JOSUÉ 3:10 - Dios Rimashca Shimicunami

¹⁰ Josueca cashnapish nircami: “Cancunaca caita ricushpami causaj Dios cancunahuan cashpa, chai Canaán llajtapi causacuj heteocunata, heveocunata, ferezeocunata, gergeseocunata, amorreocunata, jebuseocunata cancunapaj ñaupajmanta llujshichishpa cachanataj cashcata yachanguichij.

JOSUÉ 3:10 Iomraidhean Croise

GÉNESIS 15:21

amorreocunapaj, cananeocunapaj, gergeseocunapaj, jebuseocunapaj llajtacunatami cusha– nircami.

1 REYES 22:28

Shina nijpipish Micaiasca: “Macanacuita mishashpa alli can tigramushpaca, ñucaca Mandaj Dios manapish chashna huillachijpi chashna huillashcata yachangui” nircami. Chashna nishcahuanmi: “Tucuicunami cai nishcataca uyanguichij” nirca.

2 REYES 19:4

Rabsaces nishca mandaj tucui imalla nishcacunata Mandaj cambaj Taita Dios uyashpa paicunahuan p'iñaringapishchari. Paitaca Asiria llajtata jatun mandaj paipaj amomi causaj Diosta p'iñashpa c'amichun cachashca. Mandaj cambaj Dios chaita ña uyashcami. Mana huañushpa puchushca caipi caj israelcunamanta Diosta mañapai ninmi” nichunmi cacharca.

1 CRÓNICAS 1:14

Canaanpaj huahua huahuacunaca: Jebuseo, amorreo, gergeseo,

SALMOS 42:2

Ñuca almaca Taita Diostami yacunachin. Causaj Diostami yacunachin. ¿Ima horataj Taita Diospaj ñaupajpica, ñahui ñahui ricurigrishari?

SALMOS 9:16

Mandaj Diosca paicunataca paicuna ima shina cashcatataj ricuchishpami llaquichin. Chashnami paica Diostaj cashcata ricuchin. Millaicunaca shujtajcunata urmachingapaj paicunapaj maquihuan churashcallapitajmi urmancuna. Higaión. Selah

ÉXODO 17:7

¿Mandaj Diosca ñucanchijhuanchu, manachu ñucanchijhuan? nishpa israelcuna Mandaj Diosta p'iñachishcamantami chai pambataca Masah shutita, Meriba shutita shutichirca.

ÉXODO 3:8

Chaimi egipciocunapaj maquimanta cacharichingapaj uriyamurcani. Chai llajtamanta llujshichishpaca cananeocuna, heteocuna, amorreocuna, ferezeocuna, heveocuna, jebuseocuna causan lechepish, sacha chuspipaj mishquipish yacu llujshicuj shina tiyan shuj jatun sumaj llajtamanmi pushagrini.

ÉXODO 33:2

Canta ñaupashpa richunca angeltami cachasha. Chai llajtamantaca cananeocunata, amorreocunata, heteocunata, ferezeocunata, heveocunata, jebuseocunatapishmi llujshichishpa cachasha.

ISAÍAS 7:14

Chaimanta Jatun Diosllatajmi, cancunamanca shuj ricuchinata ricuchigrin: C'arita manaraj rijsij shuj huarmimi chichunga. Paica shuj c'ari huahuatami huachanga. Chai huahuataca Emanuel shutitami shutichinga.

JEREMÍAS 10:10

Ashtahuanpish Mandaj Diosca Diostajmari. Paica huiñaita Jatun Mandajmi, causaj Diosmari. Pai p'iñarijpica, allpapish chujchunmi, llajtacunapi causajcunapish mana causai tucunchu.

OSEAS 1:10

Shina cashpapish, israelcunaca mama cuchapi tiyaj t'iyu allpa shinami canga. Pi mana medi tucuipaj, pi mana yupai tucuipajmi canga. Maipimi: “Cancunaca ña mana ñuca agllashcacunachu canguichij” nirca, chaillapitajmi: “Causaj Taita Diospaj huahuacunami canguichij” ninga.

NÚMEROS 13:29

Neguev pueblopica amaleccunami causaj cashca. Urcupi caj llajtacunapica heteocuna, jebuseocuna, amorreocunami causaj cashca. Mama cucha c'uchu llajtacunapi, Jordán yacu uripi caj llajtacunapica cananeocunami causaj cashca– nircami.

Mateo 16:16

Simón Pedroca: –Canca causaj Diospaj Churi, Cristomari cangui– nirca.

Juan 6:69

Ñucanchijca cantaca causaj Taita Diospaj Churi cashcatami crinchij. Cristo cashcatapish yachanchijmi– nirca.

DEUTERONOMIO 31:17

Chai punllacunapica nina sindirij shina paicunahuan ñuca yallitaj p'iñarishpami, paicunata shitashpa manataj tigrashpa ricusha. Paicunapaj jahuaman achca llaquicuna, mana allicuna shamushpami paicunataca tucuchinga. Chai punllapimi paicunaca: 'Ñucanchij Dios ña mana ñucanchijhuan cajpimari, cai tucui llaquicunaca ñucanchij jahuaman shamushca' ningacuna.

DEUTERONOMIO 5:26

Huañujlla runaca ¿pitaj nina rupacuj chaupimanta causaj Dios rimashcata uyashpa ñucanchij shina mana huañushpa causacujrajca tiyangari?

DEUTERONOMIO 7:1

Mandaj Dios cancunapaj Taita Diosca cancunaman cugrin llajtaman cancunata yaicuchishpaca heteocunata, gergeseocunata, amorreocunata, cananeocunata, ferezeocunata, heveocunata, jebuseocunata cancunapaj ñaupajmanta llujshichishpa cachashpami chai achca llajtacunataca cancunaman cunga. Chai canchis llajtacunaca ashtahuan jatun llajtacunami. Cancunata yalli c'ari c'aricunami.

DEUTERONOMIO 7:21

Paicunataca ama manchaichijchu. Mandaj Dios cancunapaj Taita Diosca cancunapaj chaupipimi. Paica manchana jatun Taita Diosmi.

1 Tesalonicenses 1:9

Causaj Taita Diospajtataj rurangapajmi, rurashcalla dioscunamanta anchurishpa, Taita Diosman tigrarishcatapish, ñucanchijta ima shina chasquishcatapish paicunallataj parlancuna.

Hebreos 10:31

¡Causaj Diospaj maquipi urmanaca, mancharina jatun llaquimari!

JOSUÉ 11:3

inti llujshin ladoman, inti huashicun ladoman causaj cananeocunata jatun mandajcunaman, urcucunapi causaj amorreocunata, heteocunata, ferezeocunata, jebuseocunata jatun mandajcunaman, Mizpa llajtapi caj Hermón urcu chaquipi causaj heveocunata jatun mandajmanpishmi tucuicuna tandanacushunchij nishpa huillaj cacharca.

JOSUÉ 12:8

Chai allpacunaca Arabá pambacuna, urcucuna, pugru pambacuna, Neguev llajta, chai muyundij shitashca pambacuna, quinri allpacunapishmi carca. Chai llajtacunapica heteocuna, amorreocuna, cananeocuna, ferezeocuna, heveocuna, jebuseocunami causaj carca.

JOSUÉ 21:45

Mandaj Diosca israelcunamanca, imalla allicunata cusha nishcacunataca, shujllatapish mana saquishpami tucuita pajtachirca.

JOSUÉ 22:31

Chaimi Eleazar curapaj churi Fineesca Rubén aillupaj, Gad aillupaj, Manasés aillupaj huahuacunataca: –Cancunaca Mandaj Diosmanta caruyana yuyaihuanca mana chashna rurashcanguichijchu. Chaimanta Mandaj Dios ñucanchijhuan cashcatami yachanchij. Chashna cajpimi tucui israelcunataca mana llaquichinga– nircami.

JOSUÉ 24:11

Shinallataj Jordán jatun yacuta cancuna ch'imbashpaca, Jericomanmi chayamurcanguichij. Jericopi causaj amorreocuna, ferezeocuna, cananeocuna, heteocuna, gergeseocuna, heveocuna, jebuseocunaca cancunahuanmi macanacurcacuna. Paicunataca ñucami cancunapaj maquipi churarcani ninmi.

JOSUÉ 3:9

Shina nijpimi Josueca, israelcunataca cashna mandarca: “Shamuichij, cancunata Mandaj Dios imallata rimashcata uyanguichij” nirca.

JOSUÉ 9:1

Jordanmanta cai ladoman caj llajtacunapica, urcucunapi caj llajtacunapipish, pambacunapi caj llajtacunapipish, mama cucha c'uchupi caj llajtacunapipish Libanocamami Heteocunapish, amorreocunapish, cananeocunapish, ferezeocunapish, heveocunapish, jebuseocunapish causancuna. Chai llajtacunata jatun mandajcunami israelcuna Jericó pueblota, Hai pueblota imallata rurashcata yachaj chayashpaca tucuicuna tandanacushpa,

1 SAMUEL 17:26

Davidca, paipaj c'uchupi cajcunataca: –Chai filisteota huañuchishpa israelcunata c'amijta anchuchijmanca ¿imatashi cunga? Circuncisionta mana rurashca filisteoca ¿paica ima cashpataj causaj Diospaj soldadocunataca c'amicun?– nircami.

1 SAMUEL 26:6

Davidca heteo Ahimelecta, Joabpaj huauqui Sarviapaj churi Abisaitaca: –Carpa huasicunata shayachishpa Saúl maipi canmanca ¿maijantaj ñucahuan uriyashun ninguichij?– nijpi Abisaica: –Ñuca canhuan uriyasha– nirca.