JOSUÉ 2:7 - Dios Rimashca Shimicunami

⁷ Jatun mandaj cachashca soldadocunaca, Jordanman rina ñanta jatun yacuta maitami ch'imbanallacamami chai runacunata catishpa rircacuna. Paicuna chaimanta rijpimi, chai pueblomanta llujshina pungutaca huichcarcacuna.

JOSUÉ 2:7 Iomraidhean Croise

Hechos 5:23

cashna nircacuna. “Carceltaca alli huichcashcatami japircanchij. Carcelta cuidajcunapish canlla pungucuna ñaupajpimi shayacushcacuna carca. Carcel punguta pascashpaca, pita mana chai ucupica japircanchijchu” nircacunami.

JOSUÉ 2:5

Ña tucui tutayashcata cai pueblomanta llujshina punguta huichcana shinallapimari caimantaca rircacuna. Chaimantaca maitachari rircacuna mana yachanichu. Utca catishpa richij japinguichijmi– nircami.

JOSUÉ 2:6

Chai huarmica chai ishqui runacunataca, huasi jahuata pambajllata rurashcaman huichiyachishpami, lino ujsha chaupipi pacashca carca.

JOSUÉ 2:8

Chai runacuna manaraj dormijpimi, huasi jahuaman paicunapajman huichiyashpa Rahab huarmica cashna nirca:

JUECES 12:5

Galaadpi causajcunaca Jordán yacuta ch'imbanapimi, Efraín aillupura cajcuna miticushpa saquirishcacunata chapacurcacuna. Chai saquirishcapuramanta maijan shamushpa yacuta ch'imbachun saquihuaichij nijpica: “¿Efrainpaj aillupurachu cangui?” nishpami tapurcacuna. “Mana chaipurachu cani” nijpica:

JUECES 3:28

Chaipimi Aodca: “Cancunata p'iñaj moabitacunataca Mandaj Diosca cancunapaj maquipimari churashca. Ñucata catishpa jacuchijlla” nirca. Paicunaca Aodta catishpa rishpami, Jordán yacuta ch'imbanallapi junda shayarishpa, moabitacunataca shujllatapish ch'imbachun mana saquircacuna.