hazor pueblopimi carca. Paipaj soldadocunata mandajca Sísara runami carca. Paica Haroset-goim pueblopimi causarca.

1 SAMUEL 25:37

Cayandij tutamanta Nabalpaj machai cacharirijpimi, paipaj huarmica tucui ima shina cashcata huillarca. Chaimi Nabalca shungu nanai japijpi rumi shina tucushpa saquirirca.