JOSUÉ 2:4 - Dios Rimashca Shimicunami

⁴ Chai huarmica, chai ishqui runacunata pacashpaca: –Picuna cashpaca ñuca huasimanca shamunataca shamurcatajmari. Paicuna maimanta cashcataca mana yachashcanichu.

JOSUÉ 2:4 Iomraidhean Croise

2 REYES 6:19

Chashna cajpimi Eliseoca paicunataca: –Cai ñanca mana cancuna ricushcaman rina ñanchu. Cai pueblopish mana cancuna chayagrisha nicushca pueblochu. Ñucata catichij, ñucami cancuna mashcacushca runapajman pushasha– nishpami, Samaria puebloman pusharca.

ÉXODO 1:19

Partera huarmicunaca faraontaca: –Hebrea huarmicunaca mana egipcia huarmicuna shinachu. Ashtahuanpish paicunaca alli sinchi huarmicuna cashcamanta, partera manaraj paicunapajman chayajpimari huachanllacuna– nircacunami.

Santiago 2:25

¿Manachu huainayashpa causaj Rahab huarmipish, ricunaman rijcunata chasquishpa, shujtaj ñanta cachashcamanta justificashca carca?

JOSUÉ 2:3

Chaimi Jericota jatun mandajca Rahab huarmipajman rishpa: –Cunan tuta cambaj huasiman chayamuj runacunata canllaman llujshichi. Paicunaca cai pueblo ima shina cashcata purij shinalla ricunaman shamujcunamari cashca– nigrichunmi chai huarmipajman cacharca.

JOSUÉ 2:5

Ña tucui tutayashcata cai pueblomanta llujshina punguta huichcana shinallapimari caimantaca rircacuna. Chaimantaca maitachari rircacuna mana yachanichu. Utca catishpa richij japinguichijmi– nircami.

JOSUÉ 6:17

Chai pueblopi causajcunataca, tucui chaipi imalla tiyajcunandij tucuita chingachinapaj ch'icanchishcami. Chaimanta tucui chai pueblotaca chingachinguichij nishpami, Mandaj Diosca mandarca. Chaimanta cunanca purij shinalla ricushpa tigrachun ñucanchij cachashcacunata ama imata rurachun pacaj huainayashcahuan causaj Rahab huarmillatami mana huañuchina canchij. Paipaj huasipi miticushpa tiyacujcunatapish mana huañuchinachu canchij.

JOSUÉ 6:25

Rahab huarmica Jericó pueblota purij shinalla ricushpa tigrachun, Josué cachashcacunatami ama huañuchichun pacarca. Chaimantami Josueca Rahab huarmitaca, paipaj huasi ucupuracunandijllata mana huañuchirca. Rahab huarmica, cunan punllacunacamami israelcunapurapi causacun.