JOSUÉ 4:5 - Dios Rimashca Shimicunami

⁵ “Cancunata Mandaj Diospaj arcata apashpa Jordán yacu chaquirishca chaupipi shayacuj curacunapaj ñaupajman richij. Chaimantaca yaya Israelpaj chunga ishqui churicunapaj aillucuna cashca shinallataj chunga ishqui rumicunata shuj, shuj rigra jahuapi apaichij.

JOSUÉ 4:5 Iomraidhean Croise

GÉNESIS 31:46

tucui paipaj huasi ucupuracunataca: –Rumicunata japichij– nijpi, tucuicuna rumicunata japishpa chai jahuallapitaj montonarcacuna. Chai q'uipaca rumicunata montonashca jahuapimi micurcacuna.

ÉXODO 24:4

Chaipimi Moisesca, Mandaj Dios nishca shimicunata tucuita quillcarca. Cayandij tutamanta utca jatarishpaca, chai urcu chaquipimi shuj altarta shayachirca. Israelcunapaj chunga ishqui aillucuna cashca shinallatajmi chunga ishqui rumicunata cada aillupaj shuj rumita shayachirca.

DEUTERONOMIO 27:2

Jordán yacuta ch'imbashpa, Mandaj Dios cancunapaj Taita Dios cushca llajtaman yaicungapaj ch'imbai punllaca, jatun rumicunata shayachishpa calhuan llambujllata ruranguichij.

DEUTERONOMIO 9:1

Israelcuna uyaichij, cancunaca cunanmi cancunata yalli achca, sinchi sinchi llajtacunata, jahuacama pircashca jatun pueblocunata cancunapaj cachun japingapaj Jordán yacuta ch'imbagringuichij.

JOSUÉ 22:10

Rubén aillupish, Gad aillupish, Manasespaj chaupi aillupish Canaanpaj linde Jordán yacu uriman chayashpaca, chai uripimi shuj jatun altarta rurarcacuna.

JOSUÉ 4:4

Chaimi Josueca, chunga ishqui Israel aillupuramanta cada aillumanta shuj shuj agllashca runacunata cayashpaca:

JOSUÉ 4:6

Chai rumicunaca cancunapurapi yuyarinapajmi canga. Caya mincha cancunapaj huahuacuna cancunata: ¿Cai rumicunaca imatataj ricuchisha nin? nijpica,