JOSUÉ 4:3 - Dios Rimashca Shimicunami

³ cashna mandai: Jordán yacu chaquirishca chaupipi shayacuj curacunapaj c'uchumanta chunga ishqui rumicunata japichij. Chai rumicunataca cunan tuta cancuna maipi samarinapi churanguichij nishpa mandai” nircami.

JOSUÉ 4:3 Iomraidhean Croise

GÉNESIS 28:22

Taita Dios caipi cashcata ricuchij cachun ñuca caipi churashca rumi tiyacunpish, Taita Diospaj huasimi canga. Tucui imallata Dios ñucaman cushcacunamantapish, chungamanta shujta ch'icanchishpa cucushallami” nircami.

SALMOS 103:2

Ñuca almalla, Mandaj Diostaca allimari cangui niyari. Pai ñucapaj imalla allicunata rurashcataca, shujllatapish amataj cungarichu.

SALMOS 11:4

Mandaj Diosca paipajlla huasipimi. Mandaj Diosca jahua pachapimi paipaj jatun tiyanataca charin. Mandaj Diosca huañujlla runacunataca tucuicunatami allita rurajta, mana allita rurajta alli ricucun.

Lucas 19:40

Jesusca: –Caicuna upallajpica, rumicunami caparinga. Chaica chashnatajmi– nirca.

JOSUÉ 24:27

Chashna churashpami Josueca tucui israelcunataca: –Mandaj Dios cancunata imallata mandashcataca, cai rumimi tucuita uyarca. Cai rumica Dios ñucanchijta imallata mandashcata yuyachijmi. Cancuna Diosta p'iñachishpa imata llullagrishpapish cai rumita ricushpa, ama llullachunmi cai rumitaca caipi churani– nircami.

JOSUÉ 3:13

Tucui cai pachata Mandaj Jatun Dioshuan ari ninacushca quillcata huaquichina arcata apacuj curacunapaj chaquicuna Jordán yacuman yaicujpica, chai yacuca chaupirishpa pata shina tucungallami. Chaimi janajmanta shamucuj yacuca jarcarishpa, mana ashtahuan shamunga” nircami.

JOSUÉ 4:4

Chaimi Josueca, chunga ishqui Israel aillupuramanta cada aillumanta shuj shuj agllashca runacunata cayashpaca:

JOSUÉ 4:8

Josué mandashca shinallatajmi israelcunaca chunga ishqui aillu cashcata yuyachij chunga ishqui rumicunata Jordán yacu rina chaupimanta aparcacuna. Chai rumicunataca Mandaj Dios Josueta mandashca shinallatajmi paicuna samaringapaj carpa huasicunata shayachina pambacama apashpa chaipi pircarcacuna.

1 SAMUEL 7:12

Samuelca, shuj rumita japishpami Mizpa pueblohuan, Sen pueblohuan chaupipi churarca. Chai rumitaca: “Mandaj Diosca ñucanchijtaca caicamami ayudan” nishpami, Eben-ezerta shutichirca.