JOSUÉ 20:9 - Dios Rimashca Shimicunami

⁹ Tucui chai pueblocunataca israelcuna cashpa, mana israelcuna cashpapish manapish huañuchina yuyaihuan cashpa huañuchijcuna miticunapajmi agllarcacuna. Imamanta huañuchishcata mandajcuna tandanacushpa manaraj tapujpi, chai huañujpaj c'uchulla familia paitapish ama huañuchichunmi, chaipi miticuna carca.

JOSUÉ 20:9 Iomraidhean Croise

NÚMEROS 35:13

Levitacunaman cushca pueblocunamanta sujta pueblocunataca miticunapajmi charina canguichij.

NÚMEROS 35:15

Chai sujta pueblocunaca israelcuna cashpa, mana israelcuna cashpa, pasacujllacuna cashpapish israelcunapurapi cajcuna manapish huañuchina yuyaihuan cashpa huañuchishcamanta chaicunaman rishpa miticunapajmi canga.

JOSUÉ 20:4

Miticunata mashcashpa puricujca maijan chai puebloman chayashpaca, puebloman yaicuna pungupi caj cunaj yuyajcunapajman chayashpa imamanta miticushpa puricushcata paicunaman huillachun. Chaita alli huillajpica, cunaj yuyajcuna chai puebloman yaicuchichun. Chaipi pai causachun causanatapish cuchun.

JOSUÉ 20:6

Miticushpa puricujca, tucui chaipi causajcuna tandanacushpa tapungacama chai pueblollapitaj cachun. Shinallataj paita tapucui punllacunapi maijan curacunata jatun mandaj cashca cajpica, pai huañungacama chai pueblopi causachun. Chai q'uipaca miticushpa causacujca, paipaj quiquin llajtapi quiquin huasillapitaj causanaman tigrachunlla” nircami.

JOSUÉ 20:8

Jordán yacu ch'imba ladomanca Jericomanta, inti llujshin ladoman caj llajtacunapica, cai pueblocunatami agllarcacuna: Rubén aillupaj llajtapica, shitashca pugru pambapi caj Beser pueblota, Gad aillupaj Galaad llajtapica, Ramot pueblota, Manasés aillupaj Basán llajtapica, Golán pueblotami agllarcacuna.