JOSUÉ 15:7 - Dios Rimashca Shimicunami

⁷ Acor pugru pambamanta callarishpa huichi rishpaca, Debircamami. Janaj ladota muyurishpaca, Aduminman huichi rina Gilgal ch'imbapuratami. Ura ladotaca jatun yacuta catishpa, En-semes jatun pugyu yacuta pasashpa, Rogel pugyu yacucamami.

JOSUÉ 15:7 Iomraidhean Croise

2 SAMUEL 17:17

Jonatanpish, Ahimaaspish, Rogel pugyu yacu c'uchupimi carcacuna. Paicunaca ama pi ricuchun nishpami, Jerusalenmanca mana yaicushcacuna carca. Paicunamanca shuj servij huarmi chaiman rishpa Jerusalenpi imalla tucushcata huillajpimi, paicunaca jatun mandaj Davidman huillagrircacuna.

1 REYES 1:9

Adoniasca, Rogel pugyu c'uchullapi caj Zohelet c'aca c'uchupimi ovejacunatapish, vacacunatapish, huirayashca animalcunatapish huañuchishpa jatun micuita rurarca. Chaimanca Adoniasca tucui paipaj huauquicuna caj jatun mandajpaj churicunatapish, jatun mandajpajta ruraj tucui Judá runacunatapishmi cayarca.

ISAÍAS 65:10

Ñuca agllashca ñucata mashcajcunapajca, Sarón pambaca ovejacunapaj corralmi canga. Acor pugru pambaca vacacunapaj corralmi canga.

OSEAS 2:5

Cambaj mamaca huainayashcahuan causaj huarmimi tucurca. Canta huachajca pingai illajmi. Chashna cashpami paica: Micunata, yacuta, millmata, linota, aceiteta, ima ubyanacunatapish ñucaman cujcunata catishpa rishalla nishpa catishpa ricujlla tucurca.

JOSUÉ 10:43

Chai q'uipaca Josueca tucui israelcunandijmi Gilgalpi caj paicunapaj carpa huasicunaman tigrarcacuna.

JOSUÉ 15:15

Chai q'uipaca, Debirpi causajcunahuanmi macanacugrirca. Chai puebloca ñaupaca, Quiriat-sefermi carca.

JOSUÉ 15:6

Chaimantaca Bet-hogla pueblo huichita rishpa janaj ladoman caj Bet-arabacamami. Chaimantaca Rubenpaj churi Bohanpaj jatun rumi chaicamami.

JOSUÉ 18:17

Rogelmantaca ashata janaj ladoman tigrashpami, En-semesman llujshin. En-semesmantaca Adumín huichi ch'imbapurapi caj Gelilotta pasashpami, Rubenpaj churi Bohanpaj rumicama uriyan.

JOSUÉ 4:19

Israelcunaca punta quillapaj chunga punllapimi, chai Jordán yacumanta rishpaca, Gilgal shuti pambapi carpa huasicunata shayachishpa tiyarircacuna. Gilgalca Jericomantaca inti llujshin ladomanmi.

JOSUÉ 7:24

Chai q'uipami Josueca, israelcunandij tucushpa Zerapaj churi Acantaca: Pai shuhuashca cullquindij, churanandij, mirga curindij, paipaj churicunandij, ushushicunandij, huagracunandij, ovejacunandij, burrocunandij, carpa huasindij, tucui imalla charishcacunandij Acor pugru pambaman aparcacuna.

JOSUÉ 7:26

Chai jahuapica, cunancama tiyacuj jatun montón rumicunatami montonarcacuna. Chaipimi Mandaj Diosca israelcunahuan yallitaj p'iñarishca cashcamantaca alli tucurca. Acanta huañuchishca pambataca cunancamami, Acor pamba nincuna.