JOSUÉ 21:1 - Dios Rimashca Shimicunami

¹ Levipaj aillu cada familiata pushajcunami, Eleazar curapajman, Nunpaj churi Josuepajman, Israel aillucunata pushajcunapajman shamurcacuna.

JOSUÉ 21:1 Iomraidhean Croise

GÉNESIS 49:7

Paicuna p'iñarishcaca yallitaj millai cashcamanta mana alli nishcami. Paicuna p'iñarishcaca yallitaj sinchimi carca. Jacobpajpurapica caipi chaipi causachunmi churasha. Israelpica urata janajtami cachasha.

ÉXODO 6:14

Paicunapaj ñaupa yayacunamanta mirarishca quiquinpurallata mandajcunaca caicunami: Yaya Israelpaj punta churi Rubenpaj churicunaca: Hanoc, Falú, Hezrón, Carmi shuticunami carca. Rubén aillumantaca chaicunami carca.

ÉXODO 6:25

Aaronpaj churi Eleazarca, Futielpaj ushushicunapuramanta shuj ushushitami paipaj huarmi cachun japirca. Chai huarmimi Finees shuti churita huacharca. Tucui chai levitacunami paicunapaj quiquin ñaupa yayacunapaj huahua huahua huasi ucupuracunata mandajcuna carca.

NÚMEROS 35:1

Mandaj Diosca Jericó ch'imbapurapi caj Jordán yacu c'uchupi caj Moab pambapi Moisesta mandashpaca cashnami nirca:

NÚMEROS 35:8

Israelcuna japishca pueblocunata levitacunaman cungapajca achca allpata japijcunapajtaca achca pueblocunata japinguichij. Ashalla allpata japijcunapajtaca ashalla pueblocunata japinguichij. Cada quiquin allpata ima shina japishca shinallataj pueblocunatapish levitacunamanca cunguichij” nircami.

JOSUÉ 14:1

Israelcunaca Canaán llajta allpacunataca caicunatami paicuna japina cashcataca japircacuna. Chai allpacunataca Eleazar curapish, Nunpaj churi Josuepish, israelcunapaj cada ñaupa yayacunapaj aillucunata pushaj yuyajcunapishmi chaupishpa curcacuna.

JOSUÉ 17:4

Chai ushushicunami Eleazar curapajman, Nunpaj churi Josuepajman, israelcunata mandajcunapajman rishpa cashna nircacuna: “Mandaj Diosca Moisestaca ñucanchij japina cashcataca caishuj c'ari huahuacunapaj huahua huahuacunaman cushcallapitaj allpacunata cuchunmi mandarca” nircacunami. Chashna nijpica Josueca, Mandaj Dios mandashca shinallatajmi, paicuna japina cashcataca paicunapaj yayapaj huauquicunaman cushca c'uchullapitaj curca.

JOSUÉ 19:51

Chai tucui llajtacunataca, Eleazar curahuan, Nunpaj churi Josuehuan, israelcunata pushajcunahuan tucushpami, Diospaj ñaupajpi sorteashpa israelcuna japina cashcataca chaupishpa curcacuna. Tucui chaicunataca Silo pueblopi Dioshuan tupangapaj tandanacuna carpa huasi pungupimi, sortearcacuna. Chashnami chai llajtacunataca tucuita chaupircacuna.