JOSUÉ 3:16 - Dios Rimashca Shimicunami

¹⁶ Chaimi janajmanta shamucuj yacuca Saretán pueblo c'uchupi caj Adam shuti pueblomanta carupi jarcarirca. Israelcuna ch'imbacushcamanta uriman ricuj yacupish, Arabá shuti pambapi caj Cachisapa Cuchacamami chaquirca. Chai yacu chashna chaquijpimi, tucui israelcuna Jericó pueblo derechota ch'imbarcacuna.

JOSUÉ 3:16 Iomraidhean Croise

GÉNESIS 14:3

Tucui chai mandajcunami Sidim pugru pambapi tandanacurca. Chai pugruca cunanca Cachisapa Cuchami.

1 REYES 4:12

Ahiludpaj churi Baanataca Taanac llajtata, Meguido llajtata, Bet-seanpi caj tucui llajtacunata mandachunmi churarca. Chai llajtacunaca Jezrelmanta ura ladoman caj Saretán llajta c'uchullapimi carca. Bet-seanmanta callarishpaca Abelmeholacama caishuj ladoman caj Jocmeamcamami carca.

1 REYES 7:46

Tucui chaicunataca jatun mandajca Jordán yacu pambapi tiyaj Sucot pueblohuan Saretán pueblohuan chaupipi caj arcilla allpatami rurachirca.

SALMOS 114:3

Mama cuchapish israelcunata ricushpaca, callpashpami anchurirca. Jordán yacupish huashamanmi tigrarca.

SALMOS 114:5

Mama cuchalla, ¿ima tucushpataj miticushpa callparcanguiyari? Jordán yaculla, ¿ima tucushpataj huashaman tigrarcanguiyari?

SALMOS 29:10

Mandaj Diosca yacu juilluta mandajmi. Mandaj Diosca huiñaita mandashpami paipaj mandanapi tiyacun.

SALMOS 33:7

Paimi mama cucha yacutapish montonashpa charin. Ucujman huaquichinacunapi churashpami charin.

SALMOS 66:6

Mama cuchaca chaquishca allpamanmi tigrarca. Jatun yacu chaupitaca chaquillahuanmi ch'imbarcacuna. Chaimantami Taita Diospi cushicunchij.

SALMOS 74:15

Pugyucunatapish, purij yacucunatapish quiquinmari llujshichircangui. Mana chaquiripaj jatun yacutapish chaquichircanguimari.

SALMOS 77:19

Mama cucha chaupitami quiquinpaj ñanta surcurcangui. Jatun yacu chaupitami quiquin purinata rurarcangui. Chaimi quiquinpaj chaqui sarushcatapish pi mana ricui tucurca.

SALMOS 78:13

Mama cuchatami ishquipi chaupirca. Chaitami paicunataca ch'imbachirca. Yacutaca patacunata shinami rurarca.

ÉXODO 14:21

Moisesca jatun cucha jahuatami paipaj maquita chutarca. Mandaj Diosca tucui tutami inti llujshin lado sinchi huairata cacharca. Chai huaira tucui tuta p'ucujpimi, jatun cucha yacuca ishquipi chaupirirca. Chai cucha yacu cada ladoman chaupirijpimi chaquishca allpa tucurca.

ÉXODO 14:22

Chaupi yacuca lluqui ladoman, chaupica alli ladoman jatun patacuna shina tucujpimi, chaupi mama cuchata chaquishca allpata ch'imbangapaj israelcunaca yaicurcacuna.

ÉXODO 14:29

Ashtahuanpish israelcunaca chai yacu alli ladomanpish lluqui ladomanpish pata shina tucushcatami, chaupi cuchata chaquishca allpata rircallacuna.

ÉXODO 15:8

Can p'ucujpica yacucunaca patami tucurca. Volacuj yacupish patami tucurca. Ucujta yacuca patami tucurca.

ISAÍAS 50:2

Ñuca shamushpaca pita mana japircanichu. Huasiyuj nijpipish pi mana uyarircachu. ¿Ñuca maquica uchijllachari cancunata mana cacharichi tucungapajca? Cancunata quishpichingapajca ¿manachari poderta chariniyari? Riqui, ñucaca rimashcallahuanmi mama cucha yacutapish chaquichini. Jatun yacucunatapish shitashca pambatami rurani. Chaipi causaj chalhuacunapish yacu illashcamanta yacunaihuan huañushpa ismunmi.

EZEQUIEL 47:8

Chaimantaca ñucataca cashnami nirca: Cai jatun yacucunaca, inti llujshin llajtamantami callpacun. Arabá pambaman uriyashpaca, jatun cuchamanmi yaicunga, mama cucha yacuca mishqui yacumi tucunga.

NAHUM 1:4

Paica mama cucha yacutapish, jatun yacucunatapish chaquichinllami. Basán llajtatapish, Carmelo urcutapish, Libanopi tiyaj sumajcunatapish chingachircami.

HABACUC 3:8

Mandaj Dioslla, ¿canca jatun yacucunahuanchu p'iñaringui imatagari? ¿Canca jatun yacucunahuanchu p'iñarircangui? ¿Canca cambaj caballocunapi, cambaj mishana carretacunapi tiyarishpachu jatun mama cucha yacuta ch'imbarcangui?

NÚMEROS 34:3

Ura ladotaca, Zin nishca shitashca pambamanta callarishpaca, Edom llajtapaj lindecunacama. Inti llujshin ladotaca Cachisapa Cucha c'uchuta catishpa,

DEUTERONOMIO 1:1

Jordán yacumanta inti llujshin ladoman caj Arabá shuti shitashca pambapi Moisés cashpaca cai shimicunatami tucui israelcunaman rimarca. Chai pambaca Puca Cucha ch'imbapurapimi. Chai pamba muyundijpica Parán, Tofel, Labán, Hazerot, Dizahab shuti pueblocunami.

DEUTERONOMIO 3:17

Inti llujshinman caj Arabá llajtatapish inti llujshinman caj Pisga llajtatapishmi curcani. Chai llajtapaj lindeca Jordán yacuhuan Cineret llajtaman rin ladota rishpa cachisapa cuchacamami.

JOSUÉ 12:3

Inti llujshin ladoman caj Arabá pambatapish, Cineret mama cuchacama, chaimantaca ura ladotaca Cachisapa cuchacama, Bet-jesimot ñan ura chaqui quinritaca ashtahuan urata Pisga shuti urcu chaqui quinricamami paillataj mandacurca.

JOSUÉ 15:2

Ura ladotaca Cachisapa Cucha urimanta callarishpa,

JOSUÉ 16:7

Janoamantaca Atarot, Naarat pueblocunata uri rishpami Jericohuan tupanacushpa, Jordán yacuman llujshin.

JOSUÉ 3:13

Tucui cai pachata Mandaj Jatun Dioshuan ari ninacushca quillcata huaquichina arcata apacuj curacunapaj chaquicuna Jordán yacuman yaicujpica, chai yacuca chaupirishpa pata shina tucungallami. Chaimi janajmanta shamucuj yacuca jarcarishpa, mana ashtahuan shamunga” nircami.

JOSUÉ 4:22

Jordán jatun yacu chaupirijpi, tucui israelcuna chaquishca allpata ch'imbashcata ricuchijmi nishpa huillanguichij nircami.

JOSUÉ 5:1

Jordán jatun yacumanta inti huashicun ladoman causaj amorreocunata jatun mandajcunapish, mama cucha c'uchuman causaj cananeocunata jatun mandajcunapish, Jordán jatun yacuta israelcuna tucui ch'imbangacama Mandaj Dios chaquichishpa ch'imbachishcatami yachaj chayarcacuna. Chaimi yallitaj manchashpa israelcunahuan, macanacunataca manataj yuyarcacuna.

JUECES 7:22

300 israelcunaca trompetacunapi tocacujpi Mandaj Dios mandianitacunataca tucuicunata paicunapurallatataj caishujhuan chaishujhuan macanacuchijpimi, paicunapurallataj macanacurcacuna. Chaimantami madianitacunapaj tucui soldadocunaca Zerera pueblo ch'imbanij Bet-sita pueblocama, Tabatpi caj Abel-mehola pueblopaj lindecama callpashpa miticugrircacuna.