JOSUÉ 3:8 - Dios Rimashca Shimicunami

⁸ Ñucahuan ari ninacushca quillcata huaquichina arcata apaj curacunataca Jordán yacu uriman chayashpaca, yacupi yaicushpa shayarichun mandai” nircami.

JOSUÉ 3:8 Iomraidhean Croise

2 REYES 2:6

Chaipipish Eliasca cutinmi: –Ñucataca Mandaj Diosca Jordanmanmi cacharca. Cunantajca canca caillapi saquiripai– nijpi Eliseoca: –Mandaj Diosca causajmi. Canpish causacunguimi. Canmantaca manataj saquirishachu– nishpaca Jordanmanpish ishquindijllatajmi rircacuna.

2 CRÓNICAS 29:15

Tucui paicunaca paicunapaj familiapura levitacunataraj tandachishpami, Diospajta rurangapaj allichirircacuna. Chai q'uipaca, Mandaj Diospaj huasiman yaicushpami, jatun mandaj nishca shinapish, Mandaj Dios nishca shinapish chai ucumantaca mana Diospaj cashcataca tucuita llujshichircacuna.

2 CRÓNICAS 29:27

Chashna churashpami Ezequiasca, animalcunata Diosman cushpa altar jahuapi tucui rupachichun mandarca. Animalcunata rupachi callarijpica, cantajcunapishmi Mandaj Diosta jatunyachishpa cantai callarircacuna. Shinallataj ñaupa jatun mandaj David rurachishpa saquishca tocanacunapipishmi tocarcacuna.

2 CRÓNICAS 29:30

Chai q'uipaca, jatun mandaj Ezequiaspish, caishuj mandajcunapishmi levitacunataca: “Mandaj Diostaca, David quillcashca shimicunahuanpish, Dios ricuchishcata huillaj Asaf quillcashca shimicunahuanpish alabaichij” nishpa mandarcacuna. Chashna mandajpica, paicunaca jatunta cushicushpami, chai shimicunahuan cantashpa cungurishpa Diosta alabarcacuna.

2 CRÓNICAS 30:12

Mandaj Diosca Judá llajtapi causajcunatapishmi, pai Dios mandashca shinata rurachun jatun mandajhuan, caishuj mandajcunahuan mandashcata cazuna yuyaita curca.

NEHEMÍAS 13:22

Chaimi levitacunataca: “Samana punllata ama mapayachingapaj, cancunaraj chuyayashpa Jerusalenman yaicuna pungucunapi samana punllapi cuidaichij” nircani. Ñuca Dioslla, caicunata rurashcamantapish ñucataca yuyaripangui. Canca ima shina llaquij cashca shinallataj ñucata llaquihuai.

NEHEMÍAS 13:28

Joiadapaj churicunamanta shujmi, horonitapura caj Sanbalatpaj yerno carca. Joiadaca, curacunata mandaj Eliasibpaj churimi carca. Chaimantami Sanbalatpaj yernotaca ñuca c'uchumanta anchuchircani.

ÉXODO 14:13

Chaimi Moisesca israelcunataca: –Ama manchashpa sinchi sinchi caichijlla. Ricunguichij cunan ima shinami Mandaj Dios cancunata quishpichinga. Cunan punlla cancuna ricushca egipciocunataca cutinca ña manataj ashtahuan ricunguichijchu.

LAMENTACIONES 3:26

Mandaj Dios quishpichichun casijlla shuyanaca allimari.

JOSUÉ 3:17

Tucui israelcuna ch'imbangacamami curacunaca, Dioshuan ari ninacushca quillcata huaquichina arcahuan, Jordán yacu chaquirishca chaupipi imata mana manchashpa shayacurcallacuna. Israelcunaca tucuicunami chaquishca allpata ch'imbarcacuna.

JOSUÉ 3:3

cashna nishpa mandarcacuna: “Levita curacunami Mandaj Dioshuan ari ninacushca quillcata huaquichina arcata apashpa ñaupangacuna. Chaita ricushpaca tucuicuna paicunata catishpa ringuichij.

JOSUÉ 3:7

Chaipimi Mandaj Diosca Josuetaca: “Cunan punllamantami cantaca, tucui israelcunapaj ñaupajpi jatun cashcata ricuchigrini. Moiseshuan shinallataj ñucaca canhuanpish cashcata paicuna yachachunmi chashna rurasha.

JOSUÉ 3:9

Shina nijpimi Josueca, israelcunataca cashna mandarca: “Shamuichij, cancunata Mandaj Dios imallata rimashcata uyanguichij” nirca.

JOSUÉ 4:11

Tucui israelcuna Jordán jatun yacuta ña ch'imbajpica, Mandaj Diospaj arcata apaj curacunapish ch'imbashpami, tucui israelcunata ñaupangapaj paicunapaj ñaupajman shayarircacuna.