JOSUÉ 4:11 - Dios Rimashca Shimicunami

¹¹ Tucui israelcuna Jordán jatun yacuta ña ch'imbajpica, Mandaj Diospaj arcata apaj curacunapish ch'imbashpami, tucui israelcunata ñaupangapaj paicunapaj ñaupajman shayarircacuna.

JOSUÉ 4:11 Iomraidhean Croise

ISAÍAS 52:12

Mandaj Dios ñaupashpa ricushcamanta mana jahuai ucu llujshinguichijchu. Mana miticushpalla ringuichijchu. Cancunata cuidashpa rijca Israelcunapaj Taita Diosmari canga.

JOSUÉ 24:11

Shinallataj Jordán jatun yacuta cancuna ch'imbashpaca, Jericomanmi chayamurcanguichij. Jericopi causaj amorreocuna, ferezeocuna, cananeocuna, heteocuna, gergeseocuna, heveocuna, jebuseocunaca cancunahuanmi macanacurcacuna. Paicunataca ñucami cancunapaj maquipi churarcani ninmi.

JOSUÉ 3:17

Tucui israelcuna ch'imbangacamami curacunaca, Dioshuan ari ninacushca quillcata huaquichina arcahuan, Jordán yacu chaquirishca chaupipi imata mana manchashpa shayacurcallacuna. Israelcunaca tucuicunami chaquishca allpata ch'imbarcacuna.

JOSUÉ 3:8

Ñucahuan ari ninacushca quillcata huaquichina arcata apaj curacunataca Jordán yacu uriman chayashpaca, yacupi yaicushpa shayarichun mandai” nircami.

JOSUÉ 4:10

Diospaj arcata apacuj curacunaca, Mandaj Dios Josueta imallata mandashca shina israelcuna chai tucuita rurangacamami yacu purina chaupipi shayacurcallacuna. Josueta Moisés imallata mandashca shinallatajmi tucuita rurarcacuna. Tucui israelcunami chai Jordán yacutaca utca ch'imbarcacuna.

JOSUÉ 4:12

Jordán yacutaca Rubenpaj, Gadpaj aillupish, Manasespaj chaupi aillupishmi Moisés mandashca shinallataj macanacunacunata aparishca, tucui israelcunata ñaupashpa ch'imbarcacuna.

JOSUÉ 4:18

Shina nijpimi Mandaj Dioshuan ari ninacushca quillcata huaquichina arcata apacuj curacunaca, Jordán yacu rina chaupimanta llujshircacuna. Paicuna chaimanta chaquishca allpaman llujshincami, chai yacuca ñaupaman ima shina cashca shinallataj, lado uricunacama jundashpa rirca.