JOSUÉ 21:2 - Dios Rimashca Shimicunami

² Paicunaca Canaanpi caj Silo pueblopi paicuna cajpimi, chaiman shamushpa cashna nircacuna: “Mandaj Diosca Moisestaca ñucanchijmanpish causana pueblocunata, animalcunata michinapaj allpacunandij cuchunmi mandarca. Chaita ñucanchijman cupaichij” nishpami mañarcacuna.

JOSUÉ 21:2 Iomraidhean Croise

LEVÍTICO 25:32

Levitacunapaj pueblocunapica paicuna c'atushca huasicunataca paicunapaj huasicuna cashcamanta, ima horapish tigrachi tucunllami.

Mateo 10:10

Ñanpi micunapaj cucayutapish ama apanguichij. Camizatapish, pargatetapish shujtajtaca ama apanguichij. Taunatapish ama apanguichij. Imata rurajpish chaipi rurashcamantami micunata charin.

Gálatas 6:6

Diospaj Shimita maijanpish yachacujca, paita yachachijman tucui imalla charishcamanta cuchun.

JOSUÉ 14:5

Mandaj Dios Moisesta mandashca shinallatajmi israelcunaca allpacunataca chaupircacuna.

JOSUÉ 18:1

Israelcunaca tucuicunata mishashpa llajtata japishca q'uipaca, Silo pueblopi tucuicuna tandanacushpami, Mandaj Dioshuan tupangapaj tandanacuna carpa huasita shayachircacuna.

JOSUÉ 21:3

Israelcunaca paicuna japishca pueblocunatami, Leví aillumanca Mandaj Dios mandashca shinallataj pueblocunandij, michinapaj muyundij allpacunandij caicunata curca.