JOSUÉ 2:12 - Dios Rimashca Shimicunami

¹² Ñuca cancunapaj allita rurashca shinallataj, cancunapish ñuca yayapaj paipaj huasipi tucui cajcunapaj allita rurangapaj Mandaj Diospaj ñaupajpi ari nishcata ricuchishpa shuj ricuchinata rurachunmi cunanca rogani.

JOSUÉ 2:12 Iomraidhean Croise

GÉNESIS 21:23

Chaimanta cunanca ñucatapish, ñuca churitapish, ñuca nietotapish imata mana llaquichinata ari nipai. Ashtahuanpish ñuca cambaj ima shinami allita rurarcani, chai shinallataj canca ñucapajpish, can causacun cai llajtapajpish allita ruranata Mandaj Diospaj ñaupajpi ari nipai– nircami.

GÉNESIS 24:3

ñuca churi Isaactaca, ñuca causacun cai Canaán llajtapi causaj huarmicunapurahuan cazarachun mana saquinata jahua pachata, cai pachata Mandaj Taita Diospaj ñaupajpi ari ni.

GÉNESIS 24:9

Shina nijpi paipajta ruraj runaca, paipaj amo Abrahampaj changapi maquita churashpami, chai ari ninacushcataca pajtachishatajmi nirca.

GÉNESIS 40:14

Cunanca ñucaca, can ña alli cashpaca ñucata yuyarichun, faraón ñucata caimanta llujshichichun ñucamanta parlachunmi rogapani.

2 CRÓNICAS 36:13

Jatun mandaj Nabucodonosortapish c'ariyarcami. Chai jatun mandajca paihuan tandalla canata shuj yuyailla cachunca, Diospaj shutipimi paitaca ari nichishca carca. Chashna ari nishca jahuami, mana pajtachirca. Shinallataj ch'ahuan shungu tucushpami, israelcunata Mandaj Diosmanca manataj cutirisha nirca.

ESTER 8:6

Tucui ñuca llajtapuracunatapish, ñuca quiquin huasi ucupuracunatapish huañuchichunca, maitataj ricucushallari. Tucui ñucanchij jahuapi cai jatun llaqui shamujta yachashca jahuaca, maitataj upalla cashari– nircami.

ÉXODO 12:13

Chai yahuarca israelcuna mai huasipi cashcata ricuchijmi canga. Chai yahuarta ricushpami cancunapaj huasi ñaupajtaca pasashpa rishalla. Chashnami egipciocunata huañuchishpa llaquichicujpica cancunapurapica huañui llaquica mana tiyanga.

JEREMÍAS 12:16

Chai llajtacunapi causajcunami ñuca runacunataca: Baalpish ricucunmi ninata yachachircacuna. Q'uipataca chai shinallataj paicunapish ñuca agllashcacunaman ñuca cushca yachanata yachachuncuna. Tucui shunguhuan chaita yachashpa, ñucatapish: Mandaj Dios ricucunmi nichuncuna. Chashnaca ñuca agllashcacunapurapi causangallacunami.

Marcos 14:44

Jesusta japichij Judasca: “Maijantami muchani, chaimi canga. Paita japishpaca, alli huatashpa pushanguichij” nishpami yachachishca carca.

Romanos 1:31

Ch'ahuancuna, mana pajtachijcuna, c'uyai illajllacuna, mana alli tucusha nijcuna, llaquij cana illajcunapishmi.

1 Timoteo 5:8

Maijanpish quiquinpurapaj, ashtahuantajca paipaj huasi familiapaj imallata rurana cashcata mana rurajca, crishcata saquishpa mana crijtapish yallimi tucushca.

Santiago 2:13

Imamantapish maijanta mana llaquishpa llaquichijtaca, paitapish mana llaquishpallataj llaquichishcami canga. Llaquij canaca, llaquichishca canatami mishan.

JOSUÉ 2:13

Ñuca yaya mamata, ñuca turicunata, ñañacunatapish ama huañuchipanguichijchu. Tucui ima charishcacunatapish ama imata rurapanguichijchu– nircami.

JOSUÉ 2:18

Ñucanchij ña cai llajtaman yaicumujpica, canca ñucanchijta canllaman uriyachishca cai puca huascatami ventanapi huarcuna cangui. Cambaj yaya mamatapish, turicunatapish, cambaj yayapaj familiacunataca tucuicunata cambaj huasipi tandachingui.

JOSUÉ 2:19

Cambaj huasipi tandachishca jahua chaimanta llujshishpaca, paipaj jahuallatajmi canga. Paita huañuchijpica ñucanchijca imata mana juchachishca cashunchu. Cambaj huasillapitaj cajpi ñucanchijpuracuna maijanta huañuchijllapimi, ñucanchij jahua canga.

JOSUÉ 6:22

Josueca chai pueblota purij shinalla ricushpa tigranaman ñaupaman shamuj runacunataca: “Cancunata ama huañuchichun pacaj huainayashcahuan causaj huarmipaj huasiman richij. Cancuna ari nishca shinallataj chai huarmipaj huasi ucupuracunataca paipaj huasimanta llujshichigrichij” nirca.

JOSUÉ 9:15

Chashnami Josueca, heveocunahuanca sumajta causanata ari ninacurca. Israelcunata pushajcunapish, Josué nishca shinallatajmi ari nircacuna.

JUECES 1:24

Purij shinalla ricujcunaca chai pueblomanta llujshicuj shuj runahuan tupashpaca: “Cai puebloman yaicunata ricuchihuai. Can ricuchijpica cantaca mana huañuchishunchu” nircacunami.

1 SAMUEL 30:15

Chaimi Davidca: –¿Chai soldadocuna maipi canman ñucata pushasha ninguichu?– nijpi paica: –Ñucata mana huañuchinata, ñuca amomanpish mana ricuchinata, Taita Diospaj ñaupajpi ari nijpica, chai gentecuna maipi canman pushashallami– nirca.