JOSUÉ 2:5 - Dios Rimashca Shimicunami

⁵ Ña tucui tutayashcata cai pueblomanta llujshina punguta huichcana shinallapimari caimantaca rircacuna. Chaimantaca maitachari rircacuna mana yachanichu. Utca catishpa richij japinguichijmi– nircami.

JOSUÉ 2:5 Iomraidhean Croise

NEHEMÍAS 13:19

Chaimantami Jerusalén pungucunataca samana punlla callaringapaj tutayacuita huichcashpaca cayandij chishi samana punlla tucuringacama ama pascachun nircani. Samana punllapi cargacunata pi ama yaicuchichunca ñucapajta rurajcunatami Jerusalén pungucunapi cuidachun churarcani.

ISAÍAS 60:11

Cambaj pueblo pungucunaca tutapish punllapish mana huichcashca pascashcami canga. Shujtaj llajtacuna paicuna charishcacunata cambajman apamuchunmi chashna canga. Paicunata jatun mandajcunatapishmi cambajman pushamunga.

JEREMÍAS 50:20

Ñucallataj mana causaita quichushpa saquishca israelcunataca, tucui juchacunatami perdonasha. Chaimantami chai punllacunapi, chai huatacunapica israelcunapish, Judá runacunapish ima juchachina illaj cangacuna. Mashcajpipish paicunapica, ima jucha mana japi tucungachu” ninmi Mandaj Diosca.

EZEQUIEL 47:12

Cai yacu ishqui lado uripipish, tucui laya frutacunata p'ucuj yuracunami huiñanga. Chai yura p'angacunaca manataj urmangachu, micunapish manataj illangachu. Diospaj huasimanta yacu llujshicushcamantami, chai yuracunaca p'ucuna punllacunami micuna frutacunata p'ucungalla, p'angacunapish jambimi canga.

JOSUÉ 2:4

Chai huarmica, chai ishqui runacunata pacashpaca: –Picuna cashpaca ñuca huasimanca shamunataca shamurcatajmari. Paicuna maimanta cashcataca mana yachashcanichu.

JOSUÉ 2:6

Chai huarmica chai ishqui runacunataca, huasi jahuata pambajllata rurashcaman huichiyachishpami, lino ujsha chaupipi pacashca carca.

JOSUÉ 2:7

Jatun mandaj cachashca soldadocunaca, Jordanman rina ñanta jatun yacuta maitami ch'imbanallacamami chai runacunata catishpa rircacuna. Paicuna chaimanta rijpimi, chai pueblomanta llujshina pungutaca huichcarcacuna.

Apocalipsis 21:25

Chaipica tuta mana tiyashcamanta, punllalla cashcamantami pungucunataca manataj huichcashca canga.

1 SAMUEL 19:14

Huillashpa purijcunata Davidta japinaman Saúl cachashcacuna chayajpica Micalca: –Davidca ungushcamari– nircami.