JOSUÉ 2:6 - Dios Rimashca Shimicunami

⁶ Chai huarmica chai ishqui runacunataca, huasi jahuata pambajllata rurashcaman huichiyachishpami, lino ujsha chaupipi pacashca carca.

JOSUÉ 2:6 Iomraidhean Croise

2 SAMUEL 11:2

Shuj punlla ña chishiyacujpimi Davidca, paipaj camamanta jatarishpa, pai mandashpa tiyana huasi jahuata pambajllata rurashcapi puricushpa, shuj huarmi armacujta ricurca. Chai huarmica sumajmi carca.

2 SAMUEL 17:19

Chai q'uipami chai huasiyuj runapaj huarmica chai pugyu jahuapi linsota tendishpa chai jahuapica trillashca granota tendijpi, chaipi ima cashcataca mana yacharcacuna.

1 REYES 18:13

Mandaj Diospaj profetacunata Jezabel huañuchicujpi, ñuca imallata rurashcataca can ñuca amomanca ¿manachari huillarcacunari? Mandaj Diospaj patsaj profetacunataca ñucamari pichca chungataca shuj jutcupi, caishuj pichca chungataca shujtaj jutcupi pacashpa, micunatapish cararcani, yacutapish curcani.

1 REYES 18:4

Mandaj Diospaj profetacunata Jezabel huarmi huañuchicujpica, Abdiasca patsaj profetacunata japishpami pichca chungataca shuj jutcupi, caishuj pichca chungataca shujtaj jutcupi pacashpa, micunatapish cararca. Yacutapish curca.

2 REYES 11:2

Chaimi jatun mandaj Jorampaj ushushi Ocoziaspaj pani Josabaca jatun mandajpaj caishuj churicunata Atalía huañuchicujpi Ocoziaspaj churi Joastaca pacalla llujshichirca. Huahuata huiñachicuj huarmindij dormina ucupi pacajpimi paicunataca mana huañuchirca.

ÉXODO 2:2

Chai huarmi chichushpaca, shuj c'ari huahuatami huacharca. Chai huahuataca sumaj cajta ricushpami, quimsa quillacama pacashpa charirca.

JEREMÍAS 36:26

Shinallataj quillcaj Baructapish, Dios ima nishcata huillaj Jeremiastapish japichunmi, jatun mandajca Hamelecpaj churi Jerameelhuan, Azrielpaj churi Seraiashuan, Abdeelpaj churi Selemiashuan cacharca. Jeremiastapish, Baructapish Mandaj Dios pacashcamantami mana japircacuna.

Mateo 24:17

Huasi jahuapi cajpish, ima charishcata apanaman ama yaicuchun.

DEUTERONOMIO 22:8

Terrasayuj huasita rurashpaca chai muyundijta pircanguichij. Chashna rurashpami maijan chai jahuamanta urmashpa huañujpica, cancunapaj huasi ucupuracunataca mana juchachishca canguichij.

Colosenses 3:3

Cristohuan huañushcami carcanguichij. Cancunapaj causaica, Cristohuanmi Diospi pacashca tiyacun.

Hebreos 11:23

Crishcamantami Moisespaj yaya mamapish pai huacharijpica, quimsa quillacama pacashpa charirca. Paicunaca sumaj huahua cashcata ricushpami, chai llajtata jatun mandaj huañuchichun mandashcatapish mana mancharca.

Santiago 2:25

¿Manachu huainayashpa causaj Rahab huarmipish, ricunaman rijcunata chasquishpa, shujtaj ñanta cachashcamanta justificashca carca?

JOSUÉ 2:5

Ña tucui tutayashcata cai pueblomanta llujshina punguta huichcana shinallapimari caimantaca rircacuna. Chaimantaca maitachari rircacuna mana yachanichu. Utca catishpa richij japinguichijmi– nircami.

JOSUÉ 2:7

Jatun mandaj cachashca soldadocunaca, Jordanman rina ñanta jatun yacuta maitami ch'imbanallacamami chai runacunata catishpa rircacuna. Paicuna chaimanta rijpimi, chai pueblomanta llujshina pungutaca huichcarcacuna.

JOSUÉ 2:8

Chai runacuna manaraj dormijpimi, huasi jahuaman paicunapajman huichiyashpa Rahab huarmica cashna nirca:

JOSUÉ 6:25

Rahab huarmica Jericó pueblota purij shinalla ricushpa tigrachun, Josué cachashcacunatami ama huañuchichun pacarca. Chaimantami Josueca Rahab huarmitaca, paipaj huasi ucupuracunandijllata mana huañuchirca. Rahab huarmica, cunan punllacunacamami israelcunapurapi causacun.