JOSUÉ 3:3 - Dios Rimashca Shimicunami

³ cashna nishpa mandarcacuna: “Levita curacunami Mandaj Dioshuan ari ninacushca quillcata huaquichina arcata apashpa ñaupangacuna. Chaita ricushpaca tucuicuna paicunata catishpa ringuichij.

JOSUÉ 3:3 Iomraidhean Croise

2 SAMUEL 6:13

Diospaj arcata apajcuna sujta tatquita purijpimi, Davidca shuj huagrata, huirayashca carnerotapish Diosman cushpa huañuchirca.

2 SAMUEL 6:3

Lomapi caj Abinadabpaj huasimanta Diospaj arcata llujshichishpaca shuj mushuj carropimi churarcacuna. Abinadabpaj Uza, Ahío shuti churicunami chai carrota maillata rina cashcata ricuchishpa pusharcacuna.

1 REYES 8:3

Israelcunata cunaj yuyajcuna ña tucuicuna chayajpica, curacunaca Diospaj arcata apangapaj japishpaca,

JEREMÍAS 33:18

Shinallataj curacunapish, levitacunapish animalcunata ñuca ñaupajpi tucuita rupachinamanta, granocunata ñucaman cushpa rupachinamanta, animalcunata punllanta ñucaman cushpa huañuchinamantaca manataj illangachu” ninmi.

NÚMEROS 10:33

Israelcunaca Mandaj Diospaj urcumanta rishpaca, quimsa punllacunatami purircacuna. Maipi carpa huasicunata shayachinata mashcashpami, quimsa punllata purishpa Mandaj Dioshuan ari ninacushca quillcata huaquichina arcata israelcunapaj puntapi apashpa ñaupashpa purircacuna.

NÚMEROS 4:15

Israelcuna shujtajman rina tucujpica Diospajlla ch'icanchishca huasita, chai ucupi tucui imalla charinacunata Aarón, paipaj churicunandij ña tucui pilluchijpica, Coatpaj huahua huahuacuna chaicunata apanaman c'uchuyachun. Ashtahuanpish Diospajlla cajtaca imata ama tuparichun. Diospajlla cajta tuparishpaca huañungami. Dioshuan tupanacuna carpa huasipi imalla cajcunata Coatpaj huahua huahuacuna apanaca chaicunami.

Mateo 16:24

Chaipimi Jesusca, paipaj yachacujcunataca cashna nirca: –Maijanpish ñucata catisha nijca, quiquin causaita ama llaquichun. Chacatashca shina llaquita apana tucushpa ñucata catichun.

Mateo 8:19

Chaimi mandashcata quillcaj c'uchuyashpaca: –Yachachij, maiman rijpipish canhuanmi risha– nijpimi,

DEUTERONOMIO 31:25

Mandaj Dioshuan ari ninacushca quillcata huaquichina arcata apaj levita curacunatami cashna mandarca:

DEUTERONOMIO 31:9

Moisesca tucui cai mandashcata quillcashpami, Mandaj Dioshuan ari ninacushca quillcata huaquichina arcata apaj levita curacunamanpish, tucui israelcunata cunaj yuyajcunamanpish curca.

JOSUÉ 3:4

Cancunaca maijanpish manaraj cai ñantaca purijcunachu canguichij. Chaimanta paicuna ñaupashpa rijpi maita rina cashcata yachanguichij. Diospaj arcata apacujcunapajmanca ama c'uchuyanguichijchu. 900 metro shina carupi catishpa ringuichij” nishpami mandarcacuna.

JOSUÉ 3:6

Chai q'uipaca curacunatami Josueca: “Dioshuan ari ninacushca quillcata huaquichina arcata apashpa, israelcunata ñaupashpa richij” nijpi curacunaca chai arcata apashpa israelcunata ñaupashpa rircacuna.

JOSUÉ 3:8

Ñucahuan ari ninacushca quillcata huaquichina arcata apaj curacunataca Jordán yacu uriman chayashpaca, yacupi yaicushpa shayarichun mandai” nircami.

JOSUÉ 4:10

Diospaj arcata apacuj curacunaca, Mandaj Dios Josueta imallata mandashca shina israelcuna chai tucuita rurangacamami yacu purina chaupipi shayacurcallacuna. Josueta Moisés imallata mandashca shinallatajmi tucuita rurarcacuna. Tucui israelcunami chai Jordán yacutaca utca ch'imbarcacuna.

JOSUÉ 6:6

Chaimi Nunpaj churi Josueca, curacunata cayashpaca: “Cancunaca Dioshuan ari ninacushca quillcata huaquichina arcata apaichij. Cancunapuramanta canchis curacunaca carneropaj gachu bocinacunata apashpa, chai arcata apashcacunata ñaupashpa ringuichij” nirca.

Apocalipsis 14:4

Chai cantajcunaca, huarmicunapi mana mapayashca chuyacunami. Paicunaca Oveja maita rishcata catijcunami. Paicunaca cai pachapi causajcunapaj chaupimanta randishpa quishpichishcacunami carca. Diospajpish, Ovejapajpish punta p'ucushca grano shinami.

1 SAMUEL 6:15

Levitacunami Mandaj Diospaj arcatapish, curimanta rurashcacunahuan caj arca chai c'uchupi cajtapish uriyachishpa chai rumi jahuapi churarcacuna. Chai punllaca Bet-semes pueblopi causajcunaca Mandaj Diosman cushpami tucui rupachircacuna. Sacrificiocunatapish curcacunami.