JOSUÉ 2:23 - Dios Rimashca Shimicunami

²³ Chai q'uipami chai ishqui runacunaca urcumanta uriyashpa, Jordán jatun yacuta ch'imbashpa Nunpaj churi Josuepajman shamurcacuna. Paipajman ña chayashpaca, paicuna imalla tucushcata tucuita parlashpami,

JOSUÉ 2:23 Iomraidhean Croise

JOSUÉ 2:22

Paicuna chaimanta rishpa urcuman chayashpaca, paicunata mashcacujcuna puebloman tigrangacamami quimsa punllata chaipi saquirircacuna. Paicunata mashcacujcunaca tucui ñanta mashcashpapish manataj japircacunachu.

JOSUÉ 2:24

Josuemanca: “Mandaj Diosca tucui chai llajtatami ñucanchijman cushpa ñucanchij maquipi churashca. Tucui chai llajtapi causajcunami ñucanchijta manchashpa manchaihuan huañucuncuna” nircacuna.

JUECES 18:10

Ña rishpaca ima tucunata mana yuyashpa causacujcunapajman achca allpacuna tiyan llajtamanmi chayanguichij. Tucui imapish tiyaj ima mana illaj llajtataca Diosca ñucanchij maquipimari churashca– nircacunami.

JUECES 18:9

–Jatarichij, paicunahuan macanacungapaj huichi rishunchij. Mana imata rurashpa ama tiyacuichijllachu. Ama q'uilla caichijchu. Chai llajtata quichushpa ñucanchijpajtaj cachun japingapaj jacuchij. Chai llajtaca sumajmari cashca.