JOSUÉ 4:9 - Dios Rimashca Shimicunami

⁹ Shinallataj Josuepish, Dioshuan ari ninacushca quillcata huaquichina arcata apashca curacuna Jordán yacu chaquirishca chaupipi shayacushcapimi, chunga ishqui rumicunata pircachirca. Chai rumicunaca cunancama chaillapitajmi.

JOSUÉ 4:9 Iomraidhean Croise

GÉNESIS 26:33

Isaacca chai pugyutaca: “Seba” shutitami shutichirca. Chaimi chai pueblopish cunan punllacama Beerseba shuti.

GÉNESIS 28:18

Jacobca cayandij tutamanta utcata jatarishpami, pai saunashca rumitaca Taita Diospajlla cashcata ricunapaj cachun nishpa huichiman shayachishpa aceiteta churarca.

2 SAMUEL 4:3

Beerotitacunaca ñaupamanmi Gitaimman miticushpa rircacuna. Paicunaca cunan punllacunacamami shujtaj llajtamanta shinalla chai llajtallapitaj causancuna.

1 REYES 18:31

Eliasca chai altartaca, Jacobpaj churicuna chunga ishqui aillucuna cashca shinallatajmi, chunga ishqui rumicunata japishpa allichirca. Mandaj Diosmi Jacobtaca: “Cambaj shutica Israelmi canga” nishca carca.

2 CRÓNICAS 5:9

Chai arcata aparina caspicunaca, yallitaj suni caspicunami carca. Chaimantami Diospajlla ch'icanchishca ucu ñaupajpi caj ucumantaca ricunalla carca. Chashna cashpapish canllamantaca mana ricurijchu carca. Cunancama chashnallatajmi tiyacun.

ÉXODO 24:12

Mandaj Diosca Moisestaca: –Ñucahuan tupangapaj urcuman huichiyashpa, chaipi shuyangui. Yachachingapaj tablajlla rumicunapi ñuca quillcashca mandashcacunataca chaipimi canman cusha– nircami.

ÉXODO 28:21

Yaya Israelpaj chunga ishqui churicunapaj shuticuna cashca shinallataj chai rumicunapish chunga ishqui cachun. Chai rumicunapica chunga ishqui aillucunapaj shuticunataca cada rumipi cada aillupaj shuticunata sellanapi quillcashca shina cachun.

Mateo 27:8

Chaimi chai allpaca, cunan punllacama “Yahuar Allpa” shuti.

Mateo 28:15

Soldadocuna cullquita japishpaca, paicuna yachachishca shinallatajmi nircacuna. Chaimi judiocunapurapica, cunan punllacunacama Jesustaca shuhuashcami nishpa parlancuna.

DEUTERONOMIO 34:6

Paitaca Moab llajtallapitajmi, Bet-peor pueblo ch'imbapurapi caj pugru pambapi pambarca. Paita maipi pambashcataca cunancama pi mana yachancunachu.

JOSUÉ 24:26

Josueca chai shimicunataca mandashcacunata Dios quillcachishca libropimi quillcarca. Chai q'uipaca jatun rumita japishpami, Diospajlla carpa huasi c'uchupi caj encina yura ucupi churarca.

JOSUÉ 4:10

Diospaj arcata apacuj curacunaca, Mandaj Dios Josueta imallata mandashca shina israelcuna chai tucuita rurangacamami yacu purina chaupipi shayacurcallacuna. Josueta Moisés imallata mandashca shinallatajmi tucuita rurarcacuna. Tucui israelcunami chai Jordán yacutaca utca ch'imbarcacuna.

JUECES 1:26

Chai runaca heteocunapaj llajtaman rishpami, shujtaj pueblota shayachirca. Chai pueblotaca Luz shutitami shutichirca, cunancama chai shutillatajmi.

1 SAMUEL 30:25

Chai punllamanta pachami chai mandashcaca chashnataj caticunlla. Cunan punllacamami Israelpica chaitataj pajtachincuna.

1 SAMUEL 7:12

Samuelca, shuj rumita japishpami Mizpa pueblohuan, Sen pueblohuan chaupipi churarca. Chai rumitaca: “Mandaj Diosca ñucanchijtaca caicamami ayudan” nishpami, Eben-ezerta shutichirca.