JOSUÉ 16:4 - Dios Rimashca Shimicunami

⁴ Manasés, Efraín shuti Josepaj ishqui churicunapaj huahua huahuacunaca, paicuna japina cashcataca chai allpacunatami japircacuna.

JOSUÉ 16:4 Iomraidhean Croise

GÉNESIS 41:52

Q'uipa churitaca Efraintami shutichirca. Paica: “Taita Diosca ñucataca llaquita apacushca llajtapimari churicunayujta rurahuan” nishpami, chashna shutichirca.

EZEQUIEL 47:13

Mandaj Jatun Dios ñucatajmi cashna nini: Chunga ishqui Israel aillucunaca, paicuna charishca allpacunataca cashnami chaupingacuna: Joseca ishqui mirga allpatami japinga.

JOSUÉ 14:4

Josepaj ailluca Manasés aillu, Efraín aillu ishqui aillumi tucurca. Levipaj huahua huahuacunamanca tarpuna allpacunataca mana curcacunachu. Paicunamanca causanapaj pueblocunata, huagracunata, ovejacunata michina chai muyundij asha allpacunallatami curcacuna.

JOSUÉ 16:5

Efrainpaj huahua huahuacunapaj mashna familiapaj allpaca caicunami: Paicuna japina cashca lindeca, inti llujshin ladotaca, Atarot-adarmanta jahua Bet-horoncamami.

JOSUÉ 17:14

Josepaj huahua huahuacunaca, Josuetaca cashnami nircacuna: –Ñucanchijca Dios cunancama alli nishca cashpami, achcata mirarishcanchij. Chashna cashca jahuamari ñucanchijmanca shuj cutinlla sorteashpa, shujllapi allpataca cungui– nircacunami.

JOSUÉ 18:5

Chai manaraj chaupishca allpacunataca, canchis aillupaj chaupichuncuna. Judapaj huahua huahuacunapajca, ura ladollamantaj saquishpa, Josepaj huahuacunamanpish janaj ladollamantaj saquichunlla.