JOSUÉ 2:18 - Dios Rimashca Shimicunami

¹⁸ Ñucanchij ña cai llajtaman yaicumujpica, canca ñucanchijta canllaman uriyachishca cai puca huascatami ventanapi huarcuna cangui. Cambaj yaya mamatapish, turicunatapish, cambaj yayapaj familiacunataca tucuicunata cambaj huasipi tandachingui.

JOSUÉ 2:18 Iomraidhean Croise

GÉNESIS 12:2

Canmantaca shuj jatun llajtatami rurasha. Cambaj shutitaca alli nishca cachun, jatun nishca cachunmi churasha. Canmantami tucui shujtajcunapish alli nishca cangacuna.

GÉNESIS 7:1

Mandaj Diosca Noetaca cashnami nirca: “Cai punllacunapi causajcunapurapica, canllatami ñuca ñaupajpi cashcata ruraj cashcata ricuni. Chaimanta canpish, cambaj tucui familiacunapish jatun huambuj huasiman yaicuichij.

ESTER 8:6

Tucui ñuca llajtapuracunatapish, ñuca quiquin huasi ucupuracunatapish huañuchichunca, maitataj ricucushallari. Tucui ñucanchij jahuapi cai jatun llaqui shamujta yachashca jahuaca, maitataj upalla cashari– nircami.

ÉXODO 12:13

Chai yahuarca israelcuna mai huasipi cashcata ricuchijmi canga. Chai yahuarta ricushpami cancunapaj huasi ñaupajtaca pasashpa rishalla. Chashnami egipciocunata huañuchishpa llaquichicujpica cancunapurapica huañui llaquica mana tiyanga.

CANTARES 4:3

Cambaj shimica, pucajlla puchca shinami. Cambaj rimaipish, rijsinajllamari. Cambaj quijaduscunapish, ch'ungullishca ucupica, chaupishca granada shinami ricurin.

LEVÍTICO 14:4

curami ima mapa illajllata ruranapajca ima mapa illaj ishqui pajarocunata, cedro caspita, shuj puca linsota, hisopo p'angatapish apamuchun mandanga.

NÚMEROS 19:6

Chai q'uipaca curallataj cedro caspita, hisopo ramata, puca linsota japishpa, vaca rupashpa lunyacuj chaupipi shitachun.

NÚMEROS 4:8

Chai jahuataca, amsa puca linsohuan pilluchishpa, tejoncunapaj cara tapahuan tapachichun. Chai q'uipaca, mezata apana caspicunata churachichun.

Lucas 19:9

Chaimi Jesusca: –Cunanmari cai huasimanca, quishpirina chayamushca. Paipish Abrahampaj huahua huahuamari.

Hechos 10:27

Shina nishpa parlanacuihuan huasi ucuman yaicushpaca, achcacuna tandanacushca cajtami ricurca.

Hechos 10:33

Chaimantami ñucaca canta pushanaman cacharcani. Allitajchari shamurcangui. Ñucanchijman Taita Dios imallata huillachun nishcata huillailla. Ñucanchijca chaita uyangapajmi Taita Diospaj ñaupajpi caipi canchij– nircami.

Hechos 11:14

Paimi canpish, cambaj familiacunapish ima shina quishpirina cashcata huillanga” nircami, nishpami parlarca.

2 Timoteo 1:16

Cadenacunahuan huatashca cajpipish Onesiforoca mana pingashpami, achca cutin ñucataca cushichirca. Chaimanta Mandaj Jesusca paipaj huasipi cajcunataca llaquishca cachun.

Hebreos 9:19

Moisesca Mandashcapi tucui imalla nishcacunata tucuicunaman huillashpaca, c'ari bizicunapaj, c'ari chivocunapaj yahuarta japishpami, yacuhuan chagrushpa puca millma hisopota satishpa Mandashcata quillcashca librotapish, tucui chaipi cajcunapaj jahuatapish,

JOSUÉ 2:21

Chaimi Rahab huarmica: –Cancuna nishca shina cachun– nishpa minchacama nijpica, chai runacunaca rircallacuna. Chai huarmipish puca huascatami ventana canlla ladoman huarcurca.

JOSUÉ 6:23

Chai runacunapish chai Rahab huarmipaj huasiman yaicushpaca paitapish, paipaj yaya mamatapish, turicunatapish, paipaj tucui huasi ucupuracunatapish tucuicunatami pushamurcacuna. Paicunataca israelcunapaj carpa huasimanta carupimi churarcacuna.

JOSUÉ 6:25

Rahab huarmica Jericó pueblota purij shinalla ricushpa tigrachun, Josué cachashcacunatami ama huañuchichun pacarca. Chaimantami Josueca Rahab huarmitaca, paipaj huasi ucupuracunandijllata mana huañuchirca. Rahab huarmica, cunan punllacunacamami israelcunapurapi causacun.