JOSUÉ 17:1 - Dios Rimashca Shimicunami

¹ Manasespaj aillumanca Josepaj punta churi cashcamantami, cashna sorteashpa curca. Manasespaj punta churi Maquirpaj huahua huahuacunamanca Galaad, Basán llajtacunatami curca. Maquirca Galaadpi causajcunapaj punta yaya, macanacunatapish alli yachajmi carca.

JOSUÉ 17:1 Iomraidhean Croise

GÉNESIS 41:51

Joseca, punta churitaca Manasestami shutichirca. Paica: “Taita Diosca ñuca llaquicunataca cungachircami. Ñuca huasi ucupuracunatapish cungachircami” nishpami, chashna shutichirca.

GÉNESIS 41:52

Q'uipa churitaca Efraintami shutichirca. Paica: “Taita Diosca ñucataca llaquita apacushca llajtapimari churicunayujta rurahuan” nishpami, chashna shutichirca.

GÉNESIS 46:20

Joseca Egiptopi cashpami Asenat paipaj huarmipica Manasés, Efraín shuti churicunata charirca. Asenatca On pueblopi causaj Potifera curapaj ushushimi carca.

GÉNESIS 48:17

Joseca paipaj yaya paipaj alli maquita Efrainpaj uma jahuapi churajta ricushpami, llaquirishpa paipaj yayapaj maquita japishpa Efrainpaj uma jahuamanta anchuchishpa Manasespaj uma jahuapi churasha nishpa,

GÉNESIS 48:18

paipaj yayataca: –Yayito, ama chashna rurapaichu, caimari ñuca punta churi. Cambaj alli maquitaca paipaj uma jahuapi churapai– nirca.

GÉNESIS 50:23

Joseca Efrainpaj churicunataca quimsa huahua huahuacamami ricurca. Manasespaj churi Maquirpaj huahuacunaca Josepaj changa jahuapi huiñachishcacunami carca.

2 SAMUEL 2:9

Galaad, Gesuri, Jezreel, Efraín, Benjamín llajtacunapi causaj tucui israelcunata jatun mandaj cachun churarca.

1 CRÓNICAS 2:23

Shina cajpipish Gesurcuna, Aramcunami Jairpaj pueblocunatapish, Kenat pueblotapish, chai muyundij llajtacunatapish sujta chunga pueblocunata quichurcacuna. Tucui chaicunaca Galaadcunapaj yaya Maquirpaj huahua huahuacunami carca.

EZEQUIEL 47:13

Mandaj Jatun Dios ñucatajmi cashna nini: Chunga ishqui Israel aillucunaca, paicuna charishca allpacunataca cashnami chaupingacuna: Joseca ishqui mirga allpatami japinga.

EZEQUIEL 48:4

Neftalí aillupaj ura ladomanca, Manasés aillumi inti llujshin ladomantaca, mama cucha ladocama mirga allpata japinga.

NÚMEROS 26:29

Manasespaj churicunamanta mirarishcacunaca: Maquir runamanta mirarishca maquiritas nishca familiacunami carca. Maquirca Galaad churitami charirca. Galaadmanta mirarishca galaaditas nishca familiacunami carca.

NÚMEROS 27:1

Josepaj churi Manasesmanta mirarishca familiacunaca: Manasespaj churi Maquir. Maquirpaj churi Galaad. Galaadpaj churi Hefer. Heferpaj churi Zelofehadmi carca. Zelofehad runaca ushushicunallatami charirca. Paicunaca Maala, Noa, Hogla, Milca, Tirsa shuticunami carca. Paicunami Moisespajman rishpa,

NÚMEROS 32:33

Chashnami Moisesca Gadpaj, Rubenpaj aillucunamanpish, Josepaj churi Manasespaj chaupi aillumanpish amorreocunata jatun mandaj Sehón mandacushca llajtata, Basán llajtata jatun mandaj Og mandacushca llajtata curca. Chai pueblocunataca tucui chai llajta allpacunandijmi curca.

DEUTERONOMIO 21:17

Ashtahuanpish mana c'uyashca huarmipaj huahuamanmi punta churi cashpa japinataca cuna. Paimanca caishujcuna japina cashcamanta ishqui cutinhuanmi cuna. Paica yayapaj punta fuerzamanta huahua cashcamanta paimi yayapaj punta churi. Chaimanta punta churi cashpa japinaca paipajmi.

JOSUÉ 17:2

Manasespaj caishuj churicunamanpish paicunapaj familia mashna cashcapajmi sortearca. Paicunaca caicunami: Abiezer, Helec, Asriel, Siquem, Hefer, Semida shuticunami carca. Paicunaca Josepaj nietocunami carca.

JOSUÉ 22:7

Manasespaj chaupi aillumanca Moisesmi, Basán llajtapi allpacunata curca. Manasespajllataj caishuj chaupi aillumanca Josuemi, Jordán yacumanta inti huashicun ladoman allpacunata curca. Paicunatapish Josueca, Dios allicunata cuchun nishpa paicunapaj carpa huasicunaman tigrachishpa cachacushpaca,

JUECES 5:14

Amalecpi causaj Efrainpaj aillupish shamurcacunami. Benjaminpaj ailluta mandajpish tucui paipajcunandijmi canta catishpa shamurcacuna. Maquirpaj ailluta mandajcunapish uriyamurcacunami. Zabulonpaj aillupish mandana varata charijcunami shamurcacuna.