JOSUÉ 15:8 - Dios Rimashca Shimicunami

⁸ Chai lindeca Hinompaj churipaj pugru pambata huichi rishpami, Jebuseocuna causacun Jerusalén ura ladota pasan. Chaimantaca Hinompaj churipaj pugru pamba ch'imbapurapi tiyaj urcu puntatami huichiyan. Chai urcuca inti huashicun ladoman caj Refaim pugru pamba jahua ñan ladomanmi.

JOSUÉ 15:8 Iomraidhean Croise

2 SAMUEL 5:18

Filisteocuna shamushpaca, Refaim pugru pambapimi rigarishpa tiyarircacuna.

2 SAMUEL 5:22

Filisteocunaca cutinllataj shamushpami, Refaim pugru pamballapitaj rigarishpa tiyarircacuna.

2 REYES 23:10

Josiasca, Hinompaj churipaj pugru pambapi tiyaj Tofet altartapishmi yangata rurarca. Pi ama paicunapaj churita cashpa ushushita cashpa Moloc Diosman cushpa ña ama rupachichunmi chashna rurarca.

1 CRÓNICAS 11:4

Chai q'uipaca Davidca tucui israelcunandijmi Jebús nishca Jerusalenman rirca. Chaipica jebuseocunami causacurcacuna.

2 CRÓNICAS 28:3

Chai rurashcalla dioscunaman cushpami, Hinompaj churicunapaj pambapi inciensota rupachij carca. Israelcunata cai llajtapi churangapaj Mandaj Dios cai llajtamanta anchuchishca gentecuna millanana ruranacunata ruraj cashca shina rurashpami paicunapaj churita rurashcalla diosman cushpa rupachircacuna.

NEHEMÍAS 11:30

Zanoapi, Adulampi chai muyundij llajtacunapipish, Laquispi chai muyundij allpacunapipish, Azecapi chai muyundij llajtacunapipishmi causarcacuna. Paicunaca Beersebamanta callarishpaca Hinom pugru pambacamami causarcacuna.

ISAÍAS 17:5

Granota cozichana punllapi cozichaj cozichashca shinami canga. Gavillata marcashpa tandachij shinami canga. Refaim pugru pambapi ch'alajcuna ch'alashca shina chushajmi saquiringa.

JEREMÍAS 19:14

Mandaj Dios chai Tofet pambapi imallata huillachun mandashcata huillashpaca, Jeremiasca Mandaj Diospaj huasimanmi tigrarca. Chai huasi canllapi shayarishpami, tucui chaipi cajcunata cashna nirca:

JEREMÍAS 19:2

Chaimantaca inti llujshin ladopi caj pungu uranijman, Hinompaj churipaj pugru pambaman pushangui. Paicunamanca chaipi ñuca imata huillachun nishcata huillangui.

JEREMÍAS 19:6

Chaimantami cai pambataca Tofet shuti pugru pamba, mana cashpaca Hinom runapaj churipaj pugru pamba ninapaj randica, jatun Huañui Pamba nina punlla chayamugrin.

JOSUÉ 15:63

Judapaj huahua huahuacunaca, chai tucui pueblocunata japishpapish, Jerusalenpi causaj jebuseocunataca mana llujshichishpa cachai tucurcacunachu. Chaimantami jebuseocunaca cunancama, Judapaj huahua huahuacunahuan Jerusalenpi causancuna.

JOSUÉ 18:16

Chai lindeca Hinompaj churipaj pugru pamba c'uchupi caj urcu c'uchumanmi uriyan. Chai pambaca Refaim pugru pambamantaca, janaj ladomanmi. Chaimantaca Hinompaj pugru pambamanmi uriyan. Ura ladotaca Jebuseocunapaj llajtata pasashpami Rogel pugyuman uriyan.

JOSUÉ 18:28

Zela, Elef, Jebús nishca Jerusalén, Gabaa, Quiriat shuti pueblocunapishmi. Chai chunga chuscu pueblocunatapish, tucui muyundij llajtacunandijmi japircacuna. Benjamin aillupaj mashna familiacuna cashcapaj japishca allpacunaca tucui chaicunami.

JUECES 1:21

Benjaminpaj ailluca, Jerusalenpi causaj jebuseocunataca mana llujshichishpa cacharcacunachu. Jebuseocunaca Benjaminpaj ailluhuanmi Jerusalenpi cunancama causacuncuna.

JUECES 1:8

Judapaj ailluca, Jerusalenpi causajcunapajman rishpa mishashpaca tucuita japishpa, tucuicunata espadahuan huañuchishpami, chai pueblotapish tucuita rupachircacuna.

JUECES 19:10

Ashtahuanpish levita runaca, chai tutaca mana chaipi pacarisha nishpami jatarishpa rircalla. Ña rishpaca paipaj caishuj huarmindij, parejashca ishqui burrocunandijmi Jebús nishca Jerusalén ch'imbapuraman chayarca.