JOSUÉ 3:7 - Dios Rimashca Shimicunami

⁷ Chaipimi Mandaj Diosca Josuetaca: “Cunan punllamantami cantaca, tucui israelcunapaj ñaupajpi jatun cashcata ricuchigrini. Moiseshuan shinallataj ñucaca canhuanpish cashcata paicuna yachachunmi chashna rurasha.

JOSUÉ 3:7 Iomraidhean Croise

1 CRÓNICAS 29:25

Mandaj Diosca Salomontaca, pai mandacunpica tucui imata ruranapipish allita rurachishpami tucui israelcunapaj ñaupajpi yallitaj jatunyachirca. Israelcunata paipaj ñaupa mandaj cashca jatun mandajcunaca chashnataca pi mana charircacunachu.

2 CRÓNICAS 1:1

Davidpaj churi Salomonca, paita Mandaj Dios paihuan cajpimi, tucuita mandai callarirca. Mandaj Diosmi paitaca mandanapica, pi mana cuyuchipajta shina rurarca.

JOB 7:17

Runaca ima cajpitaj jatunyachinguiyari, ¿ima cajpitaj paipica, cambaj shungutaca churanguiyari?

SALMOS 18:35

Ñucata quishpichij escudotapish canmi cungui. Cambaj alli ladopimi charihuangui. Cambaj c'uyaihuanmi jatunyachishcangui.

Juan 17:1

Caicunata nishca q'uipami, Jesusca jahua pachata huichilla ricushpa cashna nirca: –“Yayitu, ñucata jatunyachina ñami chayamushca. Quiquinta jatunyachingapaj, ñucata jatunyachihuai.

Filipenses 1:20

Ñuca munashca, ñuca yuyacushca shinallataj imapi mana pingachishca cashachu. Chaitaca chashnataj cana cashcatami yuyani. Ñucapi ricuchij cashca shinallatajmi causajpipish huañujpipish Cristo jatun cashcataca, ñuca cuerpopi ricuchishca canga.

JOSUÉ 1:17

Moisesta ima shinami tucuipi cazuj carcanchij, chashnallatajmi cantapish cazushun. Mandaj Diosca Moiseshuan cashca shinallataj, canhuanpish cachunmi munanchij.

JOSUÉ 1:5

Moiseshuan cashca shinallatajmi canhuanpish casha. Cantaca manataj saquishachu, canmantaca manataj anchurishachu. Chaimanta tucui cambaj causaipi canhuanca pi mana ch'imbapura shayari tucungachu.

JOSUÉ 1:9

Riqui, ñucaca cantaca c'ari c'ari cai, ama manchaichu nishpami mandani. Ama manchanguichu, shaicurishpa ama saquiringuichu. Ñuca canta Mandaj Diosca can maita rijpipish canhuanmi casha” nircami.

JOSUÉ 3:6

Chai q'uipaca curacunatami Josueca: “Dioshuan ari ninacushca quillcata huaquichina arcata apashpa, israelcunata ñaupashpa richij” nijpi curacunaca chai arcata apashpa israelcunata ñaupashpa rircacuna.

JOSUÉ 3:8

Ñucahuan ari ninacushca quillcata huaquichina arcata apaj curacunataca Jordán yacu uriman chayashpaca, yacupi yaicushpa shayarichun mandai” nircami.

JOSUÉ 4:14

Chai punllapimi Mandaj Diosca, Josuetaca tucui israelcunapaj ñaupajpi jatun cashcata ricuchirca. Chaita ricushpaca, chaimantapachami tucui israelcuna Josuetaca Moisesta cazushca shinallataj, tucui paipaj causaipi cazurcacuna.