JOSUÉ 2:9 - Dios Rimashca Shimicunami

⁹ –Ñucaca cai llajtataca, cancunata Mandaj Dios cancunaman cushca canatami crini. Cancunata uyashpaca, tucui ñucanchijmi achca manchaihuan canchij. Cancunata manchashcamantaca, tucui cai llajtapi causajcunamari jatun manchaihuan huañucuncuna.

JOSUÉ 2:9 Iomraidhean Croise

GÉNESIS 35:5

Paicuna Bet-elman ña ricujpimi, Taita Diosca chai muyundij llajtacunapi causajcunaman jatun manchaita cujpi Jacobtapish, paihuan caj tucuicunatapish llaquichingapajca mana catishpa rircacuna.

2 SAMUEL 17:10

Cambaj yayapish yallitaj fuerzayuj cashcata, paihuan caj runacunapish c'ari c'aricuna cashcataca tucui israelcunami yachancuna. Chaimanta leonpaj shungu shina c'ari c'ari runa cashpapish mancharishpa yuyai illaj tucushpa saquiringallacunami.

2 REYES 5:15

Chai q'uipaca paipish, paihuan tucui cajcunapish Diospaj runapajman tigrashpa paipaj ñaupajpi shayarishpami: –Shujtaj llajtacunapica maipi mana Diostajca tiyashcachu. Israel llajtallapi Diostajca tiyashcatami cunantajca yachani. Cunanca cambajta ruraj canman cungapaj apamushcacunata chasquipai– nircami.

2 REYES 7:6

Mandaj Diosmi sirio soldadocunapaj rinrinpica macanacuna carretacunapi, caballocunapi huaranga huaranga soldadocuna shamujta uyachishca carca. Chaimi chai soldadocunaca: “Israelcunata jatun mandajca, heteocunata jatun mandajcunamanpish, Egiptota jatun mandajcunamanpish cullquita cushpamari, ñucanchijhuan macanacuchun pushamushca yuyachin” ninacurcacuna.

NEHEMÍAS 6:16

Tucui chaicunata uyajcunaca ñucanchijta p'iñajcunapish, ñucanchij muyundij tucui llajtacunapish mancharishpami cumurircacuna. Tucui chaicunata rurashcata ricushpaca, paicunapaj Taita Diosmari chai tucuitaca ruran nircacunami.

ESTER 8:17

Tucui llajtacunapipish, pueblocunapipishmi jatun mandaj mandashcahuan chayajpica, judiocunaca yallitaj cushicushpa jatun micuita rurarcacuna. Shinallataj chai llajtacunapi causajcunaca, judiocunata yallitaj manchashpami, paicunapura tucurcacuna.

JOB 19:25

Ñucata Quishpichij causacushcataca yachanimi. Tucuripica, paimi cai pachapi shayaringa.

SALMOS 112:10

Millai runa chaita ricushpaca, yallitajmi p'iñaringa. Quirucunata canirishpami chingaringa. Diosta mana rijsijcunapaj munaica chingarigringami.

SALMOS 115:16

Jahua pachacunaca jahua pachapi caj Mandaj Diospajmi. Cai pachataca huañujlla runacunamanmi cushca.

ÉXODO 18:11

Paicuna imahuanmi jatun tucushpa llaquichicurca chaillahuantajmi paicunatapish llaquichishpa israelcunata cacharichirca. Cunantajca Mandaj Diosca tucui dioscunamanta yalli tucuita rurai tucuj, jatun cashcatami yachani– nircami.

ÉXODO 23:27

Mai llajtaman can yaicugrijpipish canta p'iñajcuna manchashpa cambaj ñaupajmanta miticushpa richunca ñucami manchana yuyaita paicunamanca cusha.

ECLESIASTÉS 8:12

Juchata ruraj runaca, mashna cutin millaita rurashpapish, unita causanllami. Shina cashpapish ñucaca Diospaj munaita rurajcuna, paipaj ñaupajpi cazushpa causajcunapish alli llujshina cashcatapish yachanimi.

ISAÍAS 19:1

Egipto llajta ima tucuna cashcataca cashnami huillachishca: Mandaj Diosca callpacuj p'uyupi tiyarishcami Egiptomanca yaicunga. Egiptopi tiyaj rurashcalla dioscunaca paipaj ñaupajpimi chujchungacuna. Egipciocunapish tucuicunami manchaihuan huañucungacuna.

ISAÍAS 23:5

Chai huillanata Egiptopi huillajpica, Tiro llaqui tucushcata uyashpaca chai huillashcamantaca yallitajmi nanaringacuna.

JEREMÍAS 27:5

Ñucami cai pachatapish, tucui runacunatapish, animalcunatapish, allpapi tucui imalla tiyajtapish tucuita rurai tucuj ñuca maquihuan rurarcani. Chaimantami llajtacunataca ñuca piman cusha nishpapish cunilla.

NAHUM 2:10

Chushajlla, huañucuj, llaquinayajmari saquirishca. Shungupish huañushcamari. Cunguri mucucunapish chujchucunmari, huijsatapish nanachicunmari. Ñahuicunapish quillu quillumari tucushca.

NÚMEROS 20:14

Moisesca Cades pueblopi cashpami, Edom llajtata jatun mandajhuan paipaj randi parlanacuchun huillajcunata cashna nichun cacharca: “Cambaj huauqui Israelca cashnami nin: Ñucanchij imalla llaquicunata apacushcataca canllataj yachanguimi.

NÚMEROS 20:24

“Aaronca ñaupa yayacunahuan tandanacunamanmi ña rigrin. Cancunaca yacu illan nishpa p'iñanacuipimi ñuca mandashcata mana cazurcanguichij. Chaimanta paica israelcunaman ñuca cushca llajtamanca mana yaicungachu.

Mateo 20:15

Ñucapaj cashcataca ¿manachu imatapish rurai tucuni? Ñuca alli cashpa chashna cushcamantaca ¿ima nishpataj p'iñaringui?” nircami.

DEUTERONOMIO 11:25

Cancunahuanca pi mana shayari tucungacunachu. Ashtahuanpish Mandaj Dios cancunapaj Taita Diosmi pai nishca shinallataj cancuna saruna llajtapi causajcunapica cancunata manchana yuyaita churanga.

DEUTERONOMIO 2:25

Cunanmi tucui cai pachapi causajcunapica, canta manchana, chujchuna yuyaita callarichigrini. Can ima shina ruracujta uyashpaca, cantaca manchashpa chujchucungacunami nircami.

DEUTERONOMIO 28:10

Chashna cajpimi shujtaj llajtacunapi causajcunaca Mandaj Diospaj shuti cancunapaj jahuapi cashcata ricushpa cancunataca manchangacuna.

DEUTERONOMIO 32:8

Jahua pacha Diosca gentecunata mirga mirgata rurashpa llajtacunata rurashpaca, tucuicunamanmi quiquin llajtacunata curca. Ashtahuanpish israelcunamanca mashna cashcapaj pajtatami curca.

Hebreos 11:31

Crishcamantami Rahab shuti huainayaj huarmipish, israelcuna chai llajtata pacalla ricunaman cachashca gentecunata sumajta chasquishpa pacashcamantaca chaishuj mana cazujcunahuanca mana huañurca.

JOSUÉ 2:11

Chaicunata uyashpami, cancunataca tucuicuna manchanchij. Cancunahuan macanacunataca pi mana c'ariyanchu. Cancunata Mandaj Diosca jahua pachapipish cai pachapipish caj Diosmi.

JOSUÉ 2:24

Josuemanca: “Mandaj Diosca tucui chai llajtatami ñucanchijman cushpa ñucanchij maquipi churashca. Tucui chai llajtapi causajcunami ñucanchijta manchashpa manchaihuan huañucuncuna” nircacuna.

JOSUÉ 2:8

Chai runacuna manaraj dormijpimi, huasi jahuaman paicunapajman huichiyashpa Rahab huarmica cashna nirca:

JOSUÉ 5:1

Jordán jatun yacumanta inti huashicun ladoman causaj amorreocunata jatun mandajcunapish, mama cucha c'uchuman causaj cananeocunata jatun mandajcunapish, Jordán jatun yacuta israelcuna tucui ch'imbangacama Mandaj Dios chaquichishpa ch'imbachishcatami yachaj chayarcacuna. Chaimi yallitaj manchashpa israelcunahuan, macanacunataca manataj yuyarcacuna.

JOSUÉ 6:2

Shina cajpipish Mandaj Diosca, Josuetaca cashnami nirca: “Jericopi causajcunataca paicunapaj jatun mandajtapish, paipaj soldadocunatapish cambaj maquipimi churani.

JOSUÉ 9:10

Jordán jatun yacu ch'imbanijpi caj Hesbón pueblopi causaj amorreocunata jatun mandaj Sehontapish, Basán llajtapi causaj amorreocunata jatun mandaj Ogtapish imallata rurashcatami yacharcanchij. Chai jatun mandajca Astarot pueblopimi causarca.

JOSUÉ 9:24

Chaimi paicunaca Josuemanca: –Cancunata Mandaj Diosca paipajta ruraj Moisestaca cancunamanmi cai llajtacunata cuni. Cancunaca cai llajtapi causajcunataca tucuita chingachichij nishcata cancunapajta ruraj ñucanchij yachaj chayashpami, ñucanchijta huañuchinata manchashcamanta chashna nircanchij.

JOSUÉ 9:9

Chaimi paicunaca: –Cambajta ruraj ñucanchijca yallitaj caru llajtamantami shamurcanchij. Cancunata Mandaj Diosca tucuita rurai tucuj jatun cashcata, Egiptopi imallata rurashcatami yacharcanchij.

JUECES 7:14

Chaimi paihuan caj caishuj runaca: –Chaica ima shujtajta mana nisha ningachu, israelcunapura Joaspaj churi Gedeonpaj espadatamari nisha ninga. Mandaj Diosca ñucanchij cai madianitacunatami tucui carpa huasicunandij Gedeonpaj maquipi churagringa– nircami.