JOSUÉ 17:4 - Dios Rimashca Shimicunami

⁴ Chai ushushicunami Eleazar curapajman, Nunpaj churi Josuepajman, israelcunata mandajcunapajman rishpa cashna nircacuna: “Mandaj Diosca Moisestaca ñucanchij japina cashcataca caishuj c'ari huahuacunapaj huahua huahuacunaman cushcallapitaj allpacunata cuchunmi mandarca” nircacunami. Chashna nijpica Josueca, Mandaj Dios mandashca shinallatajmi, paicuna japina cashcataca paicunapaj yayapaj huauquicunaman cushca c'uchullapitaj curca.

JOSUÉ 17:4 Iomraidhean Croise

NÚMEROS 27:1

Josepaj churi Manasesmanta mirarishca familiacunaca: Manasespaj churi Maquir. Maquirpaj churi Galaad. Galaadpaj churi Hefer. Heferpaj churi Zelofehadmi carca. Zelofehad runaca ushushicunallatami charirca. Paicunaca Maala, Noa, Hogla, Milca, Tirsa shuticunami carca. Paicunami Moisespajman rishpa,

NÚMEROS 27:4

Ñucanchij yaya churicunata mana charishcallamanta, paipaj shutita anchuchishpa familiacunata chingachinaca mana allichu. Ñucanchij yayapaj familiacuna ama chingarichunca, ñucanchij yayapaj huauquicuna japishca allpamanta ashata chaupishpa ñucanchijman cuichij” nircacunami.

NÚMEROS 36:10

Shina nijpica Zelofehadpaj ushushicunaca, Mandaj Dios Moisesta mandashca shinallatajmi rurarcacuna.

Gálatas 3:28

Chaimanta judiopish, griegopish, esclavopish, mana esclavopish, c'aripish, huarmipish ña mana tiyanchu. Cancunaca tucuicunami Cristo Jesuspi shujlla canguichij.

JOSUÉ 14:1

Israelcunaca Canaán llajta allpacunataca caicunatami paicuna japina cashcataca japircacuna. Chai allpacunataca Eleazar curapish, Nunpaj churi Josuepish, israelcunapaj cada ñaupa yayacunapaj aillucunata pushaj yuyajcunapishmi chaupishpa curcacuna.

JOSUÉ 17:5

Chaimantami Manasespaj huahua huahuacunaca Jordán yacu caishuj ladoman caj Galaad, Basán llajtacunata japishca jahua chunga mirga allpacunahuan japircacuna.

JOSUÉ 21:1

Levipaj aillu cada familiata pushajcunami, Eleazar curapajman, Nunpaj churi Josuepajman, Israel aillucunata pushajcunapajman shamurcacuna.