JOSUÉ 2:10 - Dios Rimashca Shimicunami

¹⁰ Cancuna Egiptomanta llujshishpa, Puca Cucha yacuta ch'imbachunpish, Mandaj Diosca chai yacuta chaquichishcatami yacharcanchij. Jordán jatun yacumanta ch'imbaman caj amorreocunata mandaj Sehón shuti, Og shuti jatun mandajcunatapish mishashpa tucuchishcatapish yachanchijmi.

JOSUÉ 2:10 Iomraidhean Croise

SALMOS 74:15

Pugyucunatapish, purij yacucunatapish quiquinmari llujshichircangui. Mana chaquiripaj jatun yacutapish chaquichircanguimari.

NÚMEROS 20:14

Moisesca Cades pueblopi cashpami, Edom llajtata jatun mandajhuan paipaj randi parlanacuchun huillajcunata cashna nichun cacharca: “Cambaj huauqui Israelca cashnami nin: Ñucanchij imalla llaquicunata apacushcataca canllataj yachanguimi.

NÚMEROS 23:22

Egiptomanta llujshichimuj Taita Diosca, búfalo huagra shina fuerzayujmi.

NÚMEROS 24:8

Egiptomanta llujshichimuj Taita Diosca, búfalo huagra shina fuerzayujmi. Israelcunaca paicunata p'iñaj llajtacunataca millpungami. Paicunapaj tullucunatapish ñutungami. Israelcunaca paicunapaj flechacunahuan pasajtami satingacuna.

DEUTERONOMIO 2:30

Ashtahuanpish Hesbón llajtata jatun mandaj Sehonca, paipaj llajtata pasachunca mana saquisha nircachu. Mandaj Dios, cancunapaj Taita Diosmi chai llajtata cancunapaj maquipi entregangapaj chai llajtata jatun mandajpaj yuyaitapish, shungutapish sinchiyachirca. Chaimi cunancama chai llajtaca cancunapaj.

JOSUÉ 24:12

Amorreocunapaj ishqui jatun mandajcunataca, mana cancunapaj espadahuan, cancunapaj arcohuan mishashpachu llujshichishpa cacharcanguichij. Ashtahuanpish ñucami tábano chuspicunata cachashpa, manaraj cancuna chayamujpi llujshichishpa cacharcani.

JOSUÉ 4:24

Cai tucuita yachashpaca, tucui cai pachapi causajcunami Mandaj Diosca tucuita rurai tucuj cashcata yachangacuna. Shinallataj cancunapish cancunata Mandaj Diostaca, cancunapaj tucui causaipi manchashpa causachunmi chashna rurarca” nircami.

JOSUÉ 5:1

Jordán jatun yacumanta inti huashicun ladoman causaj amorreocunata jatun mandajcunapish, mama cucha c'uchuman causaj cananeocunata jatun mandajcunapish, Jordán jatun yacuta israelcuna tucui ch'imbangacama Mandaj Dios chaquichishpa ch'imbachishcatami yachaj chayarcacuna. Chaimi yallitaj manchashpa israelcunahuan, macanacunataca manataj yuyarcacuna.

JOSUÉ 9:10

Jordán jatun yacu ch'imbanijpi caj Hesbón pueblopi causaj amorreocunata jatun mandaj Sehontapish, Basán llajtapi causaj amorreocunata jatun mandaj Ogtapish imallata rurashcatami yacharcanchij. Chai jatun mandajca Astarot pueblopimi causarca.