JOSUÉ 16:7 - Dios Rimashca Shimicunami

⁷ Janoamantaca Atarot, Naarat pueblocunata uri rishpami Jericohuan tupanacushpa, Jordán yacuman llujshin.

JOSUÉ 16:7 Iomraidhean Croise

1 CRÓNICAS 7:28

Paicuna causanapaj japishca llajtaca Bet-el pueblomi muyundij llajtacunandij paicunapaj carca. Inti llujshin ladomanca, Naarán pueblomi paicunapaj carca. Inti huashicun ladomanca, Gezer pueblomi muyundij llajtacunandij paicunapaj carca. Siquem pueblopish, Gaza pueblocamami muyundij llajtacunandij paicunapaj carca.

NÚMEROS 33:48

Abarim urcucunamanta rishpaca, Jericó urcumanta inti llujshin ladoman caj Jordán yacu c'uchupi caj Moab pambaman chayashpami, carpa huasicunata shayachishpa tiyarircacuna.

JOSUÉ 16:6

Chaimantaca mama cuchacama, janaj ladotaca Micmetatcama, chaimantaca inti llujshin ladota muyushpami Taanat-silocama chayan. Chaimantaca Janoamanmi pasan.

JOSUÉ 3:16

Chaimi janajmanta shamucuj yacuca Saretán pueblo c'uchupi caj Adam shuti pueblomanta carupi jarcarirca. Israelcuna ch'imbacushcamanta uriman ricuj yacupish, Arabá shuti pambapi caj Cachisapa Cuchacamami chaquirca. Chai yacu chashna chaquijpimi, tucui israelcuna Jericó pueblo derechota ch'imbarcacuna.

JOSUÉ 6:1

Jericopi causajcunaca israelcunata manchashcamantami, chai puebloman yaicuna pungucunataca allitaj huichcarishcacuna carca. Chaimantami chai pueblopi causajcunaca pi mana yaicui tucurcacuna, mana llujshi tucurcacuna.

JOSUÉ 6:26

Jericó pueblota tucui chingachishca q'uipaca Josueca Diospaj shutipimi cashnataj cachun nini nirca: “Cai pueblota cutin shayachij runataca Mandaj Dios jatunta llaquichishca cachun. Cai pueblota shayachi callarijpica, paipaj punta churi huañushca cachun. Cai puebloman yaicuna pungucunata churacujpica, q'uipa churi huañushca cachun” nircami.