JOSUÉ 24:2 - Dios Rimashca Shimicunami

² Chaipimi Josueca, tucui israelcunataca: –Israelcunata Mandaj Diosca cashnami nin: Cancunapaj ñaupa yayacunaca Éufrates jatun yacu ch'imbanij llajtapimi manapish dioscunata adorashpa causarcacuna. Paica Abrahampaj Nacorpaj yaya Taré shutimi carca.

JOSUÉ 24:2 Iomraidhean Croise

GÉNESIS 11:22

Serugca quimsa chunga huatayuj cashpami, Nacor churita charirca.

GÉNESIS 11:24

Nacorca ishqui chunga iscun huatayuj cashpami, Taré churita charirca.

GÉNESIS 11:26

Tareca canchis chunga huatayuj cashpami, Abram, Nacor, Harán shuti churicunata charirca.

GÉNESIS 11:27

Tarepaj huahua huahua callari yayacunaca caicunami: Tareca Abram, Nacor, Harán churicunatami charirca. Haranca Lot churitami charirca.

GÉNESIS 31:19

Labanca paipaj ovejacunata rutunaman rishca cajpimi, Raquelca paipaj yayapaj dioscunata shuhuashpa rirca.

GÉNESIS 31:30

Cambaj yayapaj huasiman tigranata munashcamanta tigracushpapish ¿ima nishpataj ñuca dioscunata shuhuamurcangui?– nirca.

GÉNESIS 31:32

Caipi cajcuna maijanpish cambaj dioscunata charicujta can japijpica chaica huañungatajmi. Ñucapaj cajcunapi mashcashpa cambaj imalla cajcunata japishpaca, ñucanchij familiacunapaj ñaupajpi ricuchishpa apailla– nircami. Jacobca Raquel paipaj yayapaj dioscunata shuhuamushcataca manataj yachashcamantami chashna nirca.

GÉNESIS 31:53

Ñucanchij chashnataj rurashunmi ninacushcataca cambaj abuelo Abrahampajpish, ñuca abuelo Nacorpajpish Taita Diosllataj chaitataj pajtachina yuyaita cushca cachun– nircami. Shina nijpimi Jacobca, paipaj yaya Isaac cazushpa manchana Taita Diospaj shutipi chashnataj pajtachinata ari nirca.

GÉNESIS 35:4

Chaimi paicunaca rurashcalla shujtaj dioscunatapish, rinrinpi aparishca zarcillocunatapish Jacobman tucuita curcacuna. Jacobca paicuna cushcacunataca, Siquem pambapi caj encina yura ucupimi pambashpa pacarca.

1 CRÓNICAS 1:27

Tarepaj churica Abrahammi carca. Paillatajmi Abraham shutipish carca.

ISAÍAS 51:2

Cancunapaj yaya Abrahamta yuyarichigari. Cancunata huachaj Sarata yuyarichigari. Manaraj shuj huahuallatapish charijpi cayashpami, alli nishpa paimantaca achca huahua huahuacunata mirachircani.

EZEQUIEL 16:3

Cashna ningui: Mandaj Jatun Diosca Jerusalentaca cashnami nin: Can huacharishpa causanaca Canaán llajtami, cambaj yayaca amorreopurami carca. Cambaj mamaca heteocunapurami carca.

Lucas 3:34

Judaca, Jacobpaj churimi carca. Jacobca, Isaacpaj churimi carca. Isaacca, Abrahampaj churimi carca. Abrahamca, Tarepaj churimi carca. Tareca, Nacorpaj churimi carca.

DEUTERONOMIO 26:5

Chaipica, Mandaj Dios cancunapaj Taita Diospaj ñaupajpi cashna ninguichij: Ñucanchij ñaupa yayaca arameo maiman chayanata mana yachashpa chingarinalla puricushpami, paica Egipto llajtaman uriyashpa ashalla runacunahuan chaipi causarca. Chaipimi achcata mirarishpa c'ari c'ari yallitaj achca jatun mama llajta tucurca.

JOSUÉ 24:15

Mandaj Diospajta rurashpa causana mana alli yuyachijpica, cunanllataj maijan diospajta rurasha nishpapish alli yuyaringuichij. Cancunapaj ñaupa yayacuna, Éufrates jatun yacu uripi caj llajtapi causacushpa shujtaj dioscunapajta rurashca shina rurasha nishpapish, mana cashpaca cunan cancuna causacun cai llajtapi causaj amorreocunapaj dioscunapajta rurashun nishpapish alli yuyaringuichij. Ashtahuanpish ñucapish, ñuca huasi familiapish Mandaj Diospajtami rurashun– nircami.